¹ Okubha ya ganu narora malaika bhane bhemiriri ukona gyekyaro, bhakanirye masambwa gane ge kyaro kweginguru okubha gutabhao omuyaga gunu gurauta hagati ye kwaro, eguru ye nyanja amwi nyonerwa ye miti kyonse kyonse. ² Nkarora malaika ohundi araja kurwa obhutura ryubha. Unuyanga nearama ya Waryubha unu aregwa. Akakura kwerisi rinene kumalaika bhane bhanu bhahanwa omweya gokusarya ekyaro na enyanja. ³ "Mutakasarya ekyaro, enyanja, amwi emiti kwakubha anuturibha tuterwerye eharama kubhishushu bhyemitwe bhya bhakori bhemirimu bha Waryubha wetu. ⁴ Nkegwa en'gongerya ya bharya bhaturirwa eharama 144,000, bhanu bhaturirwa eharama okurwa kira ekabhira ya bhantu wa Israel. ⁵ 12,000 okurwa okubha ya Yuda bhaturirya eharama 12, 000 kurwa kubha ekabhira ya Rubeni, ⁶ 12,000 kurwa kubha kabhira ya Gadi. 12,000nokurwa ekabhira ya Asheri, 12,000 okurwa ekabhira ya Naftari, 12,000 okurwa ekabhira ya Manase. ⁷ 12,000 okurwa ekabhira ya Simioni, 12,000 okurwa ekabhira ya Yusufu, na 12,000 okurwa ekabhira ya Isakari, ⁸ 12,000 okurwa ekabhira ya Zeburoni, 12,000 okurwa ekabhira ya Lawi, 12,000 okurwa ekabhira ya Yusufu, na 12,000 okurwa ekabhira ya Benyamini bhaturirwa eharama. ⁹ Okokubha ya amang'ana ganu namairira, na gwangao amwikuma nwo omunene gunu atangao omuntu unu yangaratura okubhara kurwa kira kyaro, kabhira, omuiri, obhugambo bhemiriri embere ya kintumbi kya kyabhambiro na mbere yomwana werin'gondi. Bhanga bhebhoeri emwenda emirabhu na bhanamasha ge mitende mumabhoko gabho. ¹⁰ Na bhanga bharabhirikira kwerisi rye guru: "Wokovu ku Waryubha unu yekeri kukitumbi kyabhwambiro kyomwana wen'gondi. ¹¹ Maraika bhonsego bhanu bhanga bhemiriri kwinara ekitumbi kye bhwambiro na kubhenara majaji harya amwi na bhaoru bhane, bhakenama ansi na bhakatura obhusu bhwabho eguru ya yamarobha embere ye kitumbi kya kaare bhakamusabha Waryubha. ¹² Anu haragamba, Amina! kukumwa obhukuru, entungwa omukumo, entungwa, obhuturo ne ginguru gibhe ku Waryubha wetu koko na koko! Amina! ¹³ Okubha ohumwi wa bhajaji bharya bhamburya, "Bhanu mbawi bhebhoeri mwenda mirabhu, na bharyuria? ¹⁴ Nkamubhurwa "Omukuru omunene, amanyiri uwe," na akamburya, "bhanu mbo bharwa mumugi omukuru bhagifuriri emwenda gabho na kugikora ndabhu kwa manyinga ga omwana wen'gondi. ¹⁵ Kwa kubha hinu, bharinge embere we kitumbi kya kaare kya Waryubha, na bharamusabha weki obhutiku na mubhasu kokubha erishengerero ryaye. Weki unu yekara kukitumbi kya kaa arirarika obhwenda bhaye eguru yabho. ¹⁶ Bhatakugurora omweko kweki, ne nyonta kweki eryubha ritaribhasamba wara eri bhirira okubhasamba. ¹⁷ Kokubha ye wen'gondi unu aringi hagti ye kitumbi kya kaore aribha omurisha wabho na ari bhorokererya ekisekani kya manji go bhuhoru, na Waryubha kira amesori okubha ameso gabho.