¹ Mkutano wose wakatimalala, wakamgala Yesu kulongozi ha Pilato. ² Wakandusa kumshutumu, wakilonga, ''Chimtinkha munthuu ino akipotosha taifa dyetu, kwa kulemesa tusilave kodi kwa Kaisali, na aakilonga kwamba yeye mwenyewe ni Kilisito, Mwene.'' ³ Pilato akamuuza, akilonga, ''Je weye ni Mwene wa Wayahudi?" Na Yesu akamjibu akilonga, ''Weye kolonga hivyo''. ⁴ Pilato akamlongela kuhani mkulu na makutano, ''Siona bananzi kwa munthu ino''. ⁵ Lakini wao wakasisitiza, wakilonga, ''Kakala akiwachochela wanthu, akifundisha muna Uyahudi yose, kwandusila Galilaya na sambi kahano.'' ⁶ Pilato ahulikile yano, akauza gesamunthu yuno ni wa Galilaya? ⁷ Atambule kuwa kakala hasi ya utawala wa Helode, akamgala Yesu kwa Helode, ambaye naye kakala Yelusalemu kwa siku hizo. ⁸ Helode amuonile Yesu, akasekelela nkhani kwa sababu kalonda kumuona kwa siku nyingi. Kahulika mbuli zake na alitamani kuona imwe ya miujiza ikitendigwa na yeye. ⁹ Helode alimhoji Yesu kwa mbuli nyingi, lakini Yesu hamjibile chochose. ¹⁰ Makuhani wakulu hamwe na waandishi watimalala kwa ukali wakimshitaki. ¹¹ Helode hamwe na maasikali wankhe, wamdukana na kumdhihaki, na kumvika mavazi yanogile, kamala akambweleza Yesu kwa Pilato. ¹² Helode na Pilato wakawa mambuya kwandusila siku hiyo, (kabla ya aho wakala maadui). ¹³ Pilato akawatanga hamwe makuhani wakulu na watawala na umati wa wanthu, ¹⁴ Akawalongela, ''Mnigalila munthu yuno gesa munthu kowalongoza wanthu watende yehile, na lola, baada ya kuwa nimehoji kulongozi mmwenu, sionile bananzi kwa munthu yuno kuhusu mbuli zose ambayo mweye momshitaki yeye. ¹⁵ Hapana, wala Helode, kwa maana kambweleza kumwetu, na lola hebule chochose akitendile chostahili adhabu ya chifo. ¹⁶ Kwahiyo basi nitamuadhibu na kumlekela. ¹⁷ (Lelo, Pilato kowajibika kumlekela mfungigwa imwe kwa wayahudi wakati wa sikunkhulu). ¹⁸ Lakini wose wakatoa kelele hamwe, wakilonga ''Mhalave huyo, na chifungulile Balaba!" ¹⁹ Balaba kakala ni munthu ambaye kaikigwa mui geleza kwa sababu ya uasi fulani muna jii na kwa kukoma. ²⁰ Pilato akawalongela kaidi, akitamani kumlekela Yesu. ²¹ Lakini wao wakatoa kelele, wakilonga, ''Msulubishe, msulubishe.'' ²² Akawauza kwa mala ya nthatu, ''Hangi, yuno munthu katenda yehile yalihi? Sipatile bananzi dostahili adhabu ya chifo kumwake. Kwahiyo nolonda nikomeleze kumuadhibu nanimlekele.'' ²³ Lakini wakasisitiza kwa lwangi ya kuchanya, wakilonda asulubiigwe. Na lwangi zao zikamshawishi Pilato. ²⁴ Hivyo Pilato akaamula kuwapanthila matakwa yao. ²⁵ Akamlekelela yula wamlondile ambaye kafungigwa kwa kusababisha ghasia na kukoma. Lakini akamlava Yesu kwa matakwa yao. ²⁶ Wakalile wakimgala, wakamgwila munthu imwe kotangigwa Simoni wa Ukilene, akilawila muuna isi, wakamtwika msalaba ili apape, akimkola Yesu. ²⁷ Umati mkulu wa wanthu, na wanawake ambao walihuzunika na kuomboleza kwa ajili yankhe, wakala wakimkola. ²⁸ Lakini akawabidukila, Yesu akawalongela, 