¹ Kara hagi arimi makimoo yaay ca/i tlawago haa daqa saqa goosii daawana giimba gu belendegesa da Iliitleemu. ² Makimo kee gaa urimi ubee du'umu pahha.Ye'eerooo kosi ubee gu maakhuu,haa afa gosi ubee gu diidaw ,deesu kira sugugiy /uuru haa daqa kitii gosii gu seguge,haa malayikaa gu koomeei/uuru hari khisla guri waray gudooo gu tawaaloo. ³ Saqa gu makimoo lee dugwaa arimi kona ilaqaaraa da didiri naidoo dugwa aloo gaasaa kara ilaqa,adosi hiqi hhoaydi,haa kirooroo goo digaati baka'asi haa gitooinaaa sirakoniri makimoo. ⁴ Kara gudi daareesiri deesu,sagiimba sugwaa hadisiri uuru makimokiva ,gugi daareesiri makimoo karaai haa giila koniri kakaaruu.Miyaa na makimoo pahha?haa,''Miyaa na gauusi haa ina?'' ⁵ Makimoo sugugi hhadisi afu ma cocoi giimba maangi hha'aleesi haa waruu,dugwaa/iimbi ma waray gadimidi qatlay gu slehheeri mibeeri cigahha haa cada. ⁶ Teqeesay makimoo yaa afay ooymi afa gosi macocoi waaruu daqa Ilitleemuge ,gi wahaa hami uma gosi daqa giyaa ilii ibimaamidiye haa mkhaaka'a goo ibiidiyeei rawge. ⁷ Makimoo sugwaa /iiimbi ma gauusi haa hkaka'a gwaa /iimbiyeei haa gigi kana/i kara sugwaa hadisi waray qadoo daqa hida goonge,hida giimba haa hhapee. ⁸ Gonkoinaa goo ibiidiyeeei khoorootii maa daaree siyay ina,gonkoinaa umaii koina digaa kandikimiiba,yaysaa daa ilii boo/imisi khooroti,daqa kitaabukii gu slafeewaage gu naanku bee/imoo daa isa quutli. ⁹ Yaa teqeesay goonkoinaa gu koomeei eaa haa akhamisiye. ¹⁰ Bere tla/aa gooinaaa lee dugundii oy sa laba'asu haa gu kooma laba'asu hadakay,bere tla/aa gooinaa gaasi hari paangaa,hari paangaa dugu gaasi.Haa ti eteeda da gabi idinoo haa da kaanahhasa haa ilii pa'aruu daga hhakaa'ay gu koomee waqamee. ¹¹ Kara hagi arimi makimoo waku yaa khoci daqa yaamugo.Yaakona khadumi cada ubee bee/imooo haa gi cocoi ubee deesu. ¹² Yaa laqami /uuru goo daqa makimoo kinay gu paandaage daqa waraa dosii haa gilaqi daqa khoorooge haa hhakaa goo ibiidiyeei gugi daareeesiyay hikiru mukimokira gu paandaa hikimo ilaqaa dosi daa hhoadi. ¹³ Hiqi laqi baka'asa gu koomeei/uuru,yaa laqi aslaa ayaayi/eti daqa khoorooge yedaa rawgo aandaa da hidago, ¹⁴ Hari etaa dugwaa/iimba malaqi higigi cori hhakee goo ibiidiyeei daqa khorootii,sigigi kaayri boo/imisuu Ilitleemu gu khafinay hari waaway gu makimoo daa ilaqai hari paagaa yaa tosaa kahhi gwaa'a. ¹⁵ Dugwaa /iimbi mabadisi hiipoo daqa Iliitleemu kiray gu khafinayge gu makimoo Iliitleemukee daa khaafi ma cocoi ha may buuli khakaa goo gwaa siiyeei daareesa makimoo dagigi cu/i. ¹⁶ Kara gi/uureesi hida goo' dooba ilii pa'aruu haa gu kooma/uuru,hiindaqaru haa kwa'alimoo kkoinay haa ya/abimisay,hii owaraa chapaa daqa daba gu aya angamale daqa tla/aa gu paanda. ¹⁷ Yaa suti hida goo ma naadiniri aw ma kirigiri hika'a kilesi gwaa kooma chapaa da makimoo,ha haa ti faadoo da qaditi sa iima gosi. ¹⁸ Hii slai waauway,bere waku wana gukhaa mayku may nooi laqara faadoo da hii faadi gu makimoo,ti faadoo da hida faado dosi ti 666.