¹ Akakaanena bahaeamo idiga,a Idiga bahaeame waikoweta a Haine.a Idiga bahaeakwa kweya Haine. ² Hako,Idiga,akakaanena bahaeakwa ichamee'ena a Haine. ³ Ihia wainama elahiyamo Llithehechana baminia,a komaakwe bamie ukuwa a ihia ichamen hama kweya elahiya. ⁴ Chikinama bahaeamo amayegae a bami amayegae bamieamo bellea mo emeda wainama. ⁵ Bellea ngalaheya titsianina,akwe titsia halikuizimisha. ⁶ Baheamo a unu hamakwamo /'uwiya hi!necha kweya Haine,amabye akanabema bamieamo Yohana. ⁷ Dzamo isa shahidi shuhudiyaechana hila bethashie,ili kwamba wainaeta isegumuseana aminiehe llelhehena baminina. ⁸ Yohana ukuwama hina bethea,ili kwamba wote bali dzamo ili sochee kuhusu ili bethea ⁹ Hishinokwa bahaeamo betl'ea sa humako ambayo ilikuwa dzaniyako kweya yamua ahishina chekahepe kila ichame. ¹⁰ Bahaeamo kweya yamua,a yamua elahiyamo //e/tehechana baminina,a yamua akwamotetaoma. ¹¹ Dzamo kweya gashenga wainama,a emeda ma akwamootatsana. ¹² Bali kwape nabe'e'e asone'e kwapetatsana,habekwame aminie akana bema,kwape be'e kwehetamo haki ma kwamo akwepe ma Haine, ¹³ Habekwame chikiya,akwe nena atama,aakwe nena mapenzi yetu manabee,aakwe mapenzi ma unu bali kweya Haine ichinanema. ¹⁴ Abee idigo elahiyakwa manabe a kakwahama atopenaeta,liyaba'a utukufu ma,utukufu isa unune peke'e ma ukukufu isa unune peke'e ma kipeke'e dzamo hi!necha kweya bawa,/'osowamo neema humako. ¹⁵ Yohana shughuliyaeamo kuhusu bami,a lluhamo lluk'wa kamathodzo,Hama bamiya hamakwa thodzo habari koma kanathodzo ''Hino dzane baada bakwa ni !usla kuliko ono,kwako nsokoko bahaeamo kabla nakwa.'' ¹⁶ kwa kuwa hi!neyamo kwaya utimilifu ma,onebe wainaona tatsanaba k'aoba kipawa baada ma kipawa. ¹⁷ Kwako nsokoko sheriako dzaniyakwa lletlehechana Musa.Neema a humako dzami lletlehechana Yesu Kristo. ¹⁸ Ukuwa unu hakwamo/'iyo Haine wakati wawaikoma.Unu pekee ambaya ni Haine,hamakwamo kwape kazabee ma Bawa,hiiyamo bami isotetaumiya. ¹⁹ Abami ya ushuhudama Yohana wakati makuhani a walawi habikwamitsiwiya baminina a wayahudi yasanachana,''Te akwadzate'e?'' ²⁰ Bali shoshokono a ukuwa,bali lhodzowamo,''One akwata Kristoe.'' ²¹ Hishinokwa kameyasana,''Kwa hiyo tea kwadzate'e atonena?''Te Eliyate?kamothodzo,''Ono akwata.''Kamothodzo Te ni aasepotee?kamothodzo,''Hae,'' ²² Kisha kamehema,''Te akwanzate'e ili kwamba bakweheta idiga habekwape'e /uwoba?''Tashinokwatita chiinimiya te ichinanena?'' ²³ Kamothodzo,Ono ni lluk'wa ma uhenyikani:kwaititae yekekoma Bwana isa aasepo isaya isakwamothodzo.'' ²⁴ Aatonena bahaeamo a emeda /'uwiyamo beena hi!necha kwape Mafarisayo.Kameyasana a thodzochana, ²⁵ Akwia ninahita tlabuhiya atonena isa te akwahita kristoe aakwe Eliya aakwe aasepo?'' ²⁶ Yohana komoheta komothodzo,''tlabuhiyata kwapi atibii.Hata hishinokwa,miongoni ninaina ikaya unu hamakwateta akwe/'aha. ²⁷ Hamo bamiya dzane atonakwa Ono akwata gumuseane'e shongotachana ta/'eko weta kwat;labe