¹ Pu mwivalokololwangu mwivagolofi, yumwe mulipaninie ni nyilangwa ya kukwanya, munsage UYiisu, Vinsuhwa nu ntekeji umbaha va lwidiko lwito. ² Ale nuvuyilweli kwa Nguluve uyuamwimike, Ndavule yale kwa Mose uvuale nu vuyilweli munyumba yooni iya Nguluve. ³ Ulwakuva UYiisu avaliwe ukuva ale mwogofi mmbaha ukundutilila UMose, pu ulwakuva ula uyu ijenga inyumba ivaliwa ukuva mwogofi mmbaha ukulutilila inyumba yiyo. ⁴ Ulwa khuva inyumba joni jijengiwa nu munu, pu ula uyuijenga fyoni vi Nguluve. ⁵ Lweli u Mose ale nuvuyelweli nduvu mmbombi munyumba yooni iya Nguluve, alinkuhumia ulwisimilijo ku mamenyo gago yagi humila ku nsiki ugunge. ⁶ Pu uKlisiti vi nswambe mumbwimilije wa nyumba iya Nguluve. Ufwefwe tuli nyumba ya mwene ingave tukwibatilila na mbivi mu kwibatilila na mbivi mu kwi kangaja nu vutwa uvwa kwi kangaja. ⁷ Ulwa khuva ummepo umbalaje uvuijova, "Ilelo ingave vupulika ilimenyu lya mwene, ⁸ pu usite ukuyivika hafu inumbula yako ndavule avalsilaeli uvuvavombile unkunsambukila untwa pala vuvigeliwa kulukuvi. ⁹ Ugu gwale insiki gwa va kukuyinyo vuva nsambukile vuvikungela, nu nsiki, ugwa miaka amalongo gane va kajivona imbombo jango. ¹⁰ Pu sana kikelile ikipapo ikyo. "'Nikata, viyaganika kyongo munumbula javo, kange savajimanyile injila jango. ¹¹ Ndavule na iyigile mu ndioyo lyango: pu sakakawingile uvugataluko wango.'' ¹² Pu mwilolelage valukolo, yisite ukuva pwile inumbula imbivi yiyosayilinulwidiko mwigati ndiumwe, inumbula yiyo yiva kutali nu Nguluve umwumi. ¹³ Pu yinogiwa mkumbusaniage amajuva gooni umunu nu nnine, neke upuyikwilangiwa ilelo munogwe, neke yumo ingati mbusyovi wa mbivi. ¹⁴ Ulwa kuva tuvile paninie mwa Klisite yingave tukwibatana yilweli na maka ingati mmwene ukuhumila kuvutengulilo ukufikila kuvumalilo. ¹⁵ Ukukongana nili yijovivwe ukuta, "Ilelo ingava mukulipulika ilimenyu lya mwene, musite ukuvika inumbula jinyo hafu, nduvu ava Isilaeli uvuvavombile unsiki upu vasambwike.'' ¹⁶ Pu vuvaveni avo vavovampulike uNguluve kange vakasambuka? Savale vuvavo vala vavo uMose avalongwije ukuhuma ku Misiri? ¹⁷ Kange pu vuvaveni vavo uNguluve avakalalile kumiaka amalongo gane? ¹⁸ Vu vaveni vavo uNguluve aiyigile ukuta savalaingila mundugataluko lya mwene, ingave savuvala vavo savikumwidika umwene? ¹⁹ Pu twilola ukuta walemilwe ukwingila mundugataluko lwa mwene ulwa kuva valemilwe ukumwidika.