¹ Kwa okubha kira omuntu yemuuka akaagya waye, kimwi Yesu akaagya muunkuku ya muzeituni. ² Nyiinkyo wendeko Yesu akaagya mwisyengerero na abhantu bhonsego bha kamugyako akekara na okwamba okubhehigirya. ³ Mbe abhangori na mafarisayo bhakamuretera omukari unu yagwatwa kung'ana ya obhusimbe bhakamutura hagati. ⁴ Kimwi omukari uyo akahituka akabhurya Yesu ega, Ntakoriri omukuru, kimwi Yesu akamukyakya ega okubhaoni nta kukutura mu masakyo uwe nugende otige okukora obhusarya kweki. Ng'o bhakamubhurya Yesu, omwihigirya mukari hunu agwatirwe karakora obhusimbe. ⁵ Bhono mbe kumaragiriryo ga Musa yatubhurya kubhatema na magina abhantu kya bhanu, oragamba egaki ku unu weki? ⁶ Bhagamba ganu, okubha bhamwigwe, nawe bhayoore ering'ana rya okumugamba, Naawe Yesu akehinyirira hansi akangorya mumarobha na ekyara kyaye. ⁷ Kimwi anu bhagendererya okumubhurya, akemirira na okubhabhurya "unu wonsego atana obhusarya gati yenyu, abhe omukangati ou kumutema amagina." ⁸ Kwimwi Yesu akaeinyirira kwekihansi akang'orya mumarobha na ekyara kyaye. ⁹ Hanu bhwegwa ego, bharekangao umwi umwi, kwambira unuyabhanga omukaruka, kimwi Yesu akatigwa omwene, hamwi na omukari unu yabhana gati wabho. ¹⁰ Yesu akemirira na okumubhurya "omukari urya ega bhanu bhakugambiri bharingi haa? atariho ata umwi unu akusoherye mumasakyo. ¹¹ Ng'o omukari urya akaagambeega, "atariho hata umwi omukuru Yesu akamukeerya ega hata oni ntakuture mumasakyo. Genda enjira yaho, kwambira bhonwego na okugendererya otakora obhusarya kweki.'' ¹² Ng'o Yesu akaahaira na abhantu aragamba "oni mwanga gwa ekyaro,' unu aranseterere atature kugenda mubhumwamu, naawe arabhe na omwanga gwa obhuhoru. ¹³ Mafarisayo ga kamubhurya ore himiririrya uwe mwene, obhwimiriri bhwao bhutari bhwa obhuhene.'' ¹⁴ Yesu akabhakyukya akabhabhurya "okubha ndehimiririrya onimwe, obhimiriri bhwani bhwa obhuhene, manayari hanu nareha na hanu ndigya okubha bhenyu mutamanyiri anu anu ndareka na hanu ndigya. ¹⁵ Okubha bhenyu mwakora amasakyo kumubhire, Nawe oni ntakumukorera muntu wonsego urya masakyo. ¹⁶ Oni okuha ntakuture mumasakyo, amasakyo gani nga obhuhene, kwa okubha ntari oni mwene, Niga ndingi amwi na tata unu yantuma. ¹⁷ Mbe nigo, kureka kumaragiriryo genyu yang'orwa okubha obhwimiriri bhwa abhantu abhahiri nu ubhuhene. ¹⁸ Oni ng'o unu Ndehimirira, na tata unu ya ngagija ara nyihimirirya. ¹⁹ Kimwi bhakamubhurya tata wao aringi ha? Yesu akabhakyukya ega" oni mutamanyiri, na tata wani mutamumanyiri, singe mumanyiri oni, mukya manyiri na tata wonse. ²⁰ Yagamba amang'ana ganu, obhukati bhunu yabhanga na ekibhumbiko anu yabhanga arehigirya mwisyengerero, na atario gati yabho umwi unu yamugwata kwa okubha omuda gwaye gwa bhanga gutaraika. ²¹ Kimwi mbe, Yesu akabhabhurya kweki, Ndagya gyani," murintuna na murikwa kubhusarya bhwenyu. Erya ndagya mutakutura kuikayo. ²² Abhayahudi bhakagamba, ega aremanye omwene, unu omwene yagamba "erya aragya tutakutwa kugyayo?'' ²³ Yesu, akabhakeerya ega; Murareka insi oni ndareka eguru. Mbenyumba kyaro kinu, Nawe oni ntare wakukyaro kinu. ²⁴ Kwa okubha ndabhabhuryega murikwa kwa obhusarya bhwenyu, Naawe nyoore nigo mukumye okubha "ONI NONI" murikwa kwa obhusarya bhwenyu.'' ²⁵ Okubha bhakabhabhurya, "Uwe nuwi? Yesu akabhabhurya, Nkyego ganu na bhabhurya kurwa mubhwambiro. ²⁶ Ninago Mang'ana maru gokubhabhurya na amasakyo eguru wenyu. Okubha unu yantuma oni ng'o obhuhene,' na amang'ana ganu netegerera kurwa kuweki, amang'ana ganu ndagagamba mkyaro. ²⁷ Bhatahika kumwigwa okubha ya hairanga amang'ana gatata. ²⁸ Yesu akagamba, ega "anu murimwinura eguru omuntu, ng'o murimonya okubha ONI NGO, na okubha ntakukora ryonse ryonse ku bhigwa bhwani. Nkyego tata yanyiigirya, Ndahaira amang'ana ganu. ²⁹ Weki