¹ Isa kwatea misihe kweya thekaula a theke'e ina. ² /iiamo kwape habe'e atonena akaka'anena hakatea k'umiina a nyakati ma yamua hama.Hakaetea gosealachana !uhlae ulubite ma a'a.hako bokowako nkolokomo hina elasukwe molemodako kwape olabe'e hatheshae. ³ Obe'e wainayo hamana akaka'anena bahaea'a //a'anaeta habe kwape'echiyoHaine.Kitatomahe'e nena tasititacho akwako thikiko manabiti koona.Elasukwa'a'a mapenzi yetu manabe'e a tetaona.Tisia kweya gizela olanakwa ma ghadhabu isa ichebee. ⁴ Lakini Haine asowama rehema kwako nzokoko ma hla'ati ma pakapa'a hamakweya hl'a ona onebee. ⁵ Kwaba misiyee kweya thekaula ona,dzanonamo gugiyana kweya hamacha dzana chikina ma kristo.Ni kwa neema ishiiyatea. ⁶ Haine gupiyonamo ichame'ena a kamoelao na hamachana wainaona kweya yamuama a'a chikina ma kristo Yesu. ⁷ Hiiheyamo hishinokwe kweya nyakati dzanehe sogumseana llnahleheyonachana utajiri m !ulila sa neemakoma.llnahloheyona onebee hako kwa yekeko na /'iye'e ma chikina ma Kristo Yesu. ⁸ Kwako neemako ishiiyatea kwako yekekomo imani.A hako akwakwahi!ne unibitina.Zawadi yama Haine. ⁹ Akwakwa hi!ne a ihlikwahina matoke ina soakwebahae ichameina hamakweso lalak'a. ¹⁰ Kwako nzokoko onebe molemodakoma Haine,elahiyaba'a kweye Kristo Yesu elahachana ithikwama /ie.Itlhikwa hama hakweya Haine kweyakolloweta hi!necha akaka'anena kenena kwako nzokokomona,ili ibaitlhikwa kwape habe'e. ¹¹ Hishinokwa eslawite beena kenena emedaematea mataifa kweya isiladaeta manabee.Kaamiyateta''akwe a tohara''kwaya hina hamakweya ka'amiya tohara heta manabee hamakweya elahiya nena ukwabima unu. ¹² Kwaya wakati bami !ondolowiyatee a kristo .Be'e'ehetea huhuyitibe'e kweya unu ma Israeli.Ete'ehetea huhuyitibe'e kwako anganoko ma goloma. Akwatea humate'e a wakati dzane.Tisiyetea bila Haine kweya a'a. ¹³ Lakini namaisha kweye Kristo Yesu ete habekwatete beena akaka'anena ichanateta a haine ichanateta a Haine dzayatea kupana a Haine kwe atamama Kristo. ¹⁴ Kwako nzokoko bami bamiyo amani yona.Elahetamo piyebe'e so ichame'e.Kwape manabe ma thikitamo kollokollo ma !ondolowiya hamakweyo !ondoloona,hama theke'e. ¹⁵ Kwamba kihlotamo sheriako hiyaka asaleda ili iso elaha unu ichane dzana chikinama .Akamoelaha bathahe. ¹⁶ Elasukwamo hishinokwa ili isokubaiyeta lak'abii biyibii emedanibii ise manae ichamebee kweya Haine iiehlehecha msalabanina bohamo theke'e. ¹⁷ Yesu dzamo a thodzochana bathahe itibitina etebe'e habekwateta ichana a bathahe biitina nabe'e habekwape'e kupana. ¹⁸ Kwa nzokoko kwape akana bema Yesu onebe'e wainaona piyebee ehokwatebebe'e hahamako kwaya hina Nkoloko ichameko !oochana kweya bawa. ¹⁹ Hashinokwa atonena etebe'e emeda ma mataifa akwateta iihlikwae a huhutie ilama.Bali kekenumumutete'e ichame;ena a nabe'e habekwape'e !ondolowiya kwako nzokoko ma Haine a wajumbe'e kwako hetsako ma Haine. ²⁰ Maiyatea phunama msingi hicha mitumebii a aasepobii.Kristo Yesu ichinanema bamieamo ha!na !usla muthuna. ²¹ Kweya he/ako wainasa gugiyakwa ichame'ena a tisiyakwa isa hekalu isa hekalu chikina ma bwana . ²² Ni chikina ma etebe aetebe maiyateta ichame'ena isa yamua hamachane Hainene kwako Nkoloko.