¹ Mapema sana mfi wa bosi wa juma, weza kwe kabaui, wakaite manukato ambayo ne wayaandaa. ² Wakabuiya iwe ditongoswa hae na kasani. ³ Wakengea ndani, akini nkaokubwiia mwii wa Bwana Yesu. ⁴ Iawiia kuwa, ukati wahanganyikiwa kuhusu idi, hamka, wantu waidi newagooka gatigati yao wehamba. ⁵ Wavyee wakawa wamema nenyee, nakwenani, za vyeni vyao sii, wakawamba wavyee, ''Kwa mwamuondeza mwemeso miongoni mwa watakufa? ⁶ Nkayuho aha, ila kufufuka kumbukani ekutamwiiavyo wanyuvi ekuaho ake Galilaya, ⁷ akagombeka kuwa Mwana ya Adamu lazima aavyingwe kwe mikono ya wantu wenye zambi na asuusishwe, na msi wa ntatu, afufuke vituhu.'' ⁸ Wala wavyee wakakumbuka mbui zakwe, ⁹ na wakauya kuawa kwekabui na wakawahinya mbui izi zose wada kumi na mwenga na watuhu wose. ¹⁰ Ivyo Malia Magidalena, Joana, Malia akue da Yakobo na wevyee watuhu hamwe nao wakaavya saan izi kwa mitume. ¹¹ Mia saam izi zionekana inga ufyosi kwa mitume, na nkewekuamini wada wavyee. ¹² Hata ivyo Petuo nee mka na akaguuka kuelekea kwa kabui na akafunguia na kukawa ndani, kaona du sanda. Petuo na ahauka akaita nyumbai kwakwe, akehewa mbwai ambacho kiawiia. ¹³ Na kaua waidi miongoni mwao newakaita msi uwouwo mwe mzi umwe wetangwao Emau, ambacho nekiwa maili sitini kuawa Yelusalemu. ¹⁴ Wakajadiiana wenye kwa wenye kuhusu mbui zose zekuaminizo. ¹⁵ Ikawiia kuwa ukati wekuaho wakajadiana na kuuzana maswali, Zumbe Yesu akeza hehi akawa hamwe nao. ¹⁶ Mia meso yao yakindiwa mwe kumwanya yeye. ¹⁷ Zumbe Yesu akawamba, ''Mmbwai ambacho nywinywi waidi mwakitamiia ukati mwenda?'' Wakagooka hada newaoneka wana ukiwa. ¹⁸ Yumwe yao zina dakwe Cleopa, akamtambaisa, ''Je we ni muntyu ikedi aha Yelusalemu ambaye nkamanya mbui zekuawiazo?'' ¹⁹ Zumbe Yesu akawamba, ''Mbui zihi?'' Wakamtambaisa, mbui kuhusu Zumbe Yesu Mnazaleti, ambae ne nabii, mdaha mwe ugosozi na mbui, mlole za Muungu wa wantu wose. ²⁰ Na kwa jinsi ambayo wakuu wa Makuhani na viongozi wetu wekumwavyaho kuahwa fiie na kumsuubisha. ²¹ Mia titumaini kuwa yeye nendie akunde kuuaika hulu Izilaeli. Ehe, hae n aya yose isasa ni msi wa ntutu taukia mbui izi ziawiie. ²² Mia pia wavyee wekumwe kuawa mwe bunga detu watitenda tehewa, ekubindaho kuwa hekabui kiokio. ²³ Wekaukosaho mwii wakwe, wakeza, wakagombeka kuwa wanao pia maono ya malaka wekwambao kuwa yu meso. ²⁴ Wagosi wekumwe ambao newahamwe nasi waita kwe kabui, nakubwiia nee niinga wavyee wekugombekavyo. Mia nkawokumwona yeye.'' ²⁵ Zumbe Yesu akawamba, ''Nywinywi wantu wabahau na wenye myoyo izamayo yakuamini yose ambayo manabii