'Wandele wa Yelusalemu, sekemnililile nie, bali jililileni mweye wenyewe na kwa ajili ya wana wenu. ²⁹ Lola, siku zokwiza ambazo nawalonge, ''Wabalikiigwa walio tasa na munda yasioeleka, na matombo ambayo hayanyonyeshile. ³⁰ Ndipo wolonda waanduse kuilongela milima, 'Chilagalileni,' na vilima, 'Chigubike.' ³¹ Maana gesa wakitenda mbuli zino ikiwa biki bisi, naiweze ukia unyala?" ³² wanawalume wamwenga, wahalifu waidi, wagaligwa hamwe naye ili wakomigwe. ³³ Wafikile hanthu kotangigwa Fuvu da mutwi, ndipo wakamsulubisha hamwe na wala wabananzi, imwe upande a kudila na imwenga upande wa kumoso. ³⁴ Yesu akalonga, ''Tata, uwasamehe, kwa kuwa hawamanya woditendalo. ''Nao wakatoa kula, kugawa mavazi yake. ³⁵ Wanthu wakala watimalala wakilola kuno watawala wakimdhihaki, wakilonga, ''Kawaokola wamwenga. Sambi ajiokole mwenyewe, gesa yeye ni Kilisito wa Mulungu, mteule.'' ³⁶ Asikali pia walimdharau, walimsogelela yeye na wakamwinkha siki, ³⁷ wakilonga, ''Gesa weye ni Mwene wa Wayahudi jiokole mwenyewe'' ³⁸ Kukala pia na alama kuchanya mmwake iandikigwe ''YUNO NDIYE MWENE WA WAYAHUDI.'' ³⁹ Imwe wa wabananzi asulubiigwe akamdukana akilonga, ''Weye si Kilisito? jiokole mwenyewe na cheye'' ⁴⁰ Lakini yula imwenga akajibu, akimkemela na akilonga, ''Je weye humuogoha Mulungu, nawe uko muna hukumu hiyo hiyo? ⁴¹ Cheye cha hano kwa haki, kwa maana cheye chohokela kila chostahili kwa matendo yenthu. Lakini munthu yuno hatendile chchose kihile.'' ⁴² Na aliongeza, ''Yesu, nikumbuke ahouingile muna umwene wankho.'' ⁴³ Yesu akamlongela, ''Amini nokulongela, dielo utakuwa hamwe nanie Paladiso.'' ⁴⁴ Aho ikala haguhi saa ya sita, ziza diza kuchanya ya nchi yose hadi saa tisa, ⁴⁵ Bunkhulo da zua dizimika. Kamala pazia da hekalu digawanyika mgati kwandusila kuchanya. ⁴⁶ Akilila kwa lwangi kulu, Yesu akalonga, ''Tata muimikono mmwako noiika roho yangu,'' baada ya kulonga haya, akadanganika. ⁴⁷ Wakati Akida aonile yatendekile alimtukuza Mulungu akilonga, ''Hakika yuno kakala munthu mwenye haki.'' ⁴⁸ Wakati umati wa wanthu wezile hamwe kushuhudila waonile mbuli yatendekile, wakabwela kuno wakitoa vifula vyao. ⁴⁹ Lakini mbuta zake, na wanawake wamkolile kulawa Galiaya, watimalala kwa kutali wakilola hizo mbuli. ⁵⁰ Lola, pakala na munthu kotangigwa Yusufu, ambaye ni imwe wa balaza, munthu anogile na mwenye haki, ⁵¹ (kakala hatogole na maamuzi au matendo yao). kulawa Almathaya, mji wa Kiyahudi, ambao ukala ukigozela umwene wa Mulungu. ⁵² Munthu yuno, akamsogelela Pilato, akalomba enkhigwe mtufi wa Yesu. ⁵³ Alimshusha, na akauzungushila sanda, na akauika muna kabul dikalile disongiwa muna yuwe, ambadyo hebuke awahile kuzikigwa. ⁵⁴ Ikala ni siku ya maandalizi, na Sabato yokalibia. ⁵⁵ Wanawake, wezile nao kulawa Galilaya, wakamkola, na wakaona kabuli na jini mtufi wankhe ivoulazigwe. ⁵⁶ Wakabwela na kwandusa kuandaa manukato na malashi. Kamala siku ya sabato wakahumula kwa mujibu wa shelia.