¹ Haa khu'umi haa haa'arimi naanku bee/iimoo yaa qadidi paandaa dooii rawa gu oo' gu satunige.Slimaa haa ina fudoo dooo ina yaa 144,000 gwaa koomeei umagosi haa uma gu Taataa gosi dugwaa haandikimi daqa tla/aa gu pandadu koinay. ² Hagi ukhasi afooo yedaa rawgo dagaa akkhakhakha misi ubee kukukhumoo gu ma'ay wa/a haa afoo dadidi da kwaaslay/aa,afoo gaa akhasi ti ubee hhaka'a pakka goo mu/iyeei pandaaqay goo mu/yeei paandaqay dooina. ³ Yaa raa'aa'aminay raa'amee da'abi paandaa da kitii gu seguge haa paanda da hhaka'ay gwaa koomeei slafeemaa cigahha haa guduu.Wanaabu gwaa kooma hii dahhasa da cacahhamisuu suuree raa'amee sa hhaka'a kilesi 144,000 daa afay gweedi daqa khooroogo. ⁴ Haa na hhaka'a guugwaaba rhufuqudimisuu inay hari tigay.Sa giimba hiigaa khu uniri inay daqa yoondu gu slipalauu maago.Na hhaa gwaa sirakoomeei naanko bee/iimoo degeemoo goo'giyaa kakaakaye.Hkaa digaa ilabu'umi daqa hidago inay yaa/aamu gu pandaa daqa Iliitleemuge haa daqa naanku bee/imooge. ⁵ Waantaaba afa'afuumaa daaslay daqa afaii koinaa;digoo ila waamisiyaaba. ⁶ Hagi arimi malayikaa wakinay yaa tlay tla/aa gu tloogiyago gwaa kouma giimba rawgo gu giimba gu hhou haa sigigi kakaami hhakaa goo ibiidiyeei khoorootii haa khapupu goo kabiraa haa hida. ⁷ Higigi eteedi hari afoo da didiri,''Tla'amuda Iliitleemu haa sugu hadisideeei waaqamee sagiimba qatlay gu hukumuu yaani dadauusi daareesakuna ina gwaa booo/imisu raw haa khooroo haa tlawoo hhahhiyo gu ma'ay.'' ⁸ Malayika waku-malayika gu tamii higala sirakoo mi kakaa na tuba handii huu udi haandii huu'udi Babeelii gu didivu,gwaa kitahkamisu khapapu buuraa da slipalauumaa buuraa daraa khaydi ila hufidaa daqa dosii.'' ⁹ Malayikaa waku-malayikaa gu tamii-giyaa sirakoomi,kakaana hari afoo da didiri,''Heedi gumaa daareesa makimokee haa gieeri kosi,haay owaraa chapaa daqa tla/aa gu pandaa dosii aw dabage. ¹⁰ Ina kara yoo kitahhi buuvaa da laba'asa gu Iliitleemu,buuraa daa qaasi haa dadagi kuusi dagaba ila gaasa hhari gulu/uu gu qupidaa kosi geedi gumaa kitahha dugumaa ila hufidi hari aslaa hari aslaa da kibiriitii pandaa da malayikaage dosii gu hhoi haa paandaa da naanku bee/imoooge. ¹¹ Ha eehha gu slahha'amee dooino higi hadakay taysa na qatloo taysa na qatloo haa yaa konaiba huu fiifisa hari tleemaa haa amasii hhakee goo daareesiyeei makimoo haa gieeri kosi haa hida goo gwaay oweei chapaa da uma gosi. ¹² Haa eteeda da baqada haa kaanahhasa sa hhaka'a gwaa /iimbieei hhakuu gooo ilii koomeei ilakaawa da Iliitleemu haa ilii pa'aruu daqa yeesuge.'' ¹³ Haa akhasi afoo yedaa rawgo yaa kakaaanta .''Haandikimi hii:Ba/ay tuu eenaa gwaa kaka/iyeei daqa Looimooge.'' Nura'a.''Yaa kaay muuna,''May nooiri hiifiifisa daqa yoondugo gooinaa.Sagiimba yoonda gooina digimaa sirikona.'' ¹⁴ Haa ku'umi hagi arimi daawana tloongiyu da /abaakwi ,haa gwaa ibiidu daqa tloongiyatiray yaa lee gwaa kooma kalay go naanku heedi yaa kona hhamaa gu sahaaabu daqa suga gosii haa catay gwaay kuungu'u gu dihhu daqa dabu gosii. ¹⁵ Malayikaa waku kara yaa khay yede daqa kanisaago haa yaa eteedi hari afoo da didiri hudakuwa daqa hikiray gwaa ibiidu daqa tlengiyaage.''oy qatlay googu tlaatleesi dukhudukhuru sa giimba qatlay gu bu'uuruuu yaani day,sa giimba bu'uruu gu waa daqa khoorootii hii hamati. ¹⁶ Kara hikira gwaa daqa da tloongiyage waarayaay catisi qatlay gosi daqa khoorooge,haa khooroo dagagi bu'umi. ¹⁷ Ila malayikaa waku yaagi khay yedaa kanisaa da rawgo;inasee yaa kona catay gu dihku. ¹⁸ Ha dakahhi malayika waka yaagi khay yedaa daqa masabaabuugo haa malayikaa gwaa kooma /uuuru daqa aslaage.Gugi eteedi kari afoo da didiri malayikaa gwaa kooma qatlay gu dihha:Oyii qatlay gu dihku haa kurunkurii elemu gu sabiibaa daqa sabiibuugo gu yaamugo sa giimba sabiibuu inkoo bii hamaadi.'' ¹⁹ Malayikaa yaa leehhisi qatlay gosi daqa khooroooge haa yaay kurunkuri bu'uruu gu sabibuu gu khooroo haa giya hii kwahki daqa pipaa da didirige da buuraage da laba'asa gu Ilitleemu. ²⁰ Utuumboo da buuraa daqa tlupitlupidi keengaa gu yaruge haa ceedee higi ku'uti daqa teesaa afay goo ma da hataama da farasi tledaruu kosi 1,600.