¹ Wangi wajitahidi kuika mwe mpangilio simuizi kuhusu mbui ambayo yatimizwa gati yetu, ² inga wekutipatavyo swisi, ambao tangu bosi ni mashahidi wa meso na watumwao wa uzumbe. ³ Ivyo nami pia baada ya kuchunguza kwa makini chazo cha mbui izi zose toka aho bosi nkiona ni vyedi kwangu pia kuandika mwe mpangilio wakwe mgosingwa Theofilo. ⁴ Iya kwamba udahe kumanya ukweii wa mbuii wekuhinywazo. ⁵ Mwe siku za Helode, mfaume wa Yudea, hawa na Kuhani yumwe mwetangwa Zakaria, wa ukoo wa Abiya. Mkaziwe kawa kwa binti za Haruni na Zina dakwe etangwa Elizabeti. ⁶ Wose wawa wenye haki mbee za Muungu, wenda bila lawama mwe amli zose na magiiyo ya Bwana. ⁷ Akini nkaokuwa na mwana, kwa ajii Elizabeti ne nkazati kuvyaa, na kwa ukati uo wose waidi wawa wazee sana. ⁸ Sasa iawio kwamba Zakalia ne kawa mwe uwepo wa Muungu, akaendelea na tatibu za kikuhani mwe tatibu za uzo wakwe. ⁹ Kuawana na taatibu za kusagua ni kuhani yuhi mwenda ahudumu, ne kusagulwa kwa kula kwengia mwe hekalu da Zumbe na ivyo ne mvukiza uvumba. ¹⁰ Bunga dose da wantu ne dukaombeza chongoi ukali wa kuvukiza uvumba. ¹¹ Aho malaika wa Zumbe ekumwawiaho na kugooka upande wa kudiiya wa mviko ekuvukizao. ¹² Zakalia ketuka ekumwonaho, woga amwengia. ¹³ Iya malaika akamwamba, wese kuogoha Zakalia kwa ajii wekuombezado disikiwa mvyee yako Elizabeti onda akuvyaiye mwana. Zina dakwe wonda umwetange Yohana. ¹⁴ Wonda uwe na kinyemi na kusangaa na wonda watamwiye mwe kuvyaigwa kwakwe. ¹⁵ Kwa ajii onda awe mkuu mbele ya meso ya Bwana. Nkana anywe mpombe wala kinyaji kikai, na onda amemwe ni Loho Mtakatifu tangu mwe ifu da mami yakwe. ¹⁶ Na wantu wangi wa Israeli wonda wahitulwe kwa Bwana Muungu wao. Onda enda mbee za cheni cha Bwana mwe Loho na nguvu ya Eliya. ¹⁷ Onda agosoe ivi ili kuvuza mioyo ya tate kwa wana, ili kwamba wesiokunda wenda mwe viugo vya wenye haki onda agosoe ivi kuika tayari mwe Bwana wantu ambao waandaiwa kwa ajii yakwe.'' ¹⁸ Zakalia kamwamba malaika, ''Nonda nidahe vivi kumanya ido? Kwa ajii mie ni mzee na mkazangu miaka yakwe itenda mingi sana.'' ¹⁹ Malaika akamjibu na kwamba, ''Mimi ni Gabilieli, ambaye nagooka mbee ya Muungu. Nkitumwa kuwa mbia kukueitea mbui inu ntana. ²⁰ Na kauwa, nkunauseme wonda uwe bubu, nkuna udahe kusema, hadi siku ida mbuii inu yonda iawiye. Inu ni kwa ajii kushindwa kuamini mbui zangu ambazo zonda zitimizwe mwe ukati mwafaaka.'' ²¹ Sasa wantu wekuwao wakamgoja Zakalia. Ne wadunduwaa ne akadoa mda mlefu hekaluni. ²² Iya ekuawaho chongoi nkekudaha kugombeka nao. Wakamanya ne kupata maono ekuwaho hekaluni. Kaendee ya kugombeka kwa ishara na kwese kugombeka mbui yoyose. ²³ Lawiya inga siku za zamu yakwe ya kuhudumu yekusiyaho akauya kaya kwake. ²⁴ Zakalia ekuuyaho kaya kuawa