wagombeka! ²⁶ Je nkeyekuwa lazima Yesu kusuubika kwa mbui iizi, na kwengia mwe utukufu wakwe?'' ²⁷ Akasinda kuvokea kuawa kwa Msa na manabii wose Zumbe Yesu katafasii mbai zimhusuzo yeye mwe magondi yose. ²⁸ Wekuaho hehi na uda mzi, ukowekuako wakaita, Zumbe Yesu akagosoa iinga asongwa nkuita mbele. ²⁹ Akini wamkungumiza, wakagombeka, ''Ekaa hamwe na sisi, maana yaitia guoni na msi ni kama usia.'' Ivyo Zumbe Yesu akengia kwenda kwekaa nao. ³⁰ Iawiia kuwa, ukati kukaa nao wakada, kadoa mkate, akaubaliki na kumbonda wakawenka. ³¹ Akabinda meso yao yakagubulwa, wakammanya, na hamwe akaga mbele ya meso yao. ³² Wakaanduana wenye kwa wenye, ''Ivi myoyo yetu nkeyokwaka ndani yetu, ukati ekutamwiiaho nasi siai, ukati ekutifusuiaho magondi?'' ³³ Wakenuka mnda uwouwo, na kuya Yelusalemu. Wakawabwiia wada kumi na mwenga wekonga hamwe na wada wekuwao hamwe nao, ³⁴ Wakagombeka, ''Bwana kafufuka kweikwei, nakamuamwiia Simoni.'' ³⁵ Ivyo wakamwambia nsei zekuawiiazo siai, na namna Zumbe Yesu ekuzililishwavyo kwao mwe kuumega mkate. ³⁶ Ukati wakatamwiia mbui izo Zumbe Yesu mwenye ne kagooka gatigati yao na akawamba, ''Npeho iwe kwenu.'' ³⁷ Mia waogoha na kumemua ni uengee, na wakafya kuwa ne waona loho. ³⁸ Zumbe Yesu akawamba, kwambwai mwasininika? ³⁹ Kwa mbwai maswali yenuka mwe myoyo yenu? Kauni mikono yangu na miundi yangu, kwamba nmimi mwenye. Nidontani na mkane. Kwa ajii loho nkaina nyama na mavuha, inga mnionavyo mimi nenavyo.'' ⁴⁰ Ekusindaho kwamba ivi, akaonyesa mikono yakwe na miundi yakwe. ⁴¹ Wekuaho wake na kinyemi chekuhanganikacho na kwasekuamini, na kustaajabu, Zumbe Yesu akamwamba, ''Je mna kintu chochose cha kuda?'' ⁴² Wakamwenka ntii ya samaki yekuokwayo. ⁴³ Zumbe Yesu akati doa, na kukida mbele yao. ⁴⁴ Akawamba, ''Nekuaho na nywinywi, nkimyambia kuwa yose yekugondwayo kwe shaia ya Msa na Manabii ba Zaburi lazima yatimie.'' ⁴⁵ Akabinda akagusua akii zao, kwamba wadahe kuyaelewa magondi. ⁴⁶ Akawamba, ''Kuwa igondwa, Kwistu nlazima mgaye, na kufufuka vituhu kuawa mwe watakatifu msi wa ntatu. ⁴⁷ Na toba na msamaha wa zambi lazima ubikiwe kwa zina dakwe kwa mataifa yose, kuvokea kuawiia Yelusalemu. ⁴⁸ Nyinywi ni mashahdi wa mbai izi. ⁴⁹ Kaua, namyegaia kianga cha tate uanga yenu. ⁵⁰ Akaawa cho Zumbe Yesu akawegaa chongoi mpaka wekubuaho hei na Besania. Akanua mikono yakwe uanga, na akawabaliki. ⁵¹ Ikaawiia kuwa, ukati ekuaho akawabaliki, wasadwa na akenulwa uanga kwelekea mbinguni. ⁵² Basi wakavika, na kuya Yelusalemu na kinyemi kikuu. ⁵³ Wasongwa nkuaho mwe hekalu wakambaliki Muungu.