¹ Pu yilondiwa tuvike kuvulongolo kuaga agatupulika neke tusite ukuva kulukanji nagene. ² Pu ulwakuva nyingave ilimenyu lilyo lyajoviwe na vasuhwa lya vunyilweli, pu viva va kuvungiwa. ³ Pu twipela vuli ukupaga ingave samukiyu milija nu vupoki uvu vaha?--uvupoki vuwa wapulisiwe nu Ntwa kange nu kutuvula vavo vapolike. ⁴ Pu unguluve vope akasimilihija mufinu Ifyakulola, Ifyakugangahika, na mumbombo imbaha ijiliponipooni, kange ni nyokelo ja mmeo umbalaje jijo agavile ukuli hana nu wigane vwa mwene yuywa. ⁵ Unguluve saa kivike ikilunga Iki kikwija, kikyo tukikijova inongwa ja kyene, ukuta vave vatwa avasuhwa. ⁶ Pu uyunge umumi asimelije aponu apange vuijova ukuta, ''umunu vi veni, ufikile nu kunkumbuka? Pavunge umwana va munu, undolelage? ⁷ Umbikile umunu ave ndebe ku nsuhwa; unfyalije ingiha ya vuvalaje kange nukwogofya (Jingahija amamenyu anga, ''Kange umbivule alipkyanya pa mbombo ja mavoko gako.'' Gasimulimu katala ija katale.) ⁸ Ivikile kila kiinu pasi pamahunde gako.''Pu kukwita Unguluve avikile kila kinu pasi pa munu. Sakilevale ikinu kyo kyoni kikyo sakilipasi pamwene.Pu kulinosatwilola ukuta yikale kila kinu kilipasi pamwene. ⁹ Ndavule, twilola yunywa akavombike ku msiki, ukulutilila avasuhwa--UYiisu, yuywa, ukuhumana nu kukuvilwa kwa mwene kange nu kufywa kwa mwene pu afwalijiwe Ingiha iya vutwa nu kwogo fya. Pu line kukisa kya Nguluve, UYiisu avanjije uwufye ukumpoka kila munu. ¹⁰ Pu yikale lunonu ukuta Unguluve, ulwakuva kila kinu pwukile ku njila ya vutwa vwa mwene, kange ukugendela kumwene, pu akanogile ukuvatwala avana vuvingi mumbuvalaje, kange akanogile ukumbomba undogoji va mbupoki wano ukuva ingolofu ukuhumila mumbukuvilwa vuamwene. ¹¹ Ulwakuva vooni vuvaviili ula uyuivalaja paninie vala avavivolajiwa, vooni hihuma paninie, Nguluve. Ulwakuva yili ndeeula uyuivalaja pa Nguluve sivona soni ukuvilanga vanyalukulo. ¹² Ijova, ''Nipulisya ilitavwa lyako kuvatukolo iyango, nikukwimbilaga pagati palu lu ndamano.'' ¹³ Kange ita, ''Nikung'uvilaga umwene.''Kange, ''Lola apa puwunile nilinavana vavo Unguluve amile. '' ¹⁴ Pwa kukuta ulwakuva avana va Nguluve vikwupilila umbili nu Nkisa, vulevule UYiisu aupilile ifinu filafila, neke ukugendela mumbufwe neke antole ula uyu vintwa va kuwufwe, yuywa vi setano. ¹⁵ Yale ndavule neke avavopole vooni ukukongana nu vudwajiwa kufwa pu uvutano wavo woni walinkutama vaguliwe. ¹⁶ Ulwayilweli sikuvatanga avasuhwa Ikuvatanga ava holwa nu Abulahamu. ¹⁷ Pu yale, ukuta umwene ave ndu nyalukolo mu njila joni, neke vi ntekeji umbaha unya kisa nu ngolofu ku vinu Ifya Nguluve, kange nukuva na maka agakuhumywa ulusyikilo lwa mbivija vanu. ¹⁸ Ulwakuva UYiisu yuywa akuvilwe, nu kugeliwa alinamaka agakuvatanga wavo vigeliwa.