¹ Peturo, mtenga bha Yesu Kilisto, kwa bhaghene bha upechengano, kwa bhateule, mu Ponto yhoha, Galatia, Kapadokia, Asia na Bithinia. ² Kuhumana na malango gha Chapanga, Tate kwa ung'aricho na mojho ghwa maha, kwa utiifu ghwa Yesu Klisto, na kwa kunyunyuchiwa mihahe yhake. Neema ibhii kwino na amani yhino iyhonjekehae. ³ Chapanga Tate bha Bhambo hwito Yesu Klisto na abarikiwe mu ukulu wa rehema yhake, atupikihe kupaliwa ni uyhono kwa ujasire wa uriche kupitila kuyhoka Yesu Klisto kuhuma mubhubhahwile. ⁴ Muuriche hwangahobha, hwakibhajhe ni uhakaho wala kuchepa, Utenda kuhiadhiwa kunane kwa ajili yhino. ⁵ Mu uwecho hwa Chapanga mtendakulindwa kupitila hobholelo kwa wokou ubhiitayhare kubhonekana mu nyakate yha umalilo. ⁶ Hekelelayhe mu lindi, ingawajhe hina lachima kwino kuyhukanikiha huchune mu majaribo mbalimbali. ⁷ Yhinji ni kwa nhwalo hobholle yhino ihotole kujharibiwa, hobholelo yhibhii yha kuliko zahabu, yhene itekuhobha mu mwoto ghwene utekujaribu mobholelo yhino. Yhinji itama naha ili hobholelo yhino ipate kupapa sia, ung'aricho, na hechima mu uyheghulo wa Yesu Klisto. ⁸ Mumbona yhe yhwene, lakine mumpala. Mumbhonayhe chayhinji, lakini mtekuamini mu yhwene na mbhii ni uhekelelo ihotolekayhe kuelezeka kwa uhekelelo hwene utwilii ni ung'alicho. ⁹ Ngoheno ntekuyuhupa mabhene matokeho gha hobholelo yhino, wokovu wa nasi yhino. ¹⁰ Bhajumbe bhatendakuparahana kukonyekea ni marango kuhusu wokovu ubhu kuhusu neema yhene ikibha yhino. ¹¹ Bhaparaha kumanya ahina ghane yha wokovu hwene uhika. Bhaparaha kumanya mda ghane moyho hwa Klisto yhabhii nkate mwabhe alonga nike. Yhinji yhatenda kubhuka wakate annongelela mapema malaghalilo gha Klisto na ung'aricho utenda kunkingama. ¹² Itendakuyhighulika kwa bhajumbe bhabhatenda kuhenga mambo agha, nhwalo hwabhe yhe, bali nhwalo hwino, machimuzi gha mambo agha kulutila bhala bhabhaleta malobhe gha maha kwino kwa njila yha mojho ghwa maha yhatenda kutumwa kuhuma kunane, mambo agha hata mahoka bhatenda kutamani kuyhighuliwa kwake. ¹³ Naha pungani ibhuno yha malango ghino. Mubhe ni utulibhu muikila zino. Mtame ni ujasire woha mu neema yhene bhatenda kuleta kwino hwakate hwa kuyhighuliwa kwa Yesu Klisto. ¹⁴ Ngati bhana bhatiiu, mkotokupungwa mabhene ni tamaha yhene yhimutenda kukingama wakati makibhayhe ni uahamu. ¹⁵ Lakini ngati naha yhatenda kubhakema abhii hwamaha, na mwenga mtame maha mu tabia yhino yhoha maishani. ¹⁶ Nhwalo itenda kuyhandikwa, "mtame bhamaha, nhwalo nenga hwamaha." ¹⁷ Na ngita mkema, "Tate" yhula yhatenda kuhukumu kwa haki kulingana ni mahengo gha kila mundo, tumia muda hwino wa chatale yhino mu unyenyekebho. ¹⁸ Mmanya ngati yhakibhajhe kwa mbhiyha au zahabo - ilebhe itekuyhanangika bhyene mlekukombokoka kubhuka mu tabia yhino yha ujinga yhene mlendakujiunza kubhuka kwa Tate hwito. ¹⁹ Lakine mtenda kukombokoka kwa miahe yha heshima ya Klisto ngati yha mberere abhiiyhe na hila hwana uhakaho. ²⁰ Klisto atendakuhaghuliwa kabla yha misingi yha nnema, lakini ngocheno manjubha agha gha umalilo, atenda kuyheghuliwa kwino. ²¹ Mtekumwamine Chapanga kulutila yhwene, yhwene Chapanga atenda kumbhuha kwa bhabhahwile na yhwene ampikiha ung'aricho ili hobhalilo yhino na ujasiri ubhihi mwa Chapanga. ²² Mhengite naasi yhino iyhii maha kwa utihe wa ile kweli, kwa upalo wa unnongo wohwubhii na unyou, naha paranayhe kubhoka mmitima yhino. ²³ Ntekupapwa mara yha kabhele kwa mbeyhu yhiyhitendakuyhanangika yhe, lakini kubhoka mu mbeyhu yhangahanangika, kupitila uzima ni lilobhe lya Chapanga. ²⁴ Naha "yhegha yhoha ibhii ngati manyahe na ung'aricho hwake hwoha ngati ua la manyahe. Nyahe litenda kuyhuma ua ligwegha. ²⁵ Lakini lilobhe la Bhambo litama manjobha ghoha." U tenga ubhu ulangachwa ngati injili kwino.