¹ Habaho myahudi kana faida gani?Vino faida ya tohara choni? ² Vino vinoga sana kwa kila nzila.Mwanzo wa yose,wayahudi wakabidhiigwa ufunuo kulawa kwa Mulungu. ³ Lakini,yowaze ihawa wayahudi wamwinga hawakalile a imani?Vino kuleka kuamini kwao kwizaleka uaminifu wa Mulungu kuwa batili? ⁴ La hasha.Badala yake,leka Mulungu yaoneke kuwa kweli,hata kama kila muhnu mvwizi.Kama ivo ikalile yandikigwe."Ya kwamba udahe kuoneka kuwa mwenye haki nuna izimbuli zako,na udahe kuhuma uhengila muna ihukumu." ⁵ Lakini ihawa uovu wetu w onesha haki ya Mulungu,chilongeki?Mulungu heli dhalimu bule yahalava gadhabu yake,vino ka ivo?Naongeza kulawana na mantiki ya binadamu. ⁶ Si ivo!Mulungu kezahukumu vilihi ulimwengu? ⁷ Lakini ihawa kweli ya Mulungu kufosela umbeya wangu kolava sifa telele kwa ajili yake,mbona ning'hali bado nohukumiwa kama mwenye dhambi? ⁸ Habari seke chilonge kama ivo chisingiziigwe na kama wamwenga wothibitisha kama chilonga,"Chitende uovu ili yenogile yeze"?Hukumu mwao ni haki. ⁹ Habari basi?Chojitetea wenyeo?Habule kabisa kwa kuwa cheye tayari chiwatuhumu wayahudi na wayunani wose kwa hamwenga,ya kuwa wa mwi idhambi. ¹⁰ Ino ni kama ivo yandikigwe:"Habule mwenye haki,hata imwe. ¹¹ Habule muhnu yoelewa.Habule muhnu yomlonda Mulungu. ¹² Wose wahinduka.wao kwa hamwenga wawa wabule maana.Habule yotenda yanogile,hata imwe. ¹³ Malaka yawe yawa kaburi da wazi.Ndimi zawe zivwiza.sumu ya nyoka ya hasi Mmilowo yave. ¹⁴ Vinywa vyawe vimema laana na usungu. ¹⁵ Magulu yawa yokimbilila kwitila damu.

¹⁶ Ubananzi na mateso ya muna nzila zawe. ¹⁷ Wahnu wano hawana imanya nzila ya amani. ¹⁸ Habule hofu ya Mulungu mbele ya meso yawe." ¹⁹ Lelo chivimanya chnhu chochose chilongigwe na sheria cholonga na waja weli hasi muna isheria.Ina ni kwamba ili kila mulone unyamale nywi,na ulimwengu wose uwajibike kwa Mulungu. ²⁰ Ino ni kwa sababu habule lukuli lwa kupetiligwa haki kwa mbuli za sheria mbele za meso yake.Kwa kuwa kufosela isheria wokwiza umanyi wa dhambi. ²¹ Lakini lelo helibule sheria,haki ya Mulungu imanyika ishuhudiwa kwa isheria na manabii, ²² iyo ni haki,ya Mulungu kufosela imani ya Yesu Kristo kwa waja wose wa aminiye.Maana kwabule tofauti. ²³ Kwa kuwa wose waitenda dhambi,na wapungukiigwa na utukufu wa Mulungu. ²⁴ Wapetelwa haki bure kwa neema yake kwa nzila ya ukombozi wa muna Kristo Yesu. ²⁵ Kwa maana Mulungu kamlava Kristo Yesu yawe upatanisho kwa nzila ya imani muna idawu yake.Kamlava Kristo kama ushindi wa ihaki yake, kwa sababu kazilekelela dhambi zifosile. ²⁶ Muna uvumilivu wake,Yano yose yalawilila ili yaoneshe ihaki yake muda una wa sambi.Ino ikala ili yadahe kuithibitisha mwenyeo kuwa haki,na yaoneshe kwamba kompetela haki muhnu yeyose kwa sababu ya imani muna i Yesu. ²⁷ Kwa kulili basi kuisifia?Kutengigwa.Kwa misingi ilihi?Msingi ya yamatendo?Habule,lakini kwa misingi ya imani. ²⁸ Ivo lelo chohiyimisha kwamba muhnu hapeteligwa haki kwa imani bila yamatendo ya isheria. ²⁹ Au Mulungu ni Mulungu wa Wayahudi muhala?Vino yeye si Mulungu wa wahnu wa Mataifa ivia? Ena,wa mataifa ivia. ³⁰ Ihawa kweli Mulungu imwe,kezawapetela haki weli wa tohara kwa imani,na waja hawatahiriwe kwa nzila ya imani. ³¹ Vino cheye choibatilishwa isheria kwa imani?Bule!kinyume cha yayo,cheye chothibitisha isheria.