¹ Mbhe omuntu uumwi elina lyaye Lazaro yabhanga mulweli yalwala Bethania kujiji kya Mariamu na muhala wabho Martha. ² Yabhanga Mariamu ulya ulya unu yamuhaka omukulu Mariamu no okumweya amaguru gaye kwe egintu kya gyaye gilya muhili waye Lazalo yabhanga ng'o umulweli. ³ Ng'o muhala bhanubhatumwa amang'ana kuu Yesu no okugambha, omukulu, maha ulya ohanjili alalwali. ⁴ Yesu hanuyegwa akagambha, obhulweli bhunu bhutali bhwa kukwa, nawe, kubhunu bhwaye nkwa obhujomu bhwa Waryubha okubha mwana wa Waryubha anyole kubha bhwahene kuu bhulwelibhuyo.'' ⁵ Yesu yamuhanja Martha na muhala wabho na Lazalo. ⁶ Hamuyegwa kubha Lazaro ng'o omulweli, Yesu yekala nsiku ebhili bhukong'u ahasi hamuyabhanga. ⁷ Ng'o bhuno kulima akabhabhulya abholokibhwa bhaye tugende uyahudi kweki.'' ⁸ Abholokibhwa bhakamukelya, "Rabi, wayahudi bhabhanga bhambhili kumutema na amagina na bhakabha bhalenda kuhinda eyo kweki? ⁹ Yesu akabhakyukya, "bhono eginsa gyo umubhasu ni ekumi na ebhili? omuntu hanu alagenda mbhasu atakulula kwikujula, kwo kubha alalola kubha obhulabhu bhwo omubhasu. ¹⁰ Nego honse, olamyole alagenda obhutiku alekujule kwo okubha obhulabhu bhutalihu kukulola kwaye." ¹¹ Yesu akagambha amang'ana ganu no okubha na amang'ana ganu, akabhabhulya "bhasani bhetu Lazalo aleli, nawe Ndagenda no okubha nyole okumubhukya kulwa muntilo." ¹² Ng'o abholokibhwa bhakamukelya omukulu nyole aleli alemka. ¹³ Kunsa giyo Yesu yabhanga alahaila amang'ana go duku kwu Lazalo, nawe bheki bhamanyanga alahaila egulu yo okulala egintilo. ¹⁴ Ng'o Yesu akagambha nabho bhwahene hene, Lazalo akwihi. ¹⁵ Nina obhujomu kuu bhenyu. Okubha ntangandiyo elya no okubha nyole okumanya tugende owaye." ¹⁶ Bhono Tomaso, yabhilikilwanga ekisale akabhabhulya abhalagililibhwa bhalikyaye, "nabhetu tugende bhonse tukwe hamwi na Yesu." ¹⁷ Kunsagiyo Yesu hanuyaja, yanyole okubha Lazalo abheli amalilikubha mukabhuli nsiku emna. ¹⁸ Hayo Bethania yabhanga hang'i na Yerusalemu okubha kilometa milongo enna ne etanu hayo. ¹⁹ Abhalu kubheki Wayahudi bhakaja kuu Martha na Mariamu kubhakelenia kwo okubha omuhili wabho yakwa. ²⁰ Ng'o Martha yegwa kubha Yesu alaja, yagenda kusikana nabho nawe Mariamu yagendelelya kwikala kumwigi. ²¹ Ng'o Martha akamukelya Yesu, omukulu, nyole akabheli hanu mumula wetu atakakwili. ²² Nawe bhono mmanyili kubha lyonselyonse linuola sabhe kulwa kuu Waryubha, alakuhana." ²³ Yesu akamubhulya, mumulawenyu alikwa kweki." ²⁴ Martha Akamukelya, mmanyili kubha aliyuka kubhunu eginsiku gyo omwisyo." ²⁵ Yesu akamukelya, "Oni ng'o omwimukya owo ubhuholu. Weki unualankumia, okubha alikwa, nego honse alibha aliho, ²⁶ na wonse alibhaaliho na alanjomelelwa oni atalikwa. Omanyili linu?" ²⁷ Akamukelya, ngo omukulu ndakumya okubha uwe ngo Kristu, omwana wa Waryubha unu alaja kwi byalobhyonsego. ²⁸ Hanu yamala kugambha linu akagenda gyaye no kumubhilikila muhala wabho Mariamu abhene akagambha, omwolokya aliho hanu na alakubhilikila." ²⁹ Mariamu hanu yegwa mbhe, yemuka kwo bhwangu no okugya kuu Yesu. ³⁰ Weki Yesu yabhanga atalaja hayo munsi ye ekijiji naho yabhanga akyali ahasihayo hanuyasikana na Martha. ³¹ Ng'o Abhayahudi bhanubhabhanga na Mariamu hayo kumugi na bhalya bhalinga abhakelania, hanubhamumaha alemuka bhwangu no ukuhuluka kibhala bhamugyako bhamanyanga kubha