¹ Basi umunu yumo alentamu Lazalo uva ku Bethania uwmohelwa uva panjini ugwa Mariamu nu Martha, uilombolye. ² Yuywo uMariamu lela uywambakije amafuta Untwa Marhamu, akapyansila amalunde ni njweli jake, yuywo uLazalo unkambe akavile ntamu. ³ Basi vala avalumbu(umbu) vakalagija indumi kumwene vakate, "Untwa, umwene uyun'ganile sikwewesya." ⁴ Vope uYesu avile apulike akajova, "Uvulamu uvu syo wa vufwe, ila wakwivonesha uvutwa uwa Nguluve ili Umwana uva Nguluve avoneshe uvutwa kuuwo." ⁵ Vope uYesu akankelile uMartha nu ilombolye vamwene uLazalo. ⁶ Basi avile apokile ukute n'tamu, Akasigile baho isiku ivile bahapo apakavilepo. ⁷ Ekale akendelela akavavula avasyole va mwene, "Tuvuke kuu Uyahudi." ⁸ Vala avasyole vakambula, "Rabi, Pamihe pamihe pene Avayahudi vakavile vilonda ukukutova na mawe, nuve wiluta kange ukwo?" ⁹ U Yesu akamula, "Je unsinke ugwa musisyo amasaa kumi na mbili? Umunu angagende pamusi sikwekungufula, ulwakuva aguwene umwanga ugwa nkilunga ike. ¹⁰ Ila angagende pakilo(nengisi), ikwekungufula ulwakuva akosile ulumuri m'gate mwene." ¹¹ Akajovile ago, kange weendelile apo, akavavula, "Umanyani vetu Lazalo agonile, lakini nivuke nekansumusye." ¹² Basi vala avasyule vakambula, "Ntwa, angave agonelile, aipona. ¹³ Lakini uYesu ajovile ukuhumana nu umbili ugwa uvufwe, vope vakakisila ukute ayaigonelela uturu. ¹⁴ Basi apo uYesu akavavula ijayilweli, "Lazaro afwile. ¹⁵ Nayune nehowike ukuhumana numwe, nekasikuli ukwo ili mtolenu kunyamini. Lakini tuvuke kumwene." ¹⁶ Basi Tomaso, uywikwilangiwa ukute yu pacha, akavavula avasyole avanine, "Tuvuke nayufwe ili tufwe panine nu mwene." ¹⁷ Basi uYesu avile afikile, ambwene ajige ajige mundi kaburi kama isiku nne. ¹⁸ Na Bethania avile jirani na Yerusalemu kama imaili ivela ifi. ¹⁹ Na avanu vavingi ukuhuma ku Vayahudi vavile vijile kwa Martha nu Mariamu ili ukuvasesya ukuhumana nu unkambe vavo. ²⁰ Basi Martha avile apokile ukute uYesu ikwija, arutile kukumpokela, nu Mariamu ajige itama pakaya. ²¹ Basi Martha akambula uYesu, "Ntwa, wauvijagepo apo, unkamubangu saa ifwa. ²² Lakini hata linu nelumanyile goni gogo nu ungamule ikukunsuma Unguluve, ikukupa." ²³ U Yesu akambula, unkambo ijuka." ²⁴ Martha akambula, nilumanyile ukuta aijuka kuvujuke pamwisyo wa pakiluunga." ²⁵ U Yesu akambula, "Unene nene uvujoke nu uwumi; umwene uyuikumwamini unene, angafwe, ivijaga mwumi; ²⁶ vope uywitama na ukumwamini salaafwa hani isiku joni. Je wikwamini ago?" ²⁷ Akambula, "Naamu, Ntwa unene niamini ukute uvewe veve Kilisite, Uvinswambe va Nguluve, ula uywikwija inkilunga." ²⁸ Vape avile ajovile ago, akalutile ulwa mwene, kukumwilanga ukalumbu vamwene Mariamu pa siri. Akajova, "Umwalimu pwale ikukwilanga." ²⁹ Vope avile apokile, akahega nambivi akandutila. ³⁰ Nu Yesu avile safikila ng'ate mu kijiji, lakini ajige itama bahapo apakanjayile uMartha. ³¹ Basi vala Avayahudi avavavile pu vale nu Mariamu pakaya, vuvikunsesya vavile vambwene wiihega(haraka) nambivi nu ukuhega; vakankonga kunu vuvikisila ukute iluruta mu mbipe ili