¹ Baada ya ago UuYesu akaluta vule ku Galilaya, na ulwakuva salikunogwa ukuluta kuvaYahudi ulwakuva uvayahudi vale nu mpango gwa kumbuda. ² Lino ilijuva ilivaha lya Vayahudi, ilijuva lya fyeve lyale pipi. ³ Pu avalukololwe vavile vambulile, "Hegaa ponu apa ulute ku Vuyahudi, neke navakongi vako valole imbombo iji wivomba. ⁴ Asipali uyu ivomba goni kuvutitu kama vope inogwa ukuvuneka kuvanu pavuvalafu. Linga inogwa ukuvomba aga, ivonesye yuve kuvakilunga. " ⁵ Na valukololywe va mwene vope savamwidike. ⁶ Pu Yesu akavavula, "Unsiki gwango gukale, lakini unsiki gwinyo umwe kila nsiki gulitayari. ⁷ Ikilunga sakiwesya ukuvakalalila umwe, balikikung'alalila unene ulwakuva nikukijova kilunga. ⁸ Mutoge ukuluta kusikuu; unene saniluta kusikuu ulwakuva unsiki sagufikile bado." ⁹ Vuajovile ewo kuvene, akajiga ku Galilaya ¹⁰ Hata vule, avalukolo valulile kusikuu, na vope akaluta, si mbuvalafu kukifiho. ¹¹ Avayahudi valikundonda kulijuva ilyo nukuta, "Alikwii? ¹² Kukava nikwijofyanya kwingi vavo kwa vava palijuva ilyo ukuhusu umwene." Avange valikunta, "Munu nnonu." Avave valinkuta, "Imbivi, iyaja avanu." ¹³ Hata vula asipali uyalikujova pavuvalafu baho alikudwada Avayahudi. ¹⁴ Isikukuu vuyifike pagati, uYesu akatogo ukuluta kutembile akalengula ukumanyisya. ¹⁵ Avayahudi valikuswiga nukuta, "Ndakiki ndakiki umunu uyu agamanyile aga mingi? Simbile hata padebe." ¹⁶ U Yesu akavajibu nu kuvavula, "Imanyisyo jango syo jango, bali ga mwene uyu asuhile. ¹⁷ Igavo yeyoni inogwa ukuvomba uwigani wa mwene umwene, ukulumanya ukuhusu ifimanyo ifi, ukuta gihuma kwa Nguluve, au kama ijovo gihuma kulwune nin mwene. ¹⁸ Kila uyu ijova agagihuma kumwene yuywa, ilonda uvutwa wa mwene, ila linga ilonda uvutwa wa mwene uyu ansuhile, umunu uywa valwe na mugati mumwene kusikuli ukusita ukuvomba uvugolufu. ¹⁹ U Musa savape umwe indagilo? Lakini asipali hala yumo kati ya yenyo uyu ikujivombela indagilo ijo. Kiki mwinogwa ukumbuda? ²⁰ Pu ululundamano vakata, "Ulina masetano. Veni inogwa ukukubuda?" ²¹ U Yesu akavajibu nu kuvavala, "Nivombile imbombo yimo, yumwe mwivoni muswigile ku iyo. ²² U Musa akavapa itohara (syo ukuta yihumila kwa Musa, bali ila yahumile kuvakuku), na ilijuva lya Sabato mutahili umunu. ²³ Ingave umunu ipokela itohara ilijuva lya Sabato neke ukuta ululagilo lya Musa mudenye, kiki mukung'alalila une ulwakuva nimpile uwumi umunu ilijuva lya Sabato? ²⁴ Muleke ukuhiga ukulingana nififivoneka, bali muhige nu wa yilweli. ²⁵ Pu vadebe ukuhuma ku Yerusalemu vakajova, "Syo vi uyu mulonda mubude? ²⁶ Mmbona lola, ijova pavuvalafu, na savijova kyokyoni kumuene. Yiwesekana ukuta avavaha valumanyile uvuyilweli ukuta uyu vi Kilisite, yiva ewo? ²⁷ Tulumanyile umunu uyu ihoma