ma.'' ²⁸ Yamua hama elahiyamo nana Belhania,Achekakoma Yordani,yamumua hamakwamo Yohana kwamo tl'abuhiyo. ²⁹ tsifiko dzaniko Yohana /'iyamo Yesu kwamodza baminina kamothodzo,''Che'e'e akwetema pukupuku ma Haine chiyahe theke'e ma aa! ³⁰ Hama bamiya hamakwata thodzobe ma kwenethodzo,''Bamiya dzane atonakwa ni !usoha akwe ono,kwa kuwa bahaeamo hupitikwana.' ³¹ Akwanatsaha bami lakini elahiyame hishinokwa ili iso husumuiya kweya Israeli,kwamba dzanaa kwenetlabuhiya nena atibii.'' ³² Yohana /'ianamo,/'itanaa nkoloku kwa kwatuwa hi!necha aanina hiiyeyo isa hua,a thaeyakwa puhuna ma. ³³ Ono akwanatsaha lakini bami hamakwe/'ukwa ili inotl'abuhiya nena atibii hekwamo,'Hina hamakweya /'iitatila nkoloko kwekokuwa a kohama puhunama,Hama bami kweso tlabue nena nkoloko pethehiko.' ³⁴ /'iyanaa a /'iananaa kwamba hama ni akweteya ma Haine.'' ³⁵ ll'ama tsifiko bokodzaniko Yohana alikuwa ikamo wainaeta a wanafunzi bema piyebe'e, ³⁶ /'iyame Yesu kwamoitlikwa a Yohana komothodzo,''Che'e'e akwetema pukupuku ma Haina!'' ³⁷ Wanafunzibee piyebee //naemame Yohana kwamothodzo ehe kametabana Yesu. ³⁸ ll'ama Yesu kwe!nepeama a kamo liyeta wanafunzibe'e nabee atabaanepe'e,a kamoheta,''Akwiaha kwatetaslaata?''Kamehema,''Rabbi(maana ma mwalimu;hamete tumiika?'' ³⁹ Kamoheta,''Bichote a tete /iana''Kisha kamehako a kameliya yamua hamakweya hamee;Hamame wainaeta abami tsifiku boko,kwa kuwa hiiyako chitiyako isa saa kumi hishinokwa. ⁴⁰ Ichame koweta nabee piyebe'e habekwa mell'naema Yohana kwamothodzo a kamo aatabaaana Yesu bamicamo Andrea,Ukwatema Simoni Petro. ⁴¹ Kamoliya ukwatema Simoni a kamohema,''!uyuwa'a'a masihi''(ambaye tatsirieya Kristo). ⁴² Komodzana kwey Yesu.Yesu kamochee nena kamothodzo,''Te oma Simonitee akwema Yohana''kaamiyatita kefa,''(maanama 'Petro'). ⁴³ Tsifiko dzanoko wakati Yesu kwamo slaati /'uayachana hakachana Galilaya,!uyuwamo Filipo a kamohema,''Atabaako'o ono.'' ⁴⁴ Filipo bamieamo hamak'ne;e ma Bethsaid,mji ma Andrea a Petro. ⁴⁵ Filipo kwemamo Nathanaeli a kamohema,!uyuwaba'a hina jhamakwaya Musa !uyuwaba'a chodzobemo kwako sheriako a Aasepobii.Yesu akwetema Yusufu,hin!necha Nazareti. ⁴⁶ Nathanaeli;kamohema,Je ihia /'ie kotosheya hi!nechana Nazareti?'' Filipo kamohema,Bichoo a ita/'iya.'' ⁴⁷ Yesu kamoliya Nathanaeli kwesodza bamininina a kamothodzo,''Che'e'e Mwisraeli humako humako akwe lalamsi chikina ma!'' ⁴⁸ Nathanaeli kamohema,''Tashinatitatetao kwa ono?''Yesu kamothodzo a]o kamohema,''Hupinitana Filipo akwamokaaheno kwata tlehena sa chikiko,/'iyenana'a.'' ⁴⁹ Nathanaeli kamothodzo,''Rabi te bamite akwetema Haine!Te ni mfalme ma Israel''! ⁵⁰ Yesu kamothodzo kamohemo,kwako nsokoko henana'a '/'iyenana'na tlehena sa chikiko' je waamini?/'iyatita itl'ikwama pakapaa akwe hape'e.'' ⁵¹ Yesu kamothodzo,Amini amini hinato /'iyetateta aa kwisillae'a liyatachana ,malaikabe'e kwamekaha a tuwachana puhuna ma akwete ma Adam.''