¹ Basi sikukuu ya Mkate Wesaokugewa ngwandu nee ihehi, ambayo yetangwa Pasaka. ² Makuhani wakuu na wagonda wakajadiliana namna ya kumkoma Yesu, kwa sibabu wawaogoha wantu. ³ Shetani akengia mwa Yuda Iskariote, yumwe na yumwe ya wada wanafunzi kumi na waidi. ⁴ Yuda akaita kujadiliana na wakuu wa makuhani na wakuu namna ambavyo ondaamkabidhi Kwistu kwao. ⁵ Wakata miwa sana, na wakakubaliana kumwenkha heeya. ⁶ Yeye akakubali, na akakudeza namna ya kumkabidhi Kwistu kwao mbali na umati mkuu wa wantu. ⁷ Sikunkhuu ya mikate yesiyo kugewa chachu ikabue, ambayo ongoto wa pasaka lazima alavigwe. ⁸ Kwistu akamtuma Petuo na Yohana, akawalinya, ''Hitani mkatiandaiye nkhande ya pasaka teze tiidee.'' ⁹ Wakamuuze, ''Kuhi ukundako tigosoe ayo maandaizi?'' ¹⁰ Akawatambaisa, 'Tegeezani, mwendaho mwengie mwe mzi mgosi ambae kenua biga da mazi enda edugane na nywinywi. Mtongeeni mwe nyumba ndio engie. ¹¹ Ikabinda mwambieni bwana ywa nyumba, ''Mwaimu akwamba, ''Kikuhi chumba cha wageni hantu ambaho nenda nide pasaka na wahina wangu?'' ¹² Enda amionyese chumba chakwe golofa ambacho kitiyali. Gosoani maandaizi umo.'' ¹³ Ivyo wakaita na wakabwiia kia kintu kana ekuwambiavyo. Ikabinda wakaanda nkande ya Pasaka. ¹⁴ Mda wekubuaho akekaa wada mitume. ¹⁵ Akaawa aho akawaamba, ''Ninahamu nkuu ya kuda sikunkuu inu ya pasaka na nywinywi kabla ya kusuubishwa kwangu. ¹⁶ Kwa mana namyamba, nkinanide vituhu kiamuo yendaho itimuzwe mwe ufaume wa Muungu.'' ¹⁷ Akawaaho Yesu ekadoa kikombe na ekubindaho kutogoa akamba, ''Doa ichi na mpangane nywinywi kwa nywinywi. ¹⁸ Kwakuwa namyamva nkinaninywe vituhu mzao wa mzabibu, kiamuo ufaume wa Muungu ndiho weze.'' ¹⁹ Akaawa aho akandoa mkate, na ekubindaho kutogoa, akaumega na kuwenka akamba, ''Unu ni mwii wangu ambao uavigwa kwa ajii yenu. Gosoani ivi kwa kunikumbuka mimi.'' ²⁰ Akadoa kikombe ivyoivyo baada ya nkande ya kio akamba, ''Kikombe iki ni kiaga kihya mwe mphome yangu ambayo yetika kwa ajii yenu. ²¹ Akini kauwani. Yuda mnisaliki yu hamwe na mimi he meza. ²² Kwamana Mwana ywa Adamu kwa kwei aita kana ekubindavyo kuamliwa. Akini nmbwui yakwe muntu yuda ambae kwembokea yeye Mwana ywa Adamu asaitiwa!'' ²³ Wakavoka kuuzana wowo kwa wowo, indai kati yao ambae nee kagosoa mbui inu. ²⁴ Ikabinda kukawia mhigano kati yao kwamba ni ndai mfiikiwa kuwa mkuu kwemboka wose. ²⁵ Akawamba, ''Wafaume wa wantu wa mataifa wana ubwana uwanga yao, na woda wenao mamlaka uwanga yao wetangwa wahishimiwa watawala. ²⁶ Akini nkaikundwa kabisa kuwa ivi kwenu nywinywi. Baadii yakwe, eku yuda ambae ni mkuu kati yenu atende kana mdodo. Na yuda ambae ni mhimu sana atende kana mhiazika. ²⁷ Kwasibabu yuhi mkuu yuda mwekaa he meza au yuda mhiezika? Je nkie yuda mwekaa he meza? Na mimi nike kati yenu kana mhiazika. ²⁸ Akini nywinywi nee ambao mwasongwa kuwa na mimi mwe majaibu yangu. ²⁹ Namyenka nywinywi ufaume, kana via tate ekunenkavyo mimi ufaume, ³⁰ kwamba mpate kuda na kunywa he meza yangu mwe ufaume wangu. Na mwenda mwekae mwe viti vya enzi mkaziaha kabia kumi na mbii za Islaeli. ³¹ Simoni, Simoni, umaye kwamba Shetani kaombeza emipate ili amihete kana ngano. ³² Akini nkikuombea, kwamba imani yako isekuvotwa. Baada ya kuwa kuuya vituhu, waimalishe ndugu zao.'' ³³ Petuo akawambia, ''Bwana, ni tiyari kuita na wewe geezani na hata mwe ufe.'' ³⁴ Yesu akataimbasa, ''Nakwamba Petuo, zogoo nkanaakeme ivyoo kabla kuziti kunehuguta katatu kwamba wanimanya.'' ³⁵ Ikabinda Yesu akawaamba, ''Nekumyegaahao nywinywi kisi bene, ngahu ya nkande au viatu, je mhungukiwa ni kintu?'' Wakatambaisa ''Nkakuna.'' ³⁶ Akaawa aho akawamba, ''Akini sasa, kia wenye mfuko na audoe hamwe na ngahu ya