¹ Okwakubha mwana wen'gondi anuyaatira earama ya muungati. Kukabhao na bhuteremu nusu kage. ² Okubha nkarora malaika muungati bhemiriri embere ya Waryubha nkaanwa enkombi muungati. ³ Maraika oundi akaja, agwatiriri ekitubha kye jahabu ya bhurangasiro, yembiriri mumashengerero. Akahanwa ndengasiro njaru okubha abhurushe amwi nokusabha, abhakoribhemirimu bhonsego kokubh amashengerero ge jahabu embere ya kitumbi kya kaare. ⁴ Engesi hira yendengasiro, amwi na masabho ga bhakori bhemirimu, okatira egu ekitubha ya Waryubha okurwa mkubhoko kwa maraika. ⁵ Maraika akagega ekitubha kye ndangasiro na akarijurwa omuriro okurwa mushengerero. Okubha akaryesha ansi eguru ye kwaro, rikarwa erisi ryorukubha, emiare gworukubha na bhurigiti bhwe kyaaro. ⁶ Bhatari amaraika muungati bhanu bhanga na enkombi muungati bhakepanga okugipokera. ⁷ Maraika wa hokwanja akatema enkombi yaye, na ekaja embura ya magina no muriro gu gwasanga nibhwa na manyinga. ⁸ Maraika wa kabhiri akatema enkombi yaye, nekintu nkama omurima omunene gunu gwanga gurarugura kumuriro gukeswa munyanja ye nyanja okubha manyinga. ⁹ Therusi ya bhantu bhanu bharegwa okubha kunyanja bhikakwa, therusi ya engarabha gikasaribhwa. ¹⁰ Maraika wa kasatu yatema enkombi yaye na njota enene ekagwa okurwa murwire, eramirika ruzuku eguru ya theruthi yoruji na ekisekani kya manji. ¹¹ Erina rye njota ni pakanga, ya manji ekabha pakanga, na bhantu abharu bhakakwa okurekana na manji ganu ganga amaruru. ¹² Maraika wa kane yatema enkombi yaye therusi eryubha rikatemwa, amwi theruthi ya amarobha theruthi ya njota. Kwakubha theruthi ya bhyonsego bhikakyuka okubha ekisunte: theruthi ya mubhasu na theruthi ya obhutiku bhitabha na obhurabhu. ¹³ Namaa, na nkegwa etai inuyanga arebhururuka kokubha aribhirikira kwa erisi erikuru, anu, anu anu, kubharwa bharekara kukyaro, kwakubha ya theruthi enkombi inuyasaja n'goerian'gi okutwemwa maraika abhasatu."