¹ Tutendesi ufwe? Tuendelee kudhambi hakubha bhusogha bhusumbe? ² Ohofwe. Ufwe twakafwanga kudhambi, tunakobhola bhuti kukala tetyo? ³ Umwe temwinsi bhalya bhakabatisibhwanga ku Kristo bhakabatizwanga kumauti ghaje? ⁴ Tukabhele twakazikwa hamwi naje kuhitila bhubatizo bhwa lilufu. Jeji jyakakolekanga hakubha kobhe Kristo bhoghakanyanyulwanga kufuma mauti kuhitila bhutukufu bhwake Tata, hakubha nofwe tukobhole kulyata mubhuhya bhwa maisha. ⁵ Kubha twabha twaunganishwa hamwi naje kumufano ghwa lilufu lyaje nagho alotuunganisya ne kubhufufuo bhwaje. ⁶ Ufwe twisi tye bhutu bhwetu bhwa kale bhwakasulubiwanga hamwi naje hakubha mutumba ghwa dhambi ghubhihe. Jyi jyakalolekanga hakubha tusiendelei kubha bhatumwa bha dhambi. ⁷ Nyene ghakafwanga ghajilwa ali na haki kulingana ne dhambi. ⁸ Kobhe twafwa hamwi na Kristo, tuloamini kubha tuloishi hamwi naje nagho. ⁹ Tujinsi kubha Kristo ghahembulwa kufuma kubhafu, ne kubha temufu kabhili. Lilufu telya mutawale kabhili. ¹⁰ Kobhe ni kulupola lwalufu lo ghafwanga kudhambi, ghakafwanga hahoe lumwi kujili jya fwense. Ninga tetyo maisha ghwali kwileola, ajikele kujili jyake Kabhumba. ¹¹ Kunsila jejyoe, nomwee jihensile mwipande kubha bhafu mudhambi, ali bhupanga kwa Kabhumba kwa Kristo Yesu. ¹² Ku tetyo nosiswi dhambi jitawale mutumba ghobhe haku ukobhole kusiti tamaa syaje. ¹³ Usifumi luhande lwa mutumba ghobhe ku dhambi kobhe fyombo fisili na haki, tukubha lifumye mwe bhene kwa Kabhumba, kobhe bhali bhupanga kufuma kumautini. Ne musifumye hande sya mutumba jyenyu kubhe fyombo fya haki kwa Kabhumba. ¹⁴ Musiswi dhambi jimitawale. Bhomwabha musili hansi jya syeria, bhukole hofo na bhusogha. ¹⁵ Ni bhunti kansi? Tujile dhambi bhukohela tetuli hansi na syeria, tukubhu hefo na bhusogha? Alole. ¹⁶ Temujinsi jya kubha kumwaje nyene ghogho alikwifumya nyene kobhe bhakola milimo, umwe omulobha bhakola milimo bhaje umwe mubhalitwe kumti bhutelekwe kuhaki. ¹⁷ Tukubha tumunyomwe Kabhumba! Mukabhele bhatumwa bha dhambi, tukubha mwaswa kufuma mumwegho jilya namna bhomukafundisibhwe jyomukahebhilwe. ¹⁸ Mwajilwa hulu kufuma ku dhambi, ne mwajilwa bhatumwa bha haki. ¹⁹ Ndikutenda kobhe muntu bhomwabhana madhaifu gha mitumba jyenyu. Kobhe nibho mwakafumyanga, fitambo fya mitumba jyenyu kubha bhatumwa bha haki ku kumuafya. ²⁰ Bho mwabha mukabhele bhatuma bha dhambi, mukabhele huru hale na haki. ²¹ Kwi kunka lelyo, mukabhele ne jabho lile kumaghambo gha nonwe mwikulda nsonyi kughagho? Bhofyabha matokeo ghaghagho maghombo ni lilufu. ²² Tukubha nonwe bhomwabha huru hale na dhambi ne wmajilwa bhatumwa kwa Kabhumba, muli ne jabho bhwalya bhuliko. ²³ Bhoghwabha musyahala ghwa dhambi ni mauti, kansi zawadi jya bule jyake Kabhumba ni bhupanga bhwa lyabhuliko kwa Kristo Yesu Bwana ghwetu.