¹ Kwapii tsifibii samakabii,bahaeakwa harusiko nana kanama Galilaya a asukoma Yesu bahaeakwa nana. ² Yesu a wanafunzi beema alikwaiyaame kwako harusiko. ³ Kwameabahaba a divai,asukoma Yesu kakwaheta,''Ukuwayeta divai.'' ⁴ Yesu kamojibuehe,''Akwitiko hako akwiaha kweso husuitikwa ono? Mudakwa ono hupeya timiyaechana.'' ⁵ Asuko kakwahema watumishibii,''ihia hamakweso hinaaa kitomasi'' ⁶ Basi bahaeame mitungibee sita bee ha!abiitebee beena habekwamee chikikwa kwajirikosa nlluti chana kwako tsifiko wayahudibichiko,kila uchame tsoseeame nena nzio piyebee samakabee. ⁷ Yesu kamohete,''Tsosetate mitungibee ha!abitebee.''Kamitsoseta mpaka puhuna. ⁸ Kisha kamoheta bee watumishi watumishi,''Chiyasi kiasi hamaisho a titihakana kweya muhudumu pakapaa mezatee.''Kamitsiye isakwapii himiya. ⁹ Muhudumu pakapaa kamotiicha bii atii habii kwamii galajiga a kama tsiiye isa divai,ila akwamotetao kwamii hi!ee (lakini watumishibii habikwamii shaa atibii tetaowami kwamii hi!ee )kisha kamokaama bwana harusi ¹⁰ hichachana,''Kila uchame kutulaya hudumiyaechana Emeda divai tsieehe a kwisi ngewe kwihichaya chivai akwe tsiche.Lakini tee tunzaitataa divai tsiehe hadi hamaisho'' ¹¹ Muujiza hama kana na Galilayane,akakaa neya isharama miujiza hamakwamo kitoma Yesu,kweso puuha utukufuma,hivyo wanafunzi ema kameaminiita. ¹² Baadanakosa hako,Yesu,asukoma,ukwatebeema a wanafunzibeema hakama kweya mji Kapernaum a kamehama kwapii tsifibii gumibii. ¹³ Basi pasakaicha wayahudibii nanlliamo,beenaeta Yesu kamohaka Yerusalemu. ¹⁴ Kamogosangicha tatasobisa achekako,pukupukukkoa nllapoko chikinasa Hekaluko.A nllama habii kwapiikolajeta !okoshowebee hamaamii cjhikinasa Hekaluko ¹⁵ Yesu kamoelaha nyenge bimi nll'ungunll;ungubiiche kamohi!icha wainaicha habikwamii bahaehe chikinasa Hekaluko,gugiya achekako a pukupukuba kamotsieta !okoshowebiicha babikwapi akolojeta !okoshowebee a kunllepetachana mezabiicha. ¹⁶ Bii tatasobiicha nllapobee kamohicha,'' Hi!asi hama ihiia ichana a hamena,tatasi tsiitachana hentsakoma bawakwa isa sokokoo.'' ¹⁷ Wanafunzibeema kameesl'awii beenaeta !eghaiyame,''Ilosa hentsakowena samekwatita.'' ¹⁸ !ukuslabiicha Wayahudibii kamiyibuita,kamihena,Aku isharaka hamakwetee nllatslaha kwako tsoko kitomaetee idiga hamaa?'' ¹⁹ Yesu kamojibuicha,moslutasi Hekaluko hako a ono maatata kwapii tsifibii samakabii.'' ²⁰ Kisha !ukuslabiicha wayahudibii kamitlozo''lhichaa ngakabii arobaini a sita maatacha hekaheko hako ate tlodzotita maatatita kwapii tsifibii samakabii?'' ²¹ Ikakwamo bamii tlozo hekajeko tetaowamoo manapeema. ²² Beena baadaena badaakoma hupachama hi!echa kwapee misiyebee,wanafunzibeema kameeslawii ishinokwaya tlozoo,kameamini rhr maandandikobee a lolikoma hakokweya Yesu kweya kenena tlozo. ²³ Basi kwamoo a Yerusalemu wakatinama pasaka,wakatinasa sikukuuko unu aso aminieamo akanabeema,kwame tsiya isharama miujiza kwamokitoma. ²⁴ Lakini Yesu akwamo imanineehe a bee kwako nzokoko tetaowetamo wanadamubee wainaeta. ²⁵ Akwamoo slaata unu ichee hemachana kuhusu wanadamubee kwako nzokoko tetawamo hamo hama kweya bahaehe ahikinaeta.