¹ Anutwaikibwa bhaene, tukamanya kubha kigin'ga kirabhirikira Malta. ² Abhantu abhamenyi bhaarya bhatar kubha tubhatugeniya kwabhaene okubha bhakawasha omuriro nokutu geniya bhonsego, kokubha yabhura nebheo inu yagendereryanga. ³ Okubha Paulo anuyaringa akumenye omuseri ghegikyu na kutura mumuriro, enjoka ekego inuine sumu ekareka mukkusyi kokubha yeribhirira, na ekeringisirirya kukubhoko kyaje. ⁴ Abhantu abhamenyi bhaarya anu bharora entenyi eretundya kurwa kukubhoko kwaye, bhakajamirana abhene kubhene, "Omuntu unu mwiti unu yarosa enyanja, rakini utakyendera kumenya.'' ⁵ Okubha weki arimwesa entyenyi agati yomuriro na atanyora obhusara bhose bhose. ⁶ Bheki bhaganyirira abhibhe kyeoma au okugwa ghafura no kukwa no kumumae kyemweya omutabhi nokurora okubha etario eng'ana inu gyaetari yaene kuweki, bhaswen'ya amawajo ghabho na kugabha yari Waryubha. ⁷ Nawe ahasi arya ang'i yaringao esehemu inuyaringa emari ya mukuru wa kigobho, umuntu unu yabhirikirwa Pabrio, akatugenia na kutujomererya kwa gisiku egisatu. ⁸ Ekabha ega tata wabho Pabrio yagwatwa na oma na bhuryeri bho kusaa na Paulo anu yamugendera yamusabhira, akatura okubhoko eguru yae na kumuwen'ya. ⁹ Kubha rinu okurwa, abhantu bharu abhandi arya kukigobho bhanu bharinga abharweri bhakagenda na kuwena. ¹⁰ Abhantu bhatukumya kwetungo ejaru anutwaringa turesemya, okughabhatuana bhinu twaringha turenda. ¹¹ Okubha yamieri esatu, twagya musi ya meri ya Iskanda inu yarin'ga etemerwe nabeo hayo kunginga ana abhakuru bhaye bharinga bhairi bhabhiri ebhisare. ¹² Okubha yakubha twaika agati yo muji gwa Sirakusa, twekara arya ginsiku esatu. ¹³ Kurwira arya twagya tukaika agati womugi wa Regio. kubhaya rusiku rumwi omuyaga gwa kukubhoko kwo kumosi gukaja ghafla, na kusha yagisiku ebhiri tukaika agati ya mugi gwa Putori. ¹⁴ Eyo twabhanyora abhake bhabhairi mbetu na twaserenibwa kyikara nabho kwe gisiku muungati. Kwenjira inu tukagya Rumi. ¹⁵ Kurwa erya bharya abhairi bhetu, okubha bhegwa amang'ana bhajakututura iyo kumudira gwa Apias na Hotel esatu. Paulo anuyabharora abhairi bharya yakumya Waryubha akaeni obhuari. ¹⁶ Anu twasoa Roma, Paulo akabhuribha kumenya omwene agati na urya omusirikari unu yaringa aramurinda. ¹⁷ Nawe ekabha okubha ya gisiku esatu Paulo yabhabhirikira amwi abhasaja bhanu bharinga abhakangati agati ya bhayahudi anubhaja amwi, yagabha owabho abhairi, amwi nokubha tyanasarya ebhibhi ryonse ryonse kubhantu bhanu na kukora kiutete na gitaratibu gha bhatata bhetu bhanu bhatukangatira narusibwa kyo mubhoa kurya Yerusalemu nokugya mumabhoko ga warumi. ¹⁸ Kokubha anu yabhurya, bhakenda kung'atira kheagara nawe etaghao eng'ana kuoni arenderya obhujibhibha bhoruko. ¹⁹ Nawe abhayahudi anubhaaira kiutete kyabho, nasingiribha kubhutura orufaa kukaisari kyego etaringa okubha nareta amasitakyo kukyaro kyani. ²⁰ Kokubha ya kubhutura kwani okugenderisho, ego, nasabha kurora na kuaira nabho nokubha ya kirya kinu Israeli yanobhona gya nabhoa nabhubhoe bhunu. ²¹ Nawe akabhabhurya, "Tutakanyoreri enyarubha kurya Yudea kuitira ku uwe, atario muiri unuyaja nokurusha etarifa no kugamba eng'ana yose yose ebhibhi kuitira uwe. ²² Nawe turenda kuigwa kurwa kuowe oretegereraki? Kuitira obhumwi bha abhantu bhaga. Okubha yamanyikana kubhetu kubha eragabha kiutete kira asi." ²³ Anu bharinga bhawiri orusiku kuitiri kuweki, abhantu abharu bhokong'u bhamugendera aasi anu yaringa amenyeri yagabha eng'ana owabho na kutengekya obhukama bha Waryubha yasagya kubhangenererya kuitira Yesu, kho bhong'eni bhonsego bhubhiri kurwa agati ya Musa na kurwa kubharoti, nakwabhira nyekyo adi mugorobha. ²⁴ Agati yabho bhang'eneribha kuitira amang'ana garya gagabha, omwea ogundi bhatakumya. ²⁵ Anu bhatama okwigwiran'ya abhene kwa abhene bhemuka okubha Paulo kuringa bha ering'ana rinu erimwi, "Omutima omurabhu yagabha obhuhene kuitira omuroti Isaya kubhatata bhetu. ²⁶ Yagabha, genda kubhantu bhanu ogabhe, "Kwa matwi genyu murigwa, nawe mutarimanya, Na kwa meso murirora nawe mutarimanya. ²⁷ Kwo rusumi ryemitima gha bhantu bhanu yabha eminemunemu, amatwi gabho ghegwa kwetabhu, bhaindirirye ameso ghabho. Okubha bhatakumanya kwa meso gabho na kusigwa kwa matwi gabho na kumanya kubhun'geni bhabho na kwikyukya kyeki na kabhawenerye.'' ²⁸ Kwego murendwa okumanya okubha obhuturibha bha Waryubha bhairya kubhantu bhebhyaro, na bharigwa "Kunan'ya emichafya ginu." ²⁹ Omweya gunu yaringa agabhiri amang'ana ganu, abhayahudi bhakangya bharingi namaakanano amakuru agati yabho, "Otarimo kumandiko amaene ga kare.) ³⁰ Paulo yekara agati yenyubha yaye ya kujabha kwe miaka ghonsego ebhiri, na kubhasemya bhonsego bhanubhaja kuweki. ³¹ Yaringa arararika obhokama bha Waryubha na yaringa areigirya amaghana eguru ya mukuru Yesu Kristu kwobhuhari bhonsego atario unuyamukan'ya.