¹ Kwaokubha mubhe abhantu bha okumutuna Waryubha kama abhana bhaye abhahanjwa. ² Mugende kubhuhanje, ego ego ku Kristu hunu yatuhanja bheetu , yerusya omwene kwa orusumo rweetu weeki yobha esadaka na ekimwenso, na obhurangasira obhujomu bhwa okumujomererya Waryubha. ³ Obhurweri na obhukotu, bhobhonse na ennamba embibhi niega bhitagambwa kubheenyu, kwego erenderwa kubhanu bharakumya. ⁴ Okubha amabhibhi gatagambwa, amahairo ga obhukang'i, amakaro ga okusukya, ganu gatari bhwahene, badara yaye gubheho omukumo. ⁵ Muratura okubha una obhuhene bhwega bhuriho obhukrweri, obhukotu, okubha okuhanja, huyu mumusyengeri wa amasanaamu, atana obhugabhirya bhobhonse kubhukama bhwa Kristu na Waryubha. ⁶ Omuntu wowonse atakung'era kwamang'ana ganu gatanakintu, kwaamang'ana ganu obhubhihirwa bhwa Waryubha eraja eguru ya kubhana bhanu bhatakumwigwa. ⁷ Kwego otagwatana hamwi nabho. ⁸ Kwaokubha bheenyu kubhwambiro mwaringa ekisunte, kwego bhoono mwabha obharabhu kumkuru. Bhoono mugende mnkya abhana abharabhu. ⁹ Kwaokubha amasumo gaobhurabhu garagwatanya obhujomu bhonse bhwa obhuhene. ¹⁰ Tuna kinu kirakomerya kumukuru. ¹¹ Otabhahana obhugwatano kumirimu gya ekisunte ginu gitarimumasumo, enyuma waye mugituure kibhara. ¹² Kwaokubha amang'ana ganu garakora na bhanu bhatabhisiri obhusuuku bhukong'u na okugagamba. ¹³ Amang'ana gonse garasikurwa na obhurabhu, bhurabha kibhara, ¹⁴ kwaokubha kira ekintu kinu kyorokibhwa kirabha mubhurabhu. Kwego aragamba ega, "Imuka uuwe hunu oreeri, wimuke okurwa mubhaku na Kristu arang'ara eguru waho." ¹⁵ Kwego mubhe bhwangu kyego muragenda, etari kyego abhantu bhanu bhatari obhamanyi. ¹⁶ Mwanguhye eginkaaga kwaokubha eginsiku mngya obhusarya. ¹⁷ Mutabha abhakaangi, enyuma waye, mumanye amega ga omukuru. ¹⁸ Mutarewa kwa amarwa, enyuma waaye garorokererya okugya kubhusarya, enyuma waaye mwijuribhwe na omutima omurabhu. ¹⁹ Muhaire nakira oumwi weenyu kwa Zaburi na omukumo, na amembo gamumutima mwiimbe na mukumye kwa omutima gwa omukuru. ²⁰ Nawe murusye omukumo kumang'ana goonse kurina rya Kristu Yesu ku mukuru ku Waryubha taata. ²¹ Mwiruusye abheni kukira oumwi kwa oundi kwa entungwa ya Kristu. ²² Abhakari mwirusye kubhasaaja bheenyu, kyeko kumukuru. ²³ Kwaokubha omusaja ni omutwe gwa omukari, nkyego Kristu mumutwe gwa erisyengerero ni omuturya wa omubhiri. ²⁴ Nawe nkyego erisyengerero riringi insi wa Kristu, ego ego abhakari niiga bhakore ego kubhasaja bhaabho kukira eng'ana. ²⁵ Abhasaja, muhanja abhakari bheenyu kyeego. Kristu yarihanja erisyengerero na akerusya omwene kubheetu. ²⁶ Yakora ego ribhe erirabhu yogya kwa amanji kung'ana. ²⁷ Yakora ega bhature okwihira omwene mwisyengereryo erikuru, rinu ritana obhukongu wara amawa au ekintu kinu kirahunkana ganu, enyuma waaye ni rihoru rinu ritana obhusarya. ²⁸ Kwa enjira irya irya abhasaja bharenderwa okubhahanja abhakari bhaabho kya emibhiri gyaabho. Hunu amuhanjiri omukari waaye yehanjiri omwene. ²⁹ Hatariho hata oumwi hunu arabhihirirwa omubhiri gwaye enyuma waaye aragukora na okuguhanja, kye ego Kristu kweeki yarihanja erisyengereryo. ³⁰ Kwaokubha bheetu na bhagwatani bha omubhiri gwaaye. ³¹ "Kwaokubha ego omusaja arimutiga esewabho na ng'ina waabho aragwatana na mukaaye, na abhabhiri bhayo bharabha omubhiri ogumwi." ³² Bhunu bhwaringa bhwibhisiri okubha ndagambha Kristu na erisyengerero. ³³ Kwego kira oumwi weenyu niga omuhanje omukari waaye nkyego omwene, na omukari niga amuhanje omusaja.