alile kukwo. ³² Basi Mariamu, avile afikile apo apakavile uYesu akambona akagwa mmalundi ga mwene, Ntwa wa uvijagepo apa ukambangu sangale afuvile." ³³ Basi uYesu avile ambwene ilela, vala Avayahudi avavakankongile vilela, akatamwa mu numbura, akalemara mu numbura ya mwene; ³⁴ akajova, "Mumbikile kwii? vakambura, Ntwa, wije ulole." ³⁵ U Yesu akalila inyihoji. ³⁶ Basi Avayahudi vakajovile, "Mrole nduwo ankelile! ³⁷ Kange avange vakajova, "Je uyu uywandindwile uyusilola, sawesije ukumbomba huyu asyome ukufwa?" ³⁸ Basi uYesu, akasurumana mu numbura m'gate, akafika palipumba. Vyope vyavile mbako, ne eliwe levikiwe pakyanya pa lipumba. ³⁹ U Yesu akate, "Liheje iiliwe." Martha, kalumbu yula uywafwile, akambula, "Ntwa, inuha linu, ulwakuva agonile umfimba isiku nne." ⁴⁰ Yesu akavavola, "Unene sanekavavulile ukute ungamini wikuvovona uvutwa wa Nguruve?" ⁴¹ Basi vakaliheja lila iliwe. U Yesu akaghatura amiho kukyanya akate, "Taye, nikukulimya ulwakuva umulike. ⁴² Nayune nelumanyile ukute wikumlika unseke gwoni, lakini ukulinga ikitamoiki uguvahusike najovile aga, ili vatole ukupokela ukute uveve unumile." ⁴³ Vope avile amalile ukujova ago, akalela kulisyo ilivaha, "Lazaro, wije kunu nje!" ⁴⁴ Akahuma kunji yule uyuavile afwile aniengiwe isayika mmalunde na mmavoko, na kumiho kwope kupinyiwe iileso." Vope uYesu akavavula, "Mfungure mndeke alutaga ulwamwene." ⁴⁵ Basi va vingi muVayahudi avavijile kwa Mariamu, na uukuugavona gala agavombile, vakanyamini; ⁴⁶ lakini avange vakaruta kuva Mafarisayo vakavola umwavombile uKilisite. ⁴⁷ Basi avavaha va vachungaji na avaMafarisayo vakalenga ikitamo vakate, "Twivomba kiki? Ulwakuva umunu uyu ivomba ividego vingi. ⁴⁸ Tungandeke ulu avanu voni vikumwamini(vikumwideka); na Avarumi vikwija nu(ukutugwesya) ukutuheja apa palyufwe na iikiilunga kyetu." ⁴⁹ Umunu yumo mung'ate mmnyavo, Kayafa, uyavile mchungaji mmbaha umwaka gula, akavavola, "Umwemwe samlemanyile elimenyu lyolyosa. ⁵⁰ Wala samwisaga ukule yilonda umunu umo afwe kusababu ya avaanu wala lisyome ukufwa ilikundi lyoni(kisyome ukufwa ikilonga kyoni)." ⁵¹ Ne ilimenyu ilyo umwene sakajovile ukulingana nu mwene aa, ila ulwakuva akale mmchungaji umbaha umwaka gula, alitabiri iyakute uYesu ayifwa ukuhuma na navanu avo; ⁵² wala syo ukuhumana na avanu siyo avo vene lakini avalundan'nie avana voni ava Nguluve avavasambaile ili vave pamopene. ⁵³ Basi ukuhuma isiku ila vakavomba ucheso ili vamm'bude. ⁵⁴ Kuu ilyo usesu sakagendile kange pavuvalafu pagate pa Vayahudi, ila akahumile ukwo akaluta kuvunnge jirani na kulukuve mpaka panjini ugugwikwilangiwa Efraimu. Akatama ukwo panine na avasyole vamwene. ⁵⁵ Ne ipasaka iya Vayahudiyale kifuke, vingi vakagendile ukuhuma mmashamba ukuluta ku Yerusalemu vubado ipasaka ili vivalaje. ⁵⁶ Basi avene vakandonda uYesu, vakajovana kunu vimile mundikanisa, "Mwivona ndakiki? Sikwija hani kusikuku ujee?" ⁵⁷ Na avavaha va vachungaji na ava Mafarisayo vavile vahumije injovela iya vupelelesi umunu angambone ukunualiko, atwale endumi ili vamwibate.