¹ Paulo,/'u/'ukwama Kristo kweya mapenzi ma Haine,kwape habekwape'e ! ondolowiya kwako nzokokoma Haine kwamebaha Efeso a habekwame nube'e kweya Kristo Yesu. ² Neema iso itibitina a amani hi!ne kweya Haine bawa ona a Bwana Kristo Yesu. ³ Haine a bawa ma Bwana ona Yesu Kristo sokwimiya lalak'a.Bamiya hamakweya barikie kweka kila yobako nkoloko,kweya yamua a'ane chikinama Kristo. ⁴ Kwamo hana elaiyana yamua,Haine gobalobamo obi kwaota kwataaminie kweya Kristyo.Gobalobamo obii ili yogumuseana kuwa yowatakatifue a iyo akwe !nauwiya a'anena ma. ⁵ Kweya slaati Haine gobalobamo akaka'anena kweso isa akwebema kwako yekekoma Yesu Kristo.Hiiheyamo kwako nzokoko !inimamo elahochana hina hamakweya slaata. ⁶ Hi!necha ma atone Haine so/'itiya nena yobako ma /'iyeye'e ma.Hako bokowako hamakweya kweya kao kwako yekekoma sla'atema ⁷ Kwa kuwa kweya sla'ate kwa,chokwa haepe oshishimo lletlehecha atama nina,msamaha ma thekee.chokwatebebe'e hako kwako nzokoko ma ihia ma Neema tema. ⁸ Elatamo neemako hako iko asoe kwako nzokoko ona kweya hekima a tetao. ⁹ Haine elasukwamo kotetaumiya unibitina hakokwakobiha mpangotiko,hi!nechaninama a hamu hamakweya chikiya chiki nama Kristo. ¹⁰ Kwami nyakatibii gushika nena gushikama thodzo ma,Haine chikichaya gugichama kila gashega ma a'a a puhunama yamua chikina ma Kristo. ¹¹ Kweya Kristo bahaea'a gubaguliya chiinimiya hupitana a yamua,hako bokoekwa hi!neyakwa a mpango ma elasukwe ihia wainama nena chiinimia sla'ati ma. ¹² Haine elasukwamo hishinokwa ili iyo gumuseana bahaechana nena galilie ma nube'e ma.Be'e'e'a akaka'anebe betetebe'e chikinama Kristo. ¹³ Yikitinakwa Kristo atonena //naetea idigabe'e humatebee,thodzoma ishiiya ona nena yekekoma Kristo,Bahaeakwa kweya bami kai kwamba iinaetea a chikiyotea mhuri a nkoloko nubiko hakokweya heya. ¹⁴ Nkoloko bokowako dhamana ma urithi ona mpaka umiliki kweso!uyuhe.Hama bamieamo lalak'a ma nube'e ma. ¹⁵ Kwako nzokoko hako,tgangu wakati kwana //nae kuhusu imani ina chikinama Bwana Yesu a kuhusu sla'ati ina a kwape nabe'e habekwape'e !nondolo wiya kwako nzokokoma. ¹⁶ Akwataya !oshachana Haina kwako nzokoko wina a kakaetachana kweya !oshocha kwa. ¹⁷ !Oshota atonena Haine ma Bawa ona Yesu Kristo,bawa ma ube'e kwihinaya nkoloko ma masalako,llnaimiyacha ma tetaoma. ¹⁸ !oshotya kai akwabi ina nkolotebee isechikimiya betheshie kweteta etebe'e tetaochana tumebamiya betete ma ka'amiyo ina.!oshota atonena tetaote utajiri ma nube'e ma urithi ma lla'anaeta nabee habekwapee! ondolowiya kwako nzokoko ma. ¹⁹ !oshota kai tatetao !uslae hlowiye ulubite eta chikina ona habekwaota aminie.Hama !ushlae hi!neya a elasukwa molemodako kwape ulube. ²⁰ Hape ulupe kwape'elahiya molemodako chikina ma Kristo wakati Haine kwamohupita hi!necha misiyebee a hamitachana kwapi ukwabima hleminibii kweya yamua a'ane. ²¹ Hamitamo Kristo puhuna ichana a gidegeanochana,malaka,ulube'e,enzi,a kila akanabee ka'amiyebe'e.Hamitamo Yesu akwe kweya bamuusha hama.Lakini Kweya wakati dzane ilama. ²² Haine godegeanamo ihio wainama h'ehenaicha apukwabima Kristo.Elahamo bami thoma puhuna ma ihia wainama kweyo he/ako ma Haine.