¹ Khegho mburya mwanga mukwiri haaghati yho mbusarya mbwenyu. ² Yhangha, haghati anhu okumbha hembere mwagendererya, khuringa ana, nherimbaga rinu mwaringha mhuragendererya kho kuseta hombutemi mbhoryire. ³ Mbhetu mbosego khegho khumbwambiro twaringa haghati mwambharya mbatakukumya twanga turakhorha amenga ghomubhiri kho mbumanyi bwetu khumbughambi bwetu, hambana mbhambururu khego ombandi. ⁴ Nawe Waryubha mwarhu ho kyambira kho mbwambirha mbwaye hombukurhu yatuanja mbetu. ⁵ Homweya ghunu twaringa hambaku haghati yho mbhusarya mbwetu, hakatureta hamwi hagati yhagesiku heginywa mhusi ya Kristu, mwaturibwa. ⁶ Waryubha, yatuyurha amwi, nho khutukorha kumba hamwi haghati kurhure rya Kristu Yesu. ⁷ Yakhorhe go hokumbha agati yherimbaga rhinu rhiraja ature hokutoronkya ombunimbhi hombukuru mbhi rhiruguto yhae. Yhatorokya mbhetu rinu kwhenjirha, mbhuanje mbwaye munsi yha Kristu Yesu. ⁸ Kwhe riruguto mwaturimbwa kwhenjira yhi imani, narimu ritarya kumbetu, nitwungwa yha Waryubha. ⁹ Hetakurya nha makorwa ghaye hatambaho houmwi yhambo okwikumya. ¹⁰ Ho kumba mbetu turimirimu gha Waryubha, twambhumbha haghati yha Kristu Yesu hokukora amakorwa amaene. Makorwa ghanu Waryubha, ya gakora kwambyira khare nha khare kumbetu, hokumba tugende aghati yha ghanu. ¹¹ Kho kumba muituke gha hakare hayo mwaringa hambatu bha mbyaro agati yho mhumbiri. Mrambirikirya "Ambarisha" kwha kirya kirambirikirya esaro yho mumbyiri hinu hera korwa nho kumboko kho mhutu. ¹² Kho rimbwaga rinu mwaringa mwawirwe nha Kristu mwanga hambageni kho mbatu mbha Israel mwanga mbageni kwi ragano, mutanga nho mbueni erimbaga riraja, mtaringa nha Waryubha agati yhe kyaro. ¹³ Ho kumba mbhono hagati yha Kristu Yesu menyu mbanu. Kumbwambirho mwagha mutana Waryubha agati yhe kyaro. ¹⁴ Ho kumbha whekhi ngho hobhuenhe mbwetu yakhora ambabhiri hokumba hekhimwi. Khu mumbiri gwhaye yasarya horugito rho mbwangani mbunu mbwharingha mhutwa uken'ywe nhu mbusarya. ¹⁵ Hokumbha yhaturaho amaragiriryo ghe riragiriryo hokumbha ambumbe homutu umwi omhuya musii yhaye, akakora hombuene. ¹⁶ Yha korha ego hokumba okumbhagwa tana amakemba hagambiri gha mbatu kumba mubhiri ghumbwi kwhu Waryubha kuitira khumusarambha. Kwhe njirha yho musarabha yambumbisha hombumbimbi. ¹⁷ Yesu yhaja nho kurharikha ombuhene khumbetu mbenyu mbhanu mwaringa hare, nho mbuene kumbekhi mbharya mbharinga hanghi. ¹⁸ Ho kumba kwhe njirha yha Yesu mbhetu mbosego mbambirhi tunago homu eya gho mutima hogumwi okhusoha khutata. ¹⁹ Hego, mbhenyu ambhatu bhe mbya rho, mutarhi mbagendi nhambageni kwheki. Mbhe khari agati ya mbarya mbha orwa hokumba yha Waryubha nha mbachama aghati yha Waryubha. ²⁰ Mwahagajwa eguru yho mburambiro mbwa hambagaya nha mbharoti Kristu Yesu homwene yharigha herigina he rikuru rye mbarika. ²¹ Hagati yhe riaganjwa kyosengo rya gwatanimbwa amwi nho kukina kye rishengere mhusi yho mukuru. ²² Mhusi yaye mbhenyu murhaaga jwa amwi nkhetengho yho kumenya khu Waryubha agati yho mutima.