¹ Mbui za Nehemia mwana wa Hakalia zikawa, mwe mwezi wa Kisleu, mwe mwaka wa ishiini, ne ni mqemzi wa Sushani. ² Yumwe ndugu zangu, Hanani ke za hamwe na wantu watuhu kulawa yuda nami nkawauza kuhusu Wayahudi wekuhonao. Wayahudi wekusigaao wekuao uko, na kuhusu Yerusalemu. ³ Wakanamba, "wada wekuao mwe mkoa uda wekuokokao mwe kifungo wamwe shinda nkhuu na soni kwa ajii ya ukanto wa Yerusalem ygwiswa na nguvi zakwe moto." ⁴ Na maa tu nekusikiaho mbui izi ne kekaa na kuia na kwa siku nkasongwa kusininika na kufunga na kuombeza mbele ya Zumbe Muungu ywa mbinguni. ⁵ Ne nekusemahayo, we ne Zumbe Bwana Muungu ywa mbingu, ulie mkuu kwembosa, mtimiza agano na ukundiso wa kae na kae hamwe na wada wakundao na kutoza amri zakwe. ⁶ Tegeeza maombi yangu na gubua meso yako, ili utegeeze sala za mndima yakweo kwamba sasa navika mbele yako musi na kio kwa ajii ya wantu wa Isirael wandima wako. Mini na zumia zambi za wantu wa Israel ambazo tigosoa zidi yako. Wose mimi na nyumba ya tati yangu tigosoa zambi. ⁷ Tigosoa ubanasi sana uwanga yako. nkhatekuzitoza amri, Sheria, na aha ambazo kumwagiia mndima ywako Musa. ⁸ Gegeeza wesekujaa mbui wekumuagiao mundima ywako Musa, mkwagosoa Gila uaminifu nnda n wagosoe gati gati mwe mataifa. ⁹ Akini mkauya kwangu na kutongeo amri zangu nakuzigosoa, hetiho wantu wako wagemea sii ya mbingu za hae Nami nonda niwakube kulawa uko na kuwaeta hantu hada nekuhasagu aho ili kugosoa zina dangu.' ¹⁰ Sasa wao ni wandima wako na wantu wako, ambao kuwahonya kwa nguvu zako nkhu na kwa mkono wako wenao nguvu. ¹¹ Bwana, naombeza, tegeeza sasa maombi ya wandima wako na sala ya wandima wako ambao watamiwa nkutunywa na zina dako. Sasa unifanikishe nini mndima ywako ivyeo, na unijaie tehema mbele ya mntu uyu." Ne nkkiwa mnyweshaji ywa mfaume.