¹ Bahada jha Yesu kujhomola kila kilebhe chakibha alongilajhe kwa bhando bhibha n-nyokanakihajhe, ngojhingilajhe kukapela nahumo. ² Ntumwa pulane ghwa hakida, jhwa kibha jhwa chamane chana kwake, akibha ng'onjwa chana na akibha kalibo kuhwegha. ³ Lakine akibha ajhohine kuhucho Yesu, jhola hakida akantumite kilongoche ghwa kijhahude, kujhopa ahike kuhokoha ntumwa ghwake ili akotokuhwegha. ⁴ Pabhahikitajhe kalibo na Yesu, bhakanchihite kwa bidihe na kulonge, "Anachitahile kwamba mipachwa kuhenga nahe kwa ajile jhake. ⁵ Kwa uhala alipahilelitahipa lito, nandile jwachengite myumba jha chapanga kwa ajile jhito." ⁶ Yesu akahendelihe na chapale jhake pamo nabho lakine kabula anajhenda jhe kutale na nyumba, hapicha jhumo akabhatumite akamalapike bhake kulongela hako. "Bhambo, kujichocha mabhene kwa uuhalo nenga nichitahilejhe mwenga kuijhingila kwenye dale jhango. ⁷ Kwa unhalo ghongo hakaholalijhe hata nenga namwete kubhegha nipwaha kuhika kweno, lakine n-ndongele lineno tu na ntumiche ghwango chalama. ⁸ Kwane henga piha ni mundo jwa bhamekite mumamulaka na ngwete akachikale pahe jhango. Kulonge kwa jhongo "N-nyende " na kujhenda na kwa jhongine "Unhike" hajwe ahika, na kwa mtumiche ghwango Henga chenje , na jhwene ahenga." ⁹ Yesu pajhohinajhe ghanga akangiche, na kwagalambukila makongano bhibhakibha bhankengamana kulonge. "Ni ndobhalela hata katika Ichilaele, nina hwahijhe kubhona mundo jhuna himane mgolonga nkema jhonjo. ¹⁰ Kicha bhala bhibhakibha bhatumite kubhuja ukajhabhe na kunkolela ntumiche abhile nchima. ¹¹ Pulane bahada jha ghango, akapitile kubhegha Yesu akibha atendakuchapile kujhenda kumuche ghumukemita nahine bhanapunje bhake bhajhabhwile pamo najwene bhakahambatine na umate ghwa bhando. ¹² Pahikita kalibo na lyango lya jije m-mdola, mundo jwa ahwile bhakibha bhang'eghite, ma ni mwana ghwa kanjika kwa majhe ghwake. Jwakibha njane, na umate ghwa jhwa ghwakiliche kuhuma kujije bhibhakibha pamo najhwene. ¹³ Pam-bomitajhe, bhambo akauheghalile kwa huluma mgolonga chana panane jhake na akan-dobhalile, "Nkotoka kulela". ¹⁴ Kicha ugaheghalila kulonge ngaliguchata lijeneza lilakibha bhangihinghile m-bhele, na bhala bhibhaghite ngabhajhemita akalongile "kangombo nilonge jimuka." ¹⁵ Mpo ngajhinwika na kutama pahe na ngatumbuila kulongela. Kicha Yesu ngankabicha kwa majhe ghwake. ¹⁶ Kicha hopu ngijhatwelila bhoha. ngabhahendaliha kumtucha Chapanga bhakalongila "N-jhumbe nkolonga ahinulighwe mihongone mwite" na Chapanga abhalolakihe bhando bhake". ¹⁷ Henge habake hyamaha hya Yesu ihenihe jhudeha jhoha na kwa mikoha jhote jha jilane. ¹⁸ Bhanapunje bha jhohana bhan-ndobhalile mambo ghanga ghote. ¹⁹ Ndipo jhohana ngabha kemita bhabhe na bhanapunje bhake na kwa tuma kwa bhambo kulonge "Mwenga ndile jhola jwachahikajhe, au kama mundo jhonge tunudolalejhe? ²⁰ Pabhahikitajhe kalibona Yesu bhamba ngabhalongila, "Jhohana mbatachaje atutumite kwino kulonge, mwenga ni jhola jwachahi kajhe au kuna mundo jhonge tun-ndolale lajhe" ²¹ Kwa wakata ghongo akabhalamiche bhando bhamahe kuhuma katika maghonjwa na matecho, kuhuma kwa myojho mihakamaho, na kwa bhando bhina upopo akabha pekihe kulola. ²² Yesu akajibwite na kiulonge kwabhe "Baada jha kubhegha n-jhabhwile kwa unhumitajhe chamujhulichaghe jhohana chamwikibhwene na cha mwikijhohine bhina upopo bhipokela kulola na akaihwete bhitwanga, bhina malohe bhitakachika, ilebhipughwa na kubhegha ghwome kabhe na, machikine bhilobholegha habale jhamaha. ²³ Na mundo hambajhe chalekajhe kuhamine nenge kwa uhalo ghwa matendo ghango abalikighwe." ²⁴ Baada jha bhala bhibhatumwite na jhohana kubhujha kubhahumitajhe, Yesu ngatubwila kutonge kwa makongano panane jha Jhohana, "Makajhabhwile panja kulolala nike, n-dahe ghwakibha utikichwa na upepo? ²⁵ Lakine makajhabhwile panja kulola nike, mundo akahwalite chape? n-ndola bhando bhala bhabhahwala mabhajhe gha kipwalume na kutama mahichagha chitalehe bhabhile kwinapwache jha kipwalume. ²⁶ Lakine mijhenda panja kulola nike n-jhumbe? ndijho, nilongela kwino na chahide chana kuliko n-jhumbe. ²⁷ Jhonjo ndile jwanja jwajhandikighwe, "N-ndola, nintuma n-jhumbe ghwango palonge jha miho ghino, jwachahaudajhe ndela kwa hajile jhango. ²⁸ Nilongela kwino, kate jha bhala bhibha bhelwike na mukeghe, abhijhe ukolonga ukema jhohama, lakine mundo chi jhwa muhimo chana jwapala kutama na Chapanga mahale pabhile jhwene, chabha jhe nkolonga kuliko jhohana." ²⁹ Na bhando bhoha pabhajhohinajhe ghanga pamo na akatocha uchulo, bhatangiche kubhegha Chapanga ndile jhuna hake. Pabhakibha kate jhabhe bhala bhibhatichwe kwa ubaticho ghwa jhohana. ³⁰ Lakine mapalichajho na akatolamobha cheliha jha kijhahude, ambabha bhakabatichwejhe na jhwene bhakakamite hekima jha Chapanga kwa ajile jhabhe bhene. ³¹ Kabhena ahwecha kunenganichwa na nike bhando bha kijhache chenje? bhabhi bhole hacha? ³² Bhilandana na hyana bhibhakina muli heneho lya choko, bhibhatama na kukema na jhuma bahada jha jhonge bhalonge tipuliche pilimbe kwa ajile jhino, na makakinitejhe. tijhopaliche na makalelite jhe. ³³ Jhohana m-batichajhe akahikite akalijhe nkate wala kunywegha dipahe, na makalongile "jhina nchuka. ³⁴ Mwana ghwa mundo ahikite alile na kunywegha na ngan-ndongila, "Abhela ni n-dape na n-depi, na lapike gwa utocha uchulo na jhuna chambe! ³⁵ Lakine hekima imanyakine kubhegha jhina hake kwa hyana bhake bhote." ³⁶ Jhumo jhwa mapalichajho akan-jhopite Yesu ajhende kulyegha pamo na jhwene. bahada jha Yesu kujhingila munyumba jha palichajho, akajheghe mukihe mumecha ili alyeghe. ³⁷ N-ndola pakibha na mukeghe jhumo katika jije lende akibha na chambe. ngagunduihajhe kumbe akibha atama kwa mapalichajho, akaletile chupa jha manukato. ³⁸ Akajhemite kunyuma jhake kalibo na makongono ghake akalelite. Kabhena akatumbwile kutumbika makongono ghake kwa mahole, na kum-puta kwa majhunjo ghaumuto ghwake, akahabuchwite makongono ghake na kum-pakaha manukato. ³⁹ Na jhola palichajho akibha analike Yesu pabhoni hyene, akahwachite jhwene ngalongila, "Nkema jhonjo mundo ngabhile n-jhumbe, ngamanyite jhongo ni ghane na ni ahina ghani jha mukeghe jhwa ngucha, jhakubhegha ni jhuna chambe. ⁴⁰ Yesu akajibwite na kuu-ndobhalela, "Chimone ngwete kilebhe cha kun-ndobhalela. "Ngalongila" "Kilongila tughe mwalimo!" ⁴¹ Yesu ngalongila "Bhakibha akahighwa bhabhena kwa nkopechajhe jhumo. Jhuma akibha adahighwa dinale mya uuhano na jwa ubhena akadahighwe dinale hamchine. ⁴² Na pabhakibha bhakwetejhe pecha hya kulepa akabhachamihe bhote. chacha ni ghame champala jhahide? ⁴³ Chimone ngan-jhibwita na kulonge, "Nachane jwa chamehighwe jhahide." Yesu akan-ndobhalile, "Unhukwime kwa uchahihe." ⁴⁴ Yesu akanghalambukile mukeghe na kulonge kwa chimone, mibhona jhino. Makambekihejhe mache kwa ajile jha makongono ghango, lakine jhonjo, kwa mahole ghake, akatepatihe makongono ghango na kumbuta kwa majhunjo ghake. ⁴⁵ Makamu chwitejhe, lakine jhweno, tango pajhingilajhe mombo akakotwikejhe kumucho makongono ghango. ⁴⁶ Makambakihejhe makongono ghango kwa mahuta, lakine ambakine ambakihe makongono ghango kwa mamukato. ⁴⁷ Kwa lijhambo lende, nin-ndobhalela kwamba akibha na chambe hyamahena na achamehighwe chahide, na piha akapahile chahide. Lakine jwachamihighwe kandina apala kandina tughe." ⁴⁸ Bahadajhe mgan-ndobhalila mukeghe, "Chambe hino ichamihighwe". ⁴⁹ Bhala bhakatamite pamecha pamo najhwene ugabhatumbwila kulonge liana bhene kwa bhene, "Jhonjo ni ghane mpaka atuchamehe chambe?" ⁵⁰ Na Yesu ngan-ndobhalila mukeghe, "Himane jhino inhokwihe. enyenda kwa hamane.