hekalu, kabuiya mvyee yakwe ni mjamzito. Naye nkekuawa nyumbani mwakwe kwa muda wa miezi mishano. Akamba, ²⁵ ''Idi ne ambado Zumbe kagosoa kwangu ekunika uwaho kwa kunipendelea ili kuusa soni nenayo mbele ya wantu.'' ²⁶ Mwe, mwezi wa ntandatu wa ujauzito wa Elizabeti, Muungu kamwamba malaika Gablieli uite kwe mzii wa Galilaya wetangwao Nazareti, ²⁷ Kwa mwai mwekuwa aondwa kudoigwa ni mgosi ambaye zina dakwe ni Yusufu. Yeye ne niwa ukoo wa Daudi, na zina da mwai uyo etangwa Maiyamu. ²⁸ Akeza kwakwe na kumwamba, Salamu, wewe mwekuhokea nema nkuu! Zumbe kaagizwa nawe.'' ²⁹ Iya mbuii ida malaika ekugombekayo imhanganya na nkekuewa kwambwai malaika kamwamba saamu inu ni ajabu kwakwe. ³⁰ Malaika akagombeka, ''Wese kuogoha, Maiyamu, iya wewe kuhokea neema kuawa kwa Muungu. ³¹ Naho kauwa wonda wenue ndaa mwe ifudako na wonda uvyae mwana. Na wonda umwetange zina dakwe Zumbe Yesu.' ³² Onda awe mkuu na ondaetangwa Mwanangwa wa mwe uwanga sana. Zumbe Muungu onda amwenke kiti cha utawala wa Daudi tati yakwe. ³³ Onda atawale ukoo wa Yakobo siku zose na ufaume wakwe nkauna mwisho. ³⁴ Maliamu akagombeka na malaika, idi donda diawiye mwe sia yani, miye nkizati kugona na mgosi yeyose? ³⁵ Malaika akagombeka, ''Loho Mtakatifu onda akwezee uwanga yako na nguvu za mweuwanga sana ondaeze uwanga yako. Kwa ivyo mtakatifu mwonda avyoigwe enda etangwe Mwana wa Muungu. ³⁶ Naho nduguyo Elizabeti ni mja mzito wamwana mwe miaka yakwe ya uzee. Unu ni mwezi wa ntandatu kwakwe, mwekuwa aketagwa mgumba. ³⁷ Inga nkakuna desido kudahika kwa Muungu.'' ³⁸ Maliamu kagombeka, ''Kuawa mie ni mtandima wa kivyee wa Zumbe. Eka igosoke inga ivyo kwangu sawa sawa na ujumbe wako.'' Ekuawaho aho malaika akambada. ³⁹ Ne mwe siku izo Maliamu kahauka kwa haaka kuita mwe sii ya viima kwemzii mwe sii ya Yudea. ⁴⁰ Kata kaya kwa Zakaria kumuugusa Elizabeti. ⁴¹ Chekuawiacho kwa Elizabeti ekusikiacho ndugu si ya Maliamu, Mwana mwe ifu dakwe akaluka, Elizabeti akamemezwa Loho Mtakatifu. ⁴² Kaavya sauti yakwe nakwamba kwa sauti nkuu umebarikiwa wewe mwe wavyee wose, na mwana mweifu dako kabarikiwa. ⁴³ Na mtenda vivihi kwangu mwe, mami yakwe da Zumbe eze kwangu? ⁴⁴ Inga mwaya kauwa, nekusikiaho mwemagutwi yangu sauti ya kuugusa kwako, mwanangu mweifu dangu kasooka kwa nyemii. ⁴⁵ Kabarikiwa mvyee Yuda mwe kuamini kwamba kondakuawiye ukamilifu wa mbuii ida ekuambiwayo kuawa kwa tate.'' ⁴⁶ Maliamu akamba, loho yangu imsifu Tate, ⁴⁷ na moyo wangu inanyemi mwe Muungu Mwekuniokoa. ⁴⁸ Kwa ajii kakauwa hali yaasi ya mtumishi wakwe wa kivywe. Kauwa, kuvoka ivi sasa mwevizazi vyose waonda wanetange mbarikiwa. ⁴⁹ Kwa ajii yeye mdaha kugosoa mbui mkhuu kwangu, na zina dakwe ni takatifu. ⁵⁰ Mbazi zakwe zekaa kivyazi vyose wonda wane