¹ Yale nde Umelekizedekia, untwa va Salemu Untekeji va Nguluve uyu alikukyanya, yuywa aaganile nu Abulahamu vuivu ya ukuhuma kukuvabuda avatwa pu akansaya. ² UBulahamu pu akampa ikinu kimo mu nfinu ikijigo ku finu fyooni fifyo atolile. llitawa lya mwene ''Melekizedeki'' kukuta Ntwa va vugolofu'' pavunge ''Ntwa va Salemu '' yiyo vi vitwa va lunojehejo.'' ³ Alivuvule utaye, Alivuvule uvanina, Alivuvule avahoji,Alivuvule uvutengulilo wa lijuva kange nu vusililo uvwa kutamaa kwamwene. Pu asigile vintekeji va majuva gooni Nduvu Nswambe va Nguluve. ⁴ PU lino saaga umunu uyu uvu mbaha Ung'oji viito UBulahamu ampiile lkinu kimo mu finu ikijigo mu fiinu ifinonu ifiatolile kuligoha. ⁵ Uvuyilweli lkikolo lkya valawi vapokile uvulekeji vakana ni ndagilo javo ukulundamanya ikinu kimo ukuhuma mwikijigo kimo fifyo vakavaga ava Isilaeli avayavo, paninie nukuta navope vale iki kolo ikya valawi, alikutoola ikinu kimo mu finu ikijigo ukuhuma kwa Abulahamu, ⁶ kange akansaya, umwene ale ni ndagano. ⁷ Apo sayibeliwe ukuta umunu undebe ukusayiwa nu vabaha. ⁸ Kumbombo iyi umunu uyukya ipokila ikinu kimo mufinu ikijigo ifwa ilijuva limo pu ku mbombo iyinge yumo uyuakiva ipokela ikinu kimo mufinu ikijigo ukuhuma kwa Abulahamu yikajoviwa ukuta viitamaga. ⁹ Nu vu yijovivwa, Ulawi uyuapokelaga ikinu kimo mufinu ikijigo navope alinkuhomba ikinu kimo mufinu ikijigo kwa Abulahamu. ¹⁰ Ulwakuva Ulawiale mu fivina ifya taye va mwene u Abulahamu amajuva aga Umelekizedekia aviile agine nu Abulahamu. ¹¹ Lino ingave uvugolofu wa idikike ukugendela ku ntekeji Ulawi. (Kumwene avanu valikupokela indagilo) pu kulinkuva nu vunogwe vuki ku ntekeji uyunge ukuhumila mu ulwiho ulwa Melekizedeki, kange kwomela ukwilangiwa mu lwiho ulwa Haruni? ¹² Pu kukula uvutekeji vunanduuke, pu najindagilo yilonda janduke. ¹³ Pu kuyumo uyo iji jajovivwe ku kikolo ikinge, ukuhuma kumwene asipali uyavo mbile pa kitekelelo. ¹⁴ Lino yilipavuvalafu ukuta UNtwa vito alumile mwa Yuta, ikikolo kikyo UMose saajove ija vatekeji. ¹⁵ Kange agatwijova aga lweli yingave untekeji uyunge ihumila ndi kihwani kya Melekizedeki. ¹⁶ Untekeji uyu umpyasa vi yumo uyu avile ntekeji ku nyalo ija ndagilo ijiji lutama ni kipapo ikya munu, mundwalo ulwa maka ga kutama gogosagiwesya ukunangika. ¹⁷ Pu ikalata jisimilija ukukongana nu mwene.''Uveve ve ntekeji siku jooni mu ndwiho lwa Melekizedeki.'' ¹⁸ Ulwakuva ululagile ukelwa talile lwavikiwe palukanji ulwakuva lwale lupepe salwakwiianile. ¹⁹ Ululagilo salwavombe kininie ikikwilanile. Pu yikava nu kwisimilija ukunonu ku aga agatu nkung'egelelela U Nguluve. ²⁰ Nu lwisimilijo ulunonu ulu salwahumile kisita ukujova ulwiyigo, ku ili ava tekeji avange savaiyige. ²¹ UNguluve pu aiyigile isiku jila upuajovile Yiisu, ''Untwa iyigile kange sakandule amasago ga mwene; uveve ulintekeji anajuva gooni.'' ²² Ku ili UYiisu ijile ukuva vivakulupa amaka ulwidihano ulunonu. ²³ Vu yilivyo, uvufwe vusigile avatekeji ukuvumbo imbombo isiku jooni. ili lilindavule ulwakuva valepwavale avatekeji vingi, umuvakonganile. ²⁴ Ulwakuva UYiisu itama amajuva gooni, uvutekeji wa mwene savukwaduka. ²⁵ Pu umwene anogile kuvugo lofu ukuvapoka vavovinkung'egelelela UNguluve ukugendela kumwene, ulwakuva umwene itama majuva gooni nu kuvasumila avene. ²⁶ Pu untekeji umbaha uvandavule vi akwilanile kulwufwe.Uyualivuvule imbivi, uvutulanongwa, ave ng'olofu uyualipalukanji na vatula nogwa, kange avile pakyanya ukulutilila kukyanya. ²⁷ Umwene sovale va kunogwa, nduvu avatekeji avavaha, ukuhunya ifyakulekela amajuva gooni, vwatolile ku mbivi ja mwene nu kukonga ku mbivi ija vanu. Avombile ndavule kamo kuvoni upuaihunuji yuywa mwene. ²⁸ Kundagilo vavihala avanu avadekedeke ukuva vatekeji vavaha, pu ilimenyu lya lwiyigo ililijile munu indagilo jijile, Ahalile unswambe uyu avumbike ing'olifu amajuva gooni.