kwiii. Kilisite apile ikwija, hata ewo, hakuna iyu ikulumanya ukuta ihuma kwii" ²⁸ U Yesu alikwinula ilijolya mwene mutembile, imanyisya nu kuta, "Umwe mwivoni mumanyile une na mulumanyile kununihuma. Sanijile kuwigane wango, bali uyu asuhile vi va lweli, na sa mumanyile uywa. ²⁹ Ni mmanyile umwene ulwakuva nihumile kumwene na asuhile." ³⁰ Vakava vigelo ukumwibata, lakini hakuna hata yumo uyu ainuile ikivoko kumwene ulwakuva unsiki gwa mwene guale gwa kale. ³¹ Hata ewo, palulundamano vamwidika. Valikujova, ''Kilisite apile ikwija ivomba ifiswigo vivaha ikulutilila ifi ivumba uyu?'' ³² Avafarisayo vakapulike avanu vu vihehana amambo aga ukuhusu uYesu, na vavaha va makuhani na Mafarisayo vakasuha amaafisa vavo vamwibate. ³³ Pu uYesu akajova, "Gusigile unsiki indebe sana, nilipaninye numwe, na pongela niluta kunu uyu asuhile. ³⁴ Mukundonnda samulambona, kununiluta samuwesya ukwija." ³⁵ Pu avaYahudi vakajovana vavo kwa vavo, "Umunu uyu iluta kwii, ukuta tuleke ukumbona? Iluta kunavapalahine kuVayunani nu kuvavamanyisya avaYunani? ³⁶ Limenyu liki ili ijova, 'Mukundonda samukumbona; kunu niluta samuwesya ukwija'?" ³⁷ Lino palijuva lya mwisyo, ilijuva ilivaha, uYesu akima akinula ilijo lya mwene akata, "Linga umunu alini kyumila ije anywe kulyune. ³⁸ Uyu ikunyidika unene, ndavunu uvusimbe wijova, ukuhuma munngati mumwene ifindwivufya lugasi lwa wumi fikwikaga." ³⁹ Lakini uYesu ajovile ago ukuhusu Imepo, apa ava vamwambilile nu kumwidika; Umepo akava akala ukuhuma ulwakuva uYesu akale ukuvonekana vunonu. ⁴⁰ Vadebe avavavale palulundamano, valinkumpulike amamenyu aga, vakata, "Lweli uyu nyamalago." ⁴¹ Avangi vakata, "Uyu vi Kilisite." Baho avange vakata, "kiki, uKilisite iwesya ukuhuma ku Galilaya? ⁴² Uvusimbe savujovile ukuta uKilisite ihuma inkikolo kya Daudi nu kuhuma ku Betherehemu, ikijiji iki uDaudi ale? ⁴³ Pu pala pakinuka ukukupalahana kati yavo. ⁴⁴ Avange kati yavo ngale vamwibite, lina asipali hala yumo uyu agolwisye ikivoko ukunyibata. ⁴⁵ Pu ava afisa vakavuya kuvavaha va makuhani na Vafarisayo, vope vakata, "Kiki samundelile?" ⁴⁶ Ava afisa vakata, "Asikuli umunu uyu ijova nduyu kabla." ⁴⁷ Pu Amafarisayo vakata, "Na yumwe musyoviwe? ⁴⁸ Kuli munu kati ya vavaha uyu ankelile, au vovoni va Mafarisayo? ⁴⁹ Bali ava avasavajimanyile indagilo - vaguniwe." ⁵⁰ U Nikodemo akavavula (uyu anduutile uYesu pakilo katala, ale paninye na Mafarisayo), ⁵¹ "Je indagilo jitu jihiga umunu kisita kumpulihija tasinu kulumanya iki avombile?" ⁵² Vakanjibu vakata, "Na yuve wihuma ku Galilaya? Londa ulole linga kuli nyamalago yoyoni ihuma ku Galialaya." ⁵³ (Jingahija: Amamenyu aga Yohana 7: 53 - 8: 11 gasimuli mu vitabu fya katale). Mwisyo kila munu akaluta kumyave.