tange mbarikiwa. ⁵¹ Kaonyesha nguvu mwe mkono wakwe, kuwaguusa wada we kwefivyao uwanga ya akii za mioyo yao. ⁵² Kuwaseeza asi wana wa wafaume kuawa mwe viti vyao vya utawala na kuwemua uwanga wada wa hali asi. ⁵³ Kawegusa wenao saa mwe vinti vitana, iya matajii kawaguusa nkonobue. ⁵⁴ Kaavyo msaada kwa Israeli mtumishi wakwe, ili akumbukwe kagosoa mbazizakwe. ⁵⁵ (Inga ekwambavyo kwa tate zetu) kwa Ablahamu na uvyazi wakwe siku zose.'' ⁵⁶ Maliamu kekaa na Elizabeti yadahikana miezi mitatu ivi nee ukuvyaho kaya kwakwe. ⁵⁷ Nee ukati wekubuaho wakhoe Elizabeti kwetuo mzigo nee avyaa mwana kigosi. ⁵⁸ Weziwe na wandugu wekumavyoho namna tate Zumbe ekumweneaho mbazi, ikiwa ni kinyeni hamwe naye. ⁵⁹ Yekubuaho siku ya nne Mwana agewe ngwisa wondo waavye zina wamwetange Zakaria, ''Kwa ajii ni zina na tate yakwe, ⁶⁰ nee mami yakwe ajibu na kwamba, ''Nkhikunda; naonda etangwe Yohana.'' ⁶¹ Nee wamwamba nkhana hata yumwe mwe ukoo wetu mwetangwa zina ido.'' ⁶² Wakamgosoea ishala tate yakwe kuwa akunda mwana etangwe ndai. ⁶³ Tati yakwe akaomba ubao aandoka, nee andika, ''Zina dakwe ni Yohana.'' Wose waka dunduwaa kuwajii ya idi. ⁶⁴ Maa moja ububu wakwe ukamweka na ulimi wakwe ukatenda kuwa hulu. Akatamwiya na kumtogoa Zumbe Muungu. ⁶⁵ Nee wezizita wose wakao hehinao. Mbuii inu nee ya tangaa mwe sii yose yaviima vya Yudea. ⁶⁶ Wose wekusikiao wayafisa mwe mioyo yao wakamba, ''Mwana uyu awa wa namna yani?'' Kwa ajii mkono wa Muungu ugamwe naye. ⁶⁷ Tate yakwe Zakaria nee ahokea nguvu za Loho Matakatifu na kuavya unabii, akamba, ⁶⁸ ''Atogokwe Zumbe, Muungu wa Israeli kw aaji katisaidia na kutigosoea wokovu mwe wantu wakwe. ⁶⁹ Katenuiya wokovu mwe kaya ya mtumishi wakwe Daudi, kuawa mwe ukoo wa mtumishi Daudi, ⁷⁰ inga ekwambavyo mwe kavindwa cha manabii wakwe wekuako mwenyakati za kale. ⁷¹ Onda aliavye kwa adui wetu na kuliavya mwe wose wesio kutikunda. ⁷² Onda agosoe ivi kwa mbazi zakwe kwa tati zetu, na kukumbuka kiapo ekuikacho kwetu, ⁷³ kiapo ekwambacho kwa Ablahamu tati yetu. ⁷⁴ Ke isa tiamini yadihakana kagosoa chochose kwake bila wasi wasi, baada ya kukombolwa kuawa mwe mikono ya mtu mwesekua mtana. ⁷⁵ Mwe utukufu na haki mbee yakwe siku zose. ⁷⁶ Nee ivyo na wewe mwana, wonda wetangwe nabii wa mwe uwanga sana, kwa ajii wonda wenda mwe cheni cha Zumbe ili kugosoa sia ya wantu kwa ajii ya kweza kwako, ⁷⁷ kuwaambia wantu wakwe ili wondao wakombouwe mwe sia ya kuonewa mbazi zambi zao. ⁷⁸ Idi dondadiawie kwa ajii ya mbazi za Muungu wetu, kw aajii iyo zua donda diawe uwanga ditezee, ⁷⁹ kungazaa wekaao kiza na mwekufa. Onda agosoe ivi kwengaa miundi yetu mwesia ya amani.'' ⁸⁰ Nee yuda mwana akua na kutenda mwe nguvuzo lohoni ne ekaa polini mpaka siku ya kuawiaya kwakwe mwe Israeli.