¹ Kwa hijho, kuhenga lihengo pamo, tinchihi mangota nkotokupokela nehema jha Chapanga pangale matokeho. ² Kwa kubhegha alongela, "wakate ghujhekatike nakibha makine kwino, na katika lichiko lya uhokopo nakachahidihe." N'dola, ngohe ni lichiko lya uhokopo. ³ Tibhekajhe lighanga lya kuhibhilikiha paloke jha mundo jhwajhote,kwa kubhegha tipalijhe huduma jhito ihike katika chipa mbajha. ⁴ Badala jhake, tijihakike tabhete kwa matendo ghito ghote, kwamba tu bhatumiche bha Chapanga. Tu bhatumiche bhake katika umahena ghwa uchitahimilipo, matecho, jhike, unono ghwa mahicha, ⁵ kumenywa, hipungo, ghachiha katika kuhenga lihengo kwa bidihe, katika kukocha lughono kilo, na katika njala. ⁶ Katika uchape, mahalipa, uhimbalilo, wema, katika mwojho ntakatipo, katika upalo haliche. ⁷ Tu bhatumiche bhake katika lilobhe lya kwele katika likakala lya Chapanga. Tina chilaha jha hake kwa hajile jha lubhoko lwa kilome na lwa kwangejha. ⁸ Tihenga lihengo katika hechima na kujhalalighwa, katika kachipa na chipa. Tituhumighwa kubhegha bhakolohajhe na wakate tu bhakwele. ⁹ Tuhenga mahengo kana kwamba timanyikanajhe na tam;'bhela timanyikana mbone. Tuhenga mahengo nkema titihajhibhighwa kwa hajile jha matende ghito lakine chi nkema bhibhahukumighwe hata kuhwegha. ¹⁰ Tuhenga mahengo nkema bhina machikitiko, lakini machiko ghote tina luhangano. Tuhenga mahengo nkema machikine, lakine ttitajilishwa tamahena. Tuhenga mahengo kana kwamba tipatajhe kilebhe bale nkema timilike kila kilebhe. ¹¹ Tilongile ukwele ghwote kwino, Bhakolintho, na myojho jhito ijhoghwik kwa upana. ¹² Myojho jhino ihibhilighwa na twenga, bale mihibhalighwa na hichiha hino mabhene. ¹³ Ngohe katika kubadilichana kwa hake-nilongela nkema kwa hyana. N'jhogholajhe myojho jhino kwa upana. ¹⁴ Mangtabhanichwa pamo na bhangahamine. Kwa kubhegha kubhile na uhuchihano ghane kate jha hake na uhache? Na kubhile uchilika ghane kate jha nulo na lubhendo? ¹⁵ Ni majheketelano ghaneKilichito ahwecha kubhegha najho na Beliari? Au jhwene ahaminajhe akwete chehema ghane pamo na jhwangahamine? ¹⁶ Na kubhile majheketelano ghane ghabhile kate jha lijhumba lya Chapanga na chanamo? Kwa kubhegha twenga ni nyumba jha Chapanga jwabhile ghwome, nkema hambavyo Chapanga akalongile: "chandamajhe pakate jhabhe na kutyanga pakate jhabhe. Chamyajhe Chapangta ghwabhe na bhene chabhabhajhe bhando bhango." ¹⁷ Kwa hijho, "m'bhokengane kate jhabhe na makatengana nabho," alongela Bhambo. "Mangaguchajhe kilebhe kihakwa, na chaninkalibichajhe mangota. ¹⁸ Chamyajhe natate ghwino, namangota cham'byajhe bhanango bha kilome na bha akakeghe," alongela Bhambo mwenyejhi.