¹ Sasa mwe misi igo, ikawawia kwamba Kaisai Agusto akaagia akaelekeza kwamba ido igwe sensa ya wantu wose wekaao dunia mwe duniani. ² Inu iwa nee sensa ya bosi ikagosekaye ukate Krenio kuwa gavana wa Siria. ³ Kia moneka akaita mwe mzi wakwe kugondwa sensa. ⁴ Nae Yusufu akahauka mwe mzi wa Nazareti uko Galilaya na akatamba Yudea mwe mzi wa Bethelehemu, umanyikanao kama mzi wa Daudi, kwa sibabu kaawia mwe ukoe wa Daudi. ⁵ Kaita uko kweandisha hamwe na Maliamu, akuae kamuomba na muwa akakauwia mwana. ⁶ Sasa ikaawia kwamba, wakawa kuda, ukati wakwe wa kwefungua ukabua. ⁷ Akefungua mwana kigosi, uvyazi wakwe wa bosi, akamzengeteza nguo mwe mwii kumkinda na mpeho mwana. Aho akamwiika kwe kihori cha kuisia wanyama, kwa sibabu nkayekuwako nafasi kwa nyumba za wageni. ⁸ Mwe eneo ido, nee kuna waisi wekaao mwe minda wakaindwa makundi ya ngoto zao nakio. ⁹ Hamka, malaika wa Zumbe akawalawia, na utukufu wa Zumbe ukangaa kuwazunguka, na wakawa na hofu sana. ¹⁰ Aho malaika akawamba, ''Msekugoha, kwa sibabu nawaetea habaii ntama yondayo lete kinyemi kikuu mwe wantu wose. ¹¹ Ivyeo mwokozi kavyaigwa kwa ajii yenu kaya mwa Daudi! Yee ne Kristu Zumbe! ¹² Inu nee utango ambayo mwendao mwenkingwe, mwenda mbwiie mwana, kahambwa nguo na kagona mwe hori da kuisia wanyama.'' ¹³ Hamka kukawa na jeshi kuu da mbinguni dikatezana na malaika uyo wakamtogea Muungu, wakagombeka, ¹⁴ ''Utukufu kwa Muungumweuka uanga sana na npeho iwe duniani kwa wose ambao atamiwa nao.'' ¹⁵ Ikatenda kwa malaika wekabindaho kuhauka kuita mbinguni, waisi wakatamwizana wowo kwa wewe, ''Sasa, ''Titeni uko Bethlehemu, na tikaone icho kintu ambacho kilawiia, ambacho Zumbe katifahamisha.'' ¹⁶ Wakatenda halaka kuda na wakambwiia Maliamu na Yusufu, na wakamuona Mwana kagona mwe hati ya kudiia wanyama. ¹⁷ Na wekuenahe ivyo, wakawahinya wantu kia wekuwacho wambiwa kumhusu mwana. ¹⁸ Wese wekusikiao mbui inu wakashangazwa na kia kikutamwiiwache ni waisi. ¹⁹ Akini Maliamu akaendeea kumamankanya kuhusu yose ekunindayo kuyasikio, akayaika, mwe moyo wakwe. ²⁰ Waisi wakagetoka wakamtukuza Muungu na kumtogea kwaajii ya kia kintu wekubindacho kusikia na kuona, kama tu ikuwavyo itamwiiwa kwao. ²¹ Yekubuwaho siku ya nane na iwa ni ukati wa kumgwisa mwana, wakamwetanga zina Yesu, zina akubinda ido kwenkwa ni yuda malaika kabla mimba kutungwa mwe ifu. ²² Siku zaa zekukundwazo za tungazwa zekwembokaho, kuigana na shaa ya Musa, Yusufu na Maliamu wakamwengaa hekalu uko Yelusalemi kumwiika mbele za Zumbe. ²³ Kama ikuandikwavyo mwe sheia ya Zumbe, ''Kia mgosi kifungua ifu etangwe mwekuavigwa wakfu mwe Zumbe,'' ²⁴ Wowo viava wakeza kulavya kafaa kuigana na kia kigombekwacho mwe sheia ya Zumbe, ''Jozi ya njiwa au makinda maidi ya njiwa.'' ²⁵ Kauwa, hwa na mntu mwe Yerusalemu ambaae zina dakwe nee aketangwa Simeoni. Mntu uya kawa mwenye haki na mcha Muungu. Yeye kawa akagoja kwa ajii ya mhongezi wa Israeli, na Loho Mtakatifu