¹ Abhana mbhasuke abhebhuri bheyu gati yumkuru, kokubha mbhunumbuhene. ² Msuke esewenyu na ng'ina wenyu. ³ Linu ribhe rijomu kubhenyu mture okumenya ginsiku eguru yekyaro. ⁴ Na bhenyu bhatata mtabhatindira abhana na okobhakorera enkoro, enyuma yaye mbharere gati amakariyo na amaragiriryo go mkuru. ⁵ Bhenyu abhagaya mbhe abhasiku kubhakuru bhunyu bha mkyaro kwegintungwa enene nukurigita ko bhobha bhurarwa mumitima gyenyu mbhe asuku kubheki kyego mwa msuka Kristo. ⁶ Ubhusuku bhwenyu bhutige okubha harya abhakuru bhunyu anu bhabamahirira ⁷ kokubhajomerya, okwimiririra kwaye ibhe yobhusuku kyego abhagaya bha Kristu mkore amega ga Waryubha okurwa mumitima gyenyu, mkorere kwe mitima gyenyu gonsego kokubha mra mkorera omkuru na bhatari abhantu. ⁸ Mratunibhwa kumanya kukubha gati kira ng'ana enjomu omuntu rinua kora rijomu, araturung'ane omtuo okurwa okurwa kumkuru erabhe omgaya amwi omuntu yahatirwa. ⁹ Nabhenyu abhakuru mkore ego ego kokubha abhaga bhunyu mtabhobhoya mumanye kokubha unu aringi omukuru wa bhonsego n'gurwa aringi kururwire. Mumanye ekisororo msi waye. ¹⁰ Kwego ibhe na eginguru gati kumkuru na gati ubhuturo bye ginguru gyaye. ¹¹ Mwibhoe ebhirwaniro bhyonsego bhya Waryubha iri kokubha mnyore kyimirira kwihindirya na obhubhi bhwa eerisambwa. ¹² Kukubha obhurwani bhwetu bhutanga bhwa manying'a na enyama kukira obhotawara bhomkuru enkoko ya abhakuru bhekyaro kubhusarya na ekisunte kukira yerisambwa rya hasi akuryire. ¹³ Kyego mwebhoha ebhirwa niro bhyonsego ebhya Waryubha anu mranyore kwimirira bhwima kukira ubhosarya gati eribhaga kinu ekisarya enyuma yokumara mrimiriria obhwima. ¹⁴ Kweego mwimirire bhwahene mwibhohe hene mubhukende na okwibhoha obhuhene mukikubha kwaorusumo rwa okurirarika ering’ana rya waryubha mubhe bhwahene. ¹⁵ Mkore ego mbhe mwibhohere obhwangu mmaguru genyu kokurarika eng'ana omrembe. ¹⁶ Gati kira hali mregege engubha yobhuhene inu rikutura kusimya emisimu gyomsarya. ¹⁷ Mwibhoe eng'ofira yobhuhoru nipanga ryenkoro kinu ning'ana rya Waryubha. ¹⁸ Hamwi na masabho na kusabha msabhe kwenkoro yeribhaga ryobhumahi mbhe abhangariri nobhwikong'ererya bhonsego na amasabho ku bhanu bhakumya bhonsego. ¹⁹ Msabhe orusumo rwani bhono ng'anwe eng'ana anu eng'ana omunwa gwani msabhe kokubha mbaragirirye kobhuhari bhobhuhene bhunu bhwe bhisa etunirye eng'ana. ²⁰ Kokukora eng'ana oni mkama unu nabho wane eminyororo kokubha munsi mwenyu ngambe kobhuhari kego ndatura okugamba. ²¹ Nawe bhenyu kweki mmanye amang'ana agani na kyego ndagendererya, Tikiko mhiri wani mmegana na omkori mhene gati yomkuru aribhahitukya gonsego. ²² Mutumiri kubhenyu kobhuseri kokubha mmanye amang'ana okutun'ya bhetu ature. ²³ Omurembe gubhu kubhahiri na obhuhanje bhobhumwi bhorusumo okurwa ku Waryubha tata na omwana Yesu Kristo. ²⁴ Enonkwe ebhe hamwi na bhonsego bhamhanjiri omukuru Yesu Kristu bhurya bhutakukwa.