¹ Ikinu ikitwijova lino kyu iki, tulinave untekeji umbaha ayatamili pasi kukivoko ikyando pakigoda ikyavutwa uwa kukyanya. ² Umwane vi mbombi va pavu golofu, iligili lya lweli lilyo Untwa avikile, salya munu uywavejaga va ku fwa. ³ Ulwakuva untekeji umbaha avikiwe ukuhunya ulwokelo ni fyakutekela; pu yinogela ukuva ni kinu ikya kuhumija. ⁴ Lino ingave Ukilisiti ale pakyanya pa kilunga, umwene saale iva ntekeji ukulutilila apo ulwa kuva vale epwo vavo valikuhunya ukulihana ni ndangilo. ⁵ Valikukivombela ikinu iki kyale kihwani kya finu kukyanya yihwanana nu Mose upu avungiwe nu Nguluve unsiki ugu anogilwe ukujenga ihem.''Lola,'' Unguluve akajova,'' akata mtesanye ikinu ikyavejaga ukulihana nu vupavelile pavelile pakyanya pakyamba.'' ⁶ Pu lino Ukilisiti upilile ulutangilo ulunonu ulwakuva umwene vope vindamuli va lwidihamo ulunonu lulwa lukangeji we ku ndagano inonu. ⁷ Pu yaliyive ulwidihano ulutaji lwale luve lukwilanile, ngale ulwidihano ulwa vili salwale lulondiwa. ⁸ Ulwakuva unsiki gugwa Unguluve ajiwene imbivi ja vanu pu akata, ''Lole amajuva gikwija, 'ijova Utwa, 'unsiki uguyanitesania ulwidihano ulupya paninie ni nyuma lya Israeli, ni nyumba lya Yuda. ⁹ Salwale lwidihano nduvu navumbile paninie na taye vavo ilijuva lilyonavotolile kukivoko ukuvalongoja ukuhuma kukilunga ikya Misri.Ulwakuva savakagendelela mu ndwidihanolwango, pu nayune samikava kulela ikisa kange,' ijova Untwa. ¹⁰ Ulwakuva ulu lulwidihano nikuluvumba ku nyuma lya Israeli vugalutile amajuva ago,' ijova Untwa, 'nivika indagilo jango mumasago gavo, kange nisimba munumbula javo pu niva Nguluve vavo, navope viva vanu vango. ¹¹ Savaka manyisauywe uyunge nu yuvabadi hine, nu yunge nu lukololwe, ukuta ''Ummanya Untwa,'' vooni vinkumanya unene, ukuhuma un'debe ukufikila umbahavavo. ¹² Pu nikuvadekefya ku mbombo javo jijo sa ngolofu, kanga sanga ji kumbuke imbivi javo.'' ¹³ Vu twila ''Mya,'' pu aluvumbile ulwidihano ulutaji ukuva lukulu. Nu lwa ulwaluvikile lukulu usigalile padebe ukuyaga.