¹ Chizalonga choni kaidi ino Abrahamu,tatiyetu kwa jinsi ya lukuli,kapatika? ² Kwa maana ihawa Abrahamu kapetiligwa haki kwa matendo,yahawile na sababu ya kuisifia,mbali si mbele za Mulungu. ³ Kwani maandiko yolongaze?" Abrahamu kamweamini Mulungu,na iyo ipetigwa kumwake kuwa haki." ⁴ Lelo kwa muhnu yotenda kazi,maliho yake haya petigwa kuwa ni neema,bali yowa deni. ⁵ Lakini kwa muhnu hatendile kazi bali komwamin yeye yompetela ihaki ija hateuligwa,imani yake muhnu iyo ipetigwa kuwa haki. ⁶ Daudi ivia kulonga baraka muhnu ija ompela ihaki Mulungu bila matendo. ⁷ Kalonga,"wabarikkigwa waja wasamehewe maovu yawe na waja wafutiligwe dhambi zawe. ⁸ Kabarikiigwa muhnu ija hapetiligwa dhambi na Mulungu." ⁹ Izibaraka zino kwa waja watahiriigwe nuhala au kwa waja hawatahiriigwe ivia?Kwa maana cholonga."Kwa Abrahamu imani yake ipetigwa kuwa haki." ¹⁰ Ivyo ipetigwa vilihi basi?Wakati Abrahamu kakuna itohara au kabla hanatahiriigwa?Haiwile mu na ukatahiri wa bule,bali hanatahiriigwa bule. ¹¹ Abrahamu kahokelaga alama ya kutahiriigwa.Una ukala muhuri wa ihaki ya imani akalilenayo tayari kabla hanatahiriigwa ulawililo wa ishara ino katendeka yawe tata wa wose waaminio,hata kama wammuna kutohiriigwa.Ino ina maana haki izapetigwa kumwao. ¹² Ino ivia imaanisha kuwa Abrahamu katendeka tata wa thara si kwa waja wolawana na itohara muhala,bahi waja wowinza izinyao za tati yetu Abrahamu ivia.Na ino iyo imani akalile nayo kwa hawatahiriigwe. ¹³ Kwa maana haikalile kwa sheria kwamba ahadi ilavigwa kwa Abrahamu na uzao wake,ahadi ino ya kwamba wezakuwa warithi wa idunia,ila ikala kufosela muna ihaki ya imani. ¹⁴ Kwa maana kama waja waisheria wao iwarithi,imani iwa bure,na iahadi ibatilika. ¹⁵ Kwa sababu isheria yogala gadhabu,lakini haja helibule isheria,ivia habule kutotii. ¹⁶ Kwa sababu ino dino huhokela kwa imani,ili iwe kwa neema.Ulawililo wake,ahadi dhahiri kwa uzao wose.Na wazawa wano si waja wamanyile isheria muhala,bali waja wa imani ya Abrahamu ivia.Kwa maana yege ni tatietu cheye chose. ¹⁷ Kama viyandikigwe,"Nikutenda wee kuwa tata wa mataifa mengi."Abrahamu kakala mu uwepo wa ija ya mwaminie,yaani,Mulungu koweg'he wafile ugima na kuyatanga yelihabule ili yawe baho. ¹⁸ Licha ya hali zose za kunze,Abrahamu kwa ujasiri kumumwamini Mulungu kwa izisiku zilondakwiza.Ivo lelo kawa tata wa mataifa mengi,kulingana na chiya chilongigwe,"... Ivo wonda uwe uzao wako." ¹⁹ Yeye hawile dhaifu muna iimani.Abrahamu kakiri kwamba lukuli lwake mwenyeo lufa lumala -kakala na umuri wa karibu miaka mia imwe.Ivia kaitogolela hali ya kufa ya tumbo da sara. ²⁰ Lakini kwa sababu ya ahadi ya Mulungu,Abrahamu hasitile nuna kutokuamini.Bali kapata nguvu nuna iimani na kamsifa Mulungu. ²¹ Kakala kavimanya hakika ya chiya cho aahidiwe Mulungu,ivia kakala na uwezo wa kukikamilisha. ²² Kwa hiyo ino ivia ipetigwa kwake kuwa ni haki. ²³ Lelo ino hayandikigwe kwa faida yake muhala ,kwamba ipetigwa kumwaka. ²⁴ Ivia yandikigwa kwa ajili yetu,kwa waikiligwe kupetigwa cheye dyamini yamfufuwe Yesu muna uwafu. ²⁵ Ino iyo ija yalavigwe kwa ajili ya makosa yetu na katufu wigwa ili chipate kupeteligwa ihaki.