akawa uanga yakwe. ²⁶ Nee ibinda kugumbiwa kwakwe kwembokea Loho Mtakatifu kwamba yeye nkanaafe kabla ya kumuona Kristo wa Zumbe. ²⁷ Siku mwenga akeza mwe hekalu, kwa kuongwewa ni Loho Mtakatifu. Ambaho wavyazi wamweeta mwana, Yesu, kumgoswea yada yakundwayo kawaida ya sheia, ²⁸ aho Simeoni akamhokea mwe mikono yakwe, na kumtogea Muungu na kugombeka, ²⁹ ''Sasa luhusu mndima waka aite kwa mpeho Zumbe, kuigana na Neno dako. ³⁰ Kwa kuwa meso yangu yauwona wokovu wako, ³¹ ambao uwenigwa kwe meso ya wantu wose. ³² Yeye ni ungaazi kw aajii ya kugubua kwa mataifa na utukufu wa wantu Israeli.'' ³³ Tate na Mame wa mwana wakehewa kwa mbui ambayo yatamwiiwa mwakwe. ³⁴ Aho Simeoni akawabaliki na akagombeka kwa Maliamu mami yakwe, ''Tegeeza kwa makini! Mwana uyu endaawe sibabu ya kwaga na kuhonywa kwa wantu wangi mwe Israeli na utangio ambao wantu wangi wenda waimee. ³⁵ Naho ni uhamba wendao ukutunge mwe nafsi yako. Mwenye ili kwamba mawazo ya mioyo ya wangi yamanyike.'' ³⁶ Nabii mvyee mwekwetangwae Ana nae kawa uko hekaluni yee nee binti wa Fanueli kalawa kabila da Asheli kawa na myaka mingi muno. Nae kekaa na mgesi yakwe kwa myaka saba baada ya kuteguana, ³⁷ nae akatenda mjane kwa myaka semanini na minne. Nao nkekuwahi kuhauka hekaluni na kawa akaendelea kumuabudu Muungu hamwe na kufunga na kuombeza kio na msi. ³⁸ Na kwa ukati uwo, akeza hada weiha akavoka kumtogea Muungu, akatamwiia kumhusu mwana kwa kia mntu mwekua akagoja ukombozi wa Yerusalemu. ³⁹ Wekubindaho kia kintu wekukundwacho kugosea na kuigana na sheia ya Zumbe, wakagotoka Galilaya mwe kaya yao Nazareti. ⁴⁰ Mwana akakua, na akawa na nguvu, akayenyea hekima na, Neema ya Muungu ikawa uanga yakwe. ⁴¹ Wavyazi wakwe kia mwaka wakaita Yerusalemu kw aajii ya sikunkuu ya Pasaka. ⁴² Ekubuzaho myaka kumi na mbii wakaita vituhu ukati uda uda kidestuli kwa ajii ya sikunkuu. ⁴³ Baada ya kusigaa siku zose kwa ajii ya sikunkuu, watavoka kuuya kaya, akini mbwanga Yesu akasigaa nyuma mda Yerusalemu na wavyazi wakwe nkawe kuvimanya ivyo. ⁴⁴ Wakaadya ati kwamba yunda mwe kundi wekuwado wakatamba nado. Ivyo wakatamba ntamba ya siku. Nao wakavoka kumwondeza umo. ⁴⁵ Waliposhindwa kumpata, walirudi Yerusalemu na wakaanza kumtafuta humo. ⁴⁶ Ikalawia kwamba baada ya misi mitatu wakampata mwe hekalu kuwa kekaa gatigati ya wahinywa, akawategeeza na kuwauza maswali. ⁴⁷ Wose wekumsikiao wekeheewa ni umanyi wakwe na majibu yakwe. ⁴⁸ Wekumuonaho, wakammamankanya, mami akwe akamwamba, ''Mwanangu, kwa mbwai kutigesea ivi? Tegeeza, tati yako na mimi tiwa tikakuenda kwa wasi wasi mkuu.'' ⁴⁹ Akawamba, ''Kwa mbwai muwa mkaniondeza? Nkamwe kumanya kuwa ni lazima niwe mwe nyumba ya Tate? ⁵⁰ Akini nkawekuelewa mbwai ekumanishacho kwa mbwi iyo. ⁵¹ Nae akaita hamwe nao mpaka kaya Nazareti kawa mtufu kwao mame akwe akaziika mbui zose mwe moyo wakwe. ⁵² Akini Yesu akasongwa nkukua mwe kiugo na kime na akatendasa kukundwa ni Muungu na wantu.