alagya kukabhuli na yekale eyo. ³² Ng'o Mariamu yahika halya Yesu yabhangaalingi yamumaha na akagwa hansi ya amagulu gaye na okumukelya, umukulu, nyole okabheli hanu. Omuhili wani atakakwili.'' ³³ Yesu hanu yamumaha alakule na Wayahudi bhaja hamwi nawe bhabhanga bhalakula no okufumbha kuu omutima no okulugula, ³⁴ akagambha mwahikili haa ? bhakamukelya omukulu mujie omahe. ³⁵ Yesu akakula. ³⁶ Ng'o Wayahudi bhakagambha, Mahakego yamuhanja Lazaro!" ³⁷ Nawe abhandi gati yabho bhakagambha atali unu, umuntu unu yamogola ameso ga ulya yabhanga muhoku, atatula kumumanya unu muntu atakwa?'' ³⁸ Ng'o Yesu akabha alafumbha mumoyo gwaye kweki, yagenda kumbihila nawe lyabhanga Esana na eligina lyatulwa egulu waye. ³⁹ Yesu akagambha, mulilusyeho eligina," Martha, muhala wabho na Lazalo, weki umuyakwa akamuke lya Yesu. Omukulu kwu nsagiyo omubhili gulabha gugundihi kwo okubha yamala kukwa kuu nsiku nne. ⁴⁰ Yesu akamukelya, oni ntakubhuhya yo kubha, nyole otakukumya, otakulola, obuhene bhwa Waryubha?'' ⁴¹ Bhono mbhe bhakalilusyako eligina. Yesu akemala ameso gaye egulu no okugamba, "Tata ndakukumya kwo kubha olanyigwa. ⁴² Nammanya kubha olanyigwa mara kalu, naho nkwokubha nkwobhukumanwo bhunu nemililila bhwanyinala. Okubha nagambha ganu nawe okubha bhanyole okukumya kubha weki namutuma." ⁴³ Okubha ya gambha ganu yakula kwo obhukong'u bhunene. "Lazalo huluka kibhala. ⁴⁴ Omuku akahuluka kibhala abhohelwe amabhoko na amagulu no amwenda gwo okubhikila, no obhusu bhwaye bhubhohelwe ne ekitambhala. Yesu akabhakelya mumubhohe mumutige agende." ⁴⁵ Ngo Wayahudi abharu bhanubhaja kuu Mariamu no okulola Yesu ganu yakola, bhamukumya, ⁴⁶ Nawe abhandi bhabho bhagenda abhakulu bhabho no okubhakelya amangana ganu yakola Yesu. ⁴⁷ Ngo abhakulu bhabho abhegulu na abhahinsi bhakekumania hamwi kugya kumasikanilo no okugambha tukole egaki? omuntu unu alakola obhwolokya bhwalu. ⁴⁸ Bhono hanu tulamtige ego omwene bhonse mbhalamukunye, Warumi mbhalaje no okugega bhyonse ahasi hetu na ebhyalo bhyetu.'' ⁴⁹ Nawe ego omuntu oumwi kuu bheki. Kugeta, ganuyakolanga omukulu mokanu gunu, akabhabhulya, mtamanyili kyonse kyonse bhono. ⁵⁰ Mtakwitegelela kubha yakwa kuu bhenyu kubha omuntu oumwi alatula okukwa kwu bhukongu ya abhantu nego kubhyalo bhyonse kubhita.'' ⁵¹ Ganu atagagambha okubha omwene weki omwene. Kuumwi waye, kwo okubha yabhanga omukulu kubheki mwaka gulya, yalota kubha Yesu alikwa kwu bheki ye ebhyalo, ⁵² na etali kwe ebhyalo ebhyene, nawe Yesu anyole hayo hayo kubhakumania abhana bha Waryubha bhanu bhanyalagana mbhalika njalu njalu. ⁵³ Kwa gayo kwambhila nsiku giyo no ukugendelelya bhakatulaho kego kumulusya Yesu. ⁵⁴ Yesu atagenda kweki harabhu halabhu gati ya Wayahudi. Yalwaho hayo no okugya ekyalo kyaga hangi, kitanabhantu kuu omugi gulabhilikilwa Efraimu hayo yekala na abholokibhwa. ⁵⁵ Nawe pasaka ya Wayahudi yabhanga hangi na abhalu bhatila kugya Yerusalemu kibhala yo omugi etalahika epasaka ng'o bhanyole okwiyogya abhene. ⁵⁶ Bhabhanga bhakamutuna Yesu, no okuhaila kila oumwi hanubhabhanga bhemilili ahokogibhwa, bhakebhulya kwaki? okubha atalija kusikukulu?" ⁵⁷ Kubhuyo bhono abhakulu bha abhakulu na abhakebhabho bhanga bhalusilye amuri kubha hanuolinyola oumwi alimanya Yesu alingi, yemanye kulusya amangana no okubha bhanyole okumugwata.