nkande. Yuda ambae nkana upanga yampasa atage joho dakwe ague umwe. ³⁷ Kwa kuwa namyamba, yose ambayo yagondwa kwa ajii yangu lazima yakamiike, 'Na nee kadoigwa kana muntu ambae kabananga tolati.' Kwa kuwa kia chekutabiiwacho kwa ajii yangu chatimizwa.'' ³⁸ Ikabinda wakamba, ''Bwana, kauwa! Izi aha mphanga mbii.'' Na akawamba ''Yatosha.'' ³⁹ Baada ya nkande ya kio, Yesu akawahuka, kana ambayo nee akagosoa maa kwa maa, akaita mwuma wa Mzaituni, na wahina wakamtongea. ⁴⁰ Wekubuaho akawaamba, ''Ombezani kwamba mwesekwe ngia mwe majaibu.'' ⁴¹ Akaita hae nao kana mtambiko wa iwe, akakika mavindi akaombeza, ⁴² akamba, ''Tate kana wakunda niusia kikombe iki. Akini nki kana nikundavyo mimi, akini ukundavyo vigosoke.'' ⁴³ Ikawaana aho malaika kauwa mbinguni akamwaawia, akamgea nguvu. ⁴⁴ Akawa mwe kudiha, akaombeza kwa zati kwembosa na suguti yakwe ikawa kana matone makuu ya mphome yakadoda si. ⁴⁵ Ukati ekwenukaho kauwa mwe maombi yakwe, akeza kwa wahina, na ekawabwiia wagona kwaajii ya huzuni yao, ⁴⁶ na akawauza, ''Kwa mbwai mwongona? Enukeni muombeze, kwamba mwesekwengua mwe majaibu.'' ⁴⁷ Ukati ekuwaho ake kutamwiia, kaua, bunga kuuda wantu dikaawiia, na yuda, yumwe ywa mitume kumi na waidi akawaongoza. Akeza hehi na Yesu ili ambusu, ⁴⁸ akini Yesu akamwamba, ''Yuda, je wamsaliti Mwana ywa Adamu kwa busu?'' ⁴⁹ Ukati wada wekuwao hehi na Yesu wekuonaho ayo yoawiyo wakamba, ''Bwana, je tiwatoe kwa upanga?'' ⁵⁰ Akaawaaho yumwe ywao akamtoa mndima ywa kuhani mkuu, akamsenga gutwi dakwe da kuume. ⁵¹ Yesu akamba, ''Inu yatosha. Na akadonta gutwi dakwe akamhonya. ⁵² Yesu akagombeka kwa kuhani mkuu, na kwa wakuu wahekalu, na kwa wadoa wekwezao mhitu wakwe..'' Je mweza kana kwamba mweza mweza kuminyama na bagaa na malungu na mahamba? ⁵³ Nekuwaho hamwe na nywinywi misi yose kwe hekalu nkamwekuika mikono yenu uwanga yenu. Akini inu ni saa yako, na mamlaka ya kiza.'' ⁵⁴ Wakamgwia wakamongoza , wakamweeta nyumbai mwa kuhani mkuu. Akini Petuo akamtongea kwa hae. ⁵⁵ Baada ya kuwa wagimba moto mwe uda wazo wandani na wekubindaho kwe kaa si hamwe, Petuo akekaa gatigati yao. ⁵⁶ Mndima yumwe kivyee akamuona Petuo ekuwaho kekaa mwe mng'ao wekuawanao na moto, akamkauwa akamwamba, ''Uyu muntu naye nee yu hamwe nae.'' ⁵⁷ Akini Petuo akaemea, akamba, ''Mvyee, mie nkimmanya.'' ⁵⁸ Baada ya mda kidogo mntu mtuhu akamuona akamba ''Wewe nawe u yumwe ywao.'' Akini Petuo akatambaisa, ''We mgosi, mimi nkiye.'' ⁵⁹ Baada ya kana disaa dimwe ivi, mgosi yumwe akatozeeza akamba, ''Kwei kabisa uyu muntu pia nee yu hamwe maana ni Mgalilaya.'' ⁶⁰ Akini Petuo akamba, ''We mgosi, nkimanya ugombekago.'' Na mala ukati akatamwia zogoo dikakema. ⁶¹ Akahituka, Bwana akamkaua Petuo. Na Petuo akakumbuka kanwa cha hada, ekumwambaho, ''Kabla ya zogoo kukema ivyeeo wenda unehugute mimi katatu.'' ⁶² Petuo akaita chongoi akaiya kwa usungu mungi. ⁶³ Ikabinda wada wagosi wekuwao wakamwiinda Yesu wakamzihaki na kumtoa. ⁶⁴ Baada ya kumgubika meso, wakamuuza, wakamba, ''Tabu! Nindai mwekukutowa?'' ⁶⁵ Wakatamwiia mbui ntuhu nyingi mhitu wa Yesu na kumkufuu yeye. ⁶⁶ Mala kwekuchaho, wadaa wa wantu wakakongana hamwe, wakuu wa makuhani na wagonda, wakamwegaa kwe Baaza, ⁶⁷ wakamba, ''Kana wewe u Kwistu, tambie, ''Akini yeye akawamba, ''Kana nikamyambia, nkamnamniamini, ⁶⁸ na kana nikamiuza nkamna muntambaise.'' ⁶⁹ Akini tangia sasa na kwendeea, Mwana ywa Adamu enda awe kekaa mkono wa kuume wa nguvu ya Muungu.'' ⁷⁰ Wose wakamba, ''Kwa iyo wewe u Mwana ywa Muungu?'' Na Yesu akawamba, ''Nywinywi mwagombeka mimi ndie.'' ⁷¹ Wakamba, ''Kwa mbwai taondeza vituhu ushahidi? Kwa ajii swiswi wenye tisikia kuawa mwe kanwa chakwe mwenye.''