¹ Nikasikia sauti iketanga kukuwa kwe sehemu ya hatakatifu na ikamba kwa wada malaika saba, ''hita na uketie uwanga ya dunia mabakui saba ya maya ya mungu.'' ² Malaika ywa bosi akaita na kwdia bakui dakwe mwe dunia vionda vibaya na vyenavyo maumivu makai ne yezakwa wantu wena utangio wa myam kwa wada ambao nee wakaabudu kimyy chakwe. ³ Malaika ywa kaidi ketia bakui dakwe mwe bahai ikawa kana npome ya muntu mwekufa na kia kiumbe higima mwe bahai kikafa. ⁴ Malaika ywa ntatu akwtia bakui dakwe, ''mwe mito na mwe ngodi za mazi, zikewa npome. ⁵ Nikasikia malaika ywa mazi akamba, ''wewe u mwaminifu yumwe mweaha na mwekuwaaha n mtakatifu - kwa ajii kuzieta muaho unu. ⁶ Kwakuwa wetia npome za waamini na manabii kuwenka wowo kunywa npome nee kwataacho. ⁷ Nikasikia mazabau ikatambaisa, ''ehe! bwana mungu mwe kutawala uanga ya vyose, muaho wako ni kwei na haki.'' ⁸ Malaika ywa nne akeita kuawa kwe bakui dakwe uwanga ya zua na dikenkwa uhusa kuoka wantu kwa mto. ⁹ wokwa kwa joto ditisado na wadikufuu eno la mungu mwenye nguvu uwanga ya mapigo yose, nkawe kusosoa, wala kumwenka yeye utukufu. ¹⁰ Malaika ywa shano aketia kuawa kwe bakuu dakwe mwekiti cha enzi zha mnyama na kazi nee chaugubika ufaume wakwe wauma ngada kwa maimevu makai. ¹¹ Wakamtukaana mungu ywa mbinguni kwaajii ya maimevu yao na mavionda vyao na bad wakasongwa ni kwesekusosoa kia wkugosoacho. ¹² Malaika ywa sita aketia bakui kuawa kwe bakui dakwe mwe mto mkuu, frati na mazi yakwe yakanyaa ili kudaha kuandaa sia kwa wafaume ndiwo weza kuawa mashaliki. ¹³ Nikaona loho ntantu nchama zekuonekazo kana majuwa yaawayo chongoi ya muom wa dia zoka, yuda myamo na yuda nabiii ywa umbea. ¹⁴ No loho za npepo zigosoazo ishala na mijuza neewakaita kwa wafaume wa dunia yose ili kudaha kuwakeba hamwe kwa nkondo mwe siku nkuu ya mungu mwenye kutawal uwanga ya vyose. ¹⁵ ( ''Kauwa! neza kana mbavi ebae yuda mdumu mwe kucheeza, mtunduia nguo yakwe ili asekudaha kuita chongoi mwazi na kuio na soni yakwe ) ¹⁶ Wawaetu hamwe mwe sehemu yekwetangwayo mwe kieblania amagedoni. ¹⁷ Malaika ywa saba ketia kuawa mwe bakui dakwe mwe anga ikabinda sauti nkuu isiika kuawa hatakatifu kwe kiti cha enzi, ikamba ''isia'' ¹⁸ Nee kuna miyale ya anga da umbaua, tuntumo sindo vya umbaua na kisingisa cha kutisa. singiso kuu da alizi ambado nkazati kuawiia duniani tangia wanadamu wawe duniani ivyo ni kisingiza kikuu kwembosa. ¹⁹ Mzi mkuu wepanga mwe sehemu ntatu na mizi ya mataifa ikagwa ikabinda mungu akamkumbusa babeli mkuu na akawenka mzi uo kikomb chekuwacho kimema divai kuawa we maya yakwe ambayo ni nkai. ²⁰ Kia kisiwa kikaga na miima nkayekuoneka vituhu. ²¹ Fua nkuu ya maiwe yenayo uzito watalanta ikaseea kuawa mbinguni uwanga ya wantu na wakamuigitia mungu kwa mapigo ya fua kwaajii dia pigo nee ni baya sana.