unu yantuma aringi amwi na honi, na weki atarantiga oni mwene, okubha ndakora eribhaga ryonsego ganu arajomererwa. ³⁰ Ku ribhagha rinu Yesu yagambanga amang'ana ganu abharu bhakumya. ³¹ Kimwi Yesu akagamba kubhayahudi bhanu bhamukumya, "okubha murekare kuringana ryani, ng'o murabhe abhehigira bhani obhuhene. ³² Ng'o na mbenyu muramanye obhuhene na obhuhene bhurature obhihagari." ³³ Bhakamukyukya, "Bhetu ndwibhuro rwa Ibrahimu na tutakabheri okubha hansi ya obhwihigirya bhwa urya wonsego, "oragambe egaki" Turaturwe obhwihagari?'' ³⁴ Yesu akabhakyukya ega, Mwigwe, Mwigwe, ndabhabhurya, okubha unu arakora obhusarya, mwihigirya obhusarya. ³⁵ Omugaya hatakwikara hika eribhaga ryonsego, Naawe omwana arekara eribhaga ryonsego. ³⁶ Okubha erabhe omwana araturwe okwihagara, murabhe bhehagari kubhuhene obhukong'u.'' ³⁷ Okubha manyiri ega bhenyu ndwibhuro rwa Ibrahimu; muratuna okunyita kwa okubha eringana ryani ritana bhuwazi muunsi wenyu. ³⁸ Ndagamba amangana ganu na rora amwi na omwibhuri wani, ego ego na bhenyu murakora amang'ana ganu mwegwa kureka kumwibhuri wenyu.'' ³⁹ Bhamukyukya na okumubhurya, "Tata wetu ng'a Abrahamu" Yesu akabhabhurya ega, okubha mukyabheri bhana bha Abrahamu, mkukyakoreri emirimu gya Abrahamu. ⁴⁰ Nkyego bhonwego Muratuna okunyita omuntu unu yabhabhurya obhuhene okubha negwa kureka Waryubha. Abrahamu hatakora ego. ⁴¹ Murakora emirimu gya tata wenyu, "Bhakabhabhurya tutebhurwa ku bhusimbe tunawe tata umwi ng'o Waryubha.'' ⁴² Yesu akabhaburya, ekyabheri Waryubha ng'o tata wenyu, mukyang'anjire oni, kwa okubha nareka ku Waryubha. Naawe ntajakuhitira oni mwene, okubha weki unu yanyuma. ⁴³ Kwaki mutakwitegerera amang'ana gari? kwa okubha mutakutura okuganyirira okugegwa amang'ana gaani? ⁴⁴ Bhenyu bha tata wenyu, erisambwa, na murenda okugikora eginamba gya tata wenyu yabhanga omwiti kureka mubhwambiro na hatakutura kwimirira kureka kubhuhene. Kwa okubha obhuhene bhutarimo, munsi waye ana arahaira obhubha, arahaira kureka kubhusimuka bhwaye kwa okubha mubhei na tata wa obhubhehi. ⁴⁵ Okubha bhonwego, nawe ndagamba inu inu ubhuhene, mutakunkumya. ⁴⁶ Nuwi kubhenyu unu aranyimirirya okubha nina obhusarya? okubha ndagamba inu ina obhuhene kwaki mutakukumya. ⁴⁷ Unu aringi wa Waryubha, aragetegerera amang'ana ga Waryubha, bhenyu mutakugegwa kwa okubha bhenyu mutaribha Waryubha.'' ⁴⁸ Bhayahudi bhakamukyuka na bhakamubhurya, tutaragamba obhuhene okubha uwe mwigwa na una erisambwa. ⁴⁹ Yesu akabhakyukya ega ntana esambwa, Nawe mwitegerera tatawani, okubha bhenyu mutakunyitegerera. ⁵⁰ Ntakutuna obhukuru bhwani, hario umwi unu aratuna na okutura mumasakyo. ⁵¹ Mwigwe, mwigwe, ndabhabhurya, arabheo wonsego unu arigwata ering'ana ryani harimaha oruku kweki.'' ⁵² Abhayahudi bhakamubhurya, "bhonotumanyire okubha una erisambwa. Abrahamu na abharoti bhakwa, Nawe oragamba okubha unu arigwata ering'ana ryao atarirabha oruku. ⁵³ Uwe otari mukuru kuriko tata wetu Abrahamu unu yakwa etari ego? abharoti nabho bhakwa uwe orekorwa kubhawi?'' ⁵⁴ Kimwi Yesu akakyuka ega, "erabhe ndekumya oni mwene, obhukuru bhwani bhwario, okubha ntata wani unu arankumya ng'urya unu muragamba okubha ng'a Waryubha wenyu. ⁵⁵ Bhenyu mutara mumanya weki. Nawe oni ndamumanya weki okubha ndigamba "ntamumanyiri" ndibha kya bhenyu, mubhii. Nigo manyiri na amang'ana gaye ngagwatiri. ⁵⁶ Tata wenyu Abrahamu yakiririrya kyego arirora eribhaga ryani yarora na yajomerwa.'' ⁵⁷ Abhayahudi hakamubhurya; otara ikya obhibhurwa bhwa mirongo etanu, okubha uwe okamurora Ibrahimu. ⁵⁸ Yesu akabhabhurya," Mwigwe, Mwigwe, ndabhabhurya kuribhaga rinu Abrahamu yabhanga atarebhurwa, "ONI NDIO" ⁵⁹ Ng'o bhakabhoja amagina okubha bhamuteme, Nawe Yesu akebhisa na hakareka kibhara wa erisyengerero.