¹ U Yesu wajovile amamenyu aga, ahogile na vakongi vamwene ukuluta kuluvindi ilya Kidroni, kunu yikale ibustani, vuyikale uumwene na avakongi va mwene ukwingila mugate mwene. ² Lino uYuda, uyu alondaga ukubuda, vope apamanyile apo uYesu alikufiluta kila nsiki na vakongi va mwene. ³ U Yuda vuapokile ikilundilo ikya kuvavaha va vadimi na vafalisayo akaluta ukwo nitala nimuli nikilwilo. ⁴ Vope uYesu, akimanyile kila kinu iki kyavombekaga kumwene akahumania kuvulongolo akavavuja veni uyu mukundonda?" ⁵ Vope vakambula, "U Yesu Mnazareti." U Yesu akavavula, "Unene yune" Vope uYuda uyualimbulile, aimile pamupene na vasinjala. ⁶ Umwene wavavulile, "Nene yune" vavuyile kumavega nu kugwa pasi. ⁷ Akavavuja kange, "Veni uyu ukun'donda? Vope vakambula kange "U Yesu Mnazareti." ⁸ U Yesu akate, "Nivavulile nivavulile ukute unene yune, linga nkundonda unene, valeke ava valutage." ⁹ Aga gakale vulevule ili ilimenyu lifwane; pala apajovile; "Vosa avawalimile sayagile nuyumo." ¹⁰ Vope uSimoni Petro, avile nikilwilo akalusa akilwilo nukugida imbulukutu iya kundya iya ufuasi uvambaha. Ilitawa lya mwene ale yu Malko. ¹¹ U Yesu akambula uPetro, "Vuja ikilwilo kyako kuu ala yamwene. Kiki nisite ukunyela ikikombe kila ikiamile Utaye?" ¹² Ikilundilo kya wasinjala na vajemedali, na vavombi va Vayahudi, vakanyibata uYesu nu kumpinya. ¹³ Avene vakandongoja tasi ukuluta kwa Anasi, umwene akale nkwive va Kayafa, uyu akale untekeji mmbaha kumasiku ago. ¹⁴ Lino u Kayafa ve uyu akavapile uluhala Avayahudi ukute umunu yumo afwe kwa ajili ya vanu. ¹⁵ Simoni Petro akankonga uYesu, unkongi uyunge. Yula amanyike kwa kuhani mmbaha, vope aingile nu Yesu ndibehewa lya untekeji umbaha; ¹⁶ u Petro akinile kunji kukifigo. Unkongi uyu akamanyike kwa kuhani umbaha, akahuma kunji kujovelela nund'ala umbombi uju alinkulindilila undyango nu kumwingija u Petro ng'ati. ¹⁷ Umbomba mbombo uyu akalindililaga pa kifungo, akambula uPetro, " Ukute uvesulinkongi va munu uyu?" Vope akate, "Une mma." ¹⁸ Avavombi vala na vavaha walinkwima aponu pala; vakojije umuoto ulwakuva yikale mepo, valikwota ulakuva yikale mepo. Na yu Petro akale navo, alikwota umwoto kunu imile. ¹⁹ Untekeji umbaha akambuja uYesu inongwa ja vakungi va mwene na kumanyisya kwa mwene. ²⁰ U Yesu akata, "Nikivulile pa vuvalafu avakilunga; Une nikamanyisye kila nsiki mu tembile baho avayahudi valenkulunda na une sanikajovile lyolyosa ilya kuvutitu. ²¹ Kiki mkambujije? Mmuvavuje avavakamulihi je kukila kinikajovile. Avanu ava valumanyile gala aganikajovile. ²² U Yesu wamalile ukujova ewe, umbaha yumo yuywa akimile akantova uYesu nikivoko kya mwene akate, "Je, ewo vuyinogiwa ukujova kuntekeji umbaha?" ²³ Vope uYesu akajova linga nijovile lyolyosa ilivivi uve nketi pavuvivi linga nijovile vunonu kiki kunova? ²⁴ Puu uAnasi alikun'gilika uYesu kwa Kayafa untekeji umbaha kunu akungiwe. ²⁵ Lino uSimoni Petro ava imile ikwota umwoto mwene. Avanu vala vakambula, "Llino, uveve sulinkongi va Yesu?" akabela akate "Unene niliyunge." ²⁶ Yumo uvavakongi vamfuasi umbaha, uyu akale nkambe va n'gosi yuywo u Petro akantemile imbulukutu, akate, "Sio yuve nikakuwene kukyalo?" ²⁷ U Petro akabela kange, ilikongove likavika. ²⁸ Pu vakantova uYesu ukuhuma kwa Kayafa mpaka ku Praitorio. Yikale milavo hani. Avene savakingile mu Praitorio ukute vasyome ukunangika ukulya ikyaka. ²⁹ Pu uPilato akavalutila akate. "Akosile kiki umunu uyu?" ³⁰ Vakambula vakate, "Ukuva umunu uyu ave santula nongwa, tukale satukutwala kulyuve." ³¹ U Pilato akavavula, "Mtole yumwe, mukahige ukukonga ululagilo lwinu." Avayahudi vakambula, "Ululagilo lwibela ukum'buda umunu yoyosa." ³² Vakajova aga ili ilimenyu lya Yesu likwilamile, ilimenyu lilyo akajovile hani akavoneswa uvufwe uwakiva ufwa. ³³ U Pilato akingila kange ku Praitorio akamwilanga uYesu; akambula, "Uve uli ntwa va Vayahudi?" ³⁴ U Yesu akambula, "Uveve kumbuja ilisyo ili ulwakuva winogwa ukulumanya ulwakuva avange winogwa ukulumanya ulwakuva avange vakusuhile ukumbuja unene?" ³⁵ Vope uPilato akambula, "Unene sanili Njahudi, au vudesi?" Ikilunga kyako nu ntekeji umbaha vako vavo vakutwalile kulyune; uveve upelile vuli? ³⁶ U Yesu akate; "Uvulwa wangu sio wankilunga munu, linga uvutwa wangu vakale munsiki nkilunga munu avavombi vangu vakate vikun'dwila ukute vasyome ukun'gumwa ku Vayahudi. Uwayilweli uvutwa wangu sawihega apa" ³⁷ U Pilato akambula, "Uveve uli ntwa?" U Yesu akate, "uveve vuwijova ukute unene nili ntwa, Ulwakuva unene nikaholiwe kange ulwakuva unene nikijile nkilunga ili nive nketi va wayilweli. Yoyosa uvayilweli ipulika ilisyo lyangu. ³⁸ U Pilato akambula, "Uwayilweli kyu kiki?" Avile ajovile aga akaluta ku Vayahudi nukuvavula "Sanikujivona imbivi yoyosa kumwene. ³⁹ Ulwakuva kulinululagilo ulwangu kulyumwe ukun'dindulila untwa nongwa yumo unsiki ugwakijaka. Mwinogwa niva'dendulile untwa va Vayahudi." ⁴⁰ Pu vakaywega vakate, sio uyu, tun'dindulile u Balaba." Vope u Balaba akale.