¹ Bhwakati mwana kondoo hoghakahabhulanga muhuli ghwa mupungati, kwa kabhanga na bhukimya mulughambha kwituugho nusunsaa. ² Tukubha na ndola misambhwa mupughati bhako ju ghalala habhele ja kabhumbha, no bhahebhwa talumbheta mupunghati. ³ Musambhwa ghundi ghajisa, nanighilile ibhakuli lya sahabhu lili na bhunyunkilile, najimilie madhabahuni ghahebhwa bhunyunkilile bhwingiili kubha abhufumye hamwi na maombi gha bhaumini bhonse katika madhabahu gha sahabhu hambhe ja sitebhe sya bhwami. ⁴ Lyonsi lya bhulya bhunyikilile, hamwi na maombi gha bhaumini, ghwakatanda halughulu habhele ja kabhumba kufuma mukubhoko mwa misambhwa. ⁵ Misambha ghatwala ibhakuli lya bhunyunkilile no kulibhumba mulilo kufuma kuma madhabahu. Tukubha ghalita gha hansi halughulu ja nsii, no kwatuma sauti sya nkubha, mibhe ja nkubha no linyamusikimya lya nsii. ⁶ Bhalya misambwa mupunghati bhabho bhakabhele na talumbeta mupughati bhabhatajali kusihula. ⁷ Musambhwa wa kwanza ghahula talumbeta jaje, na kwafumila nfulaa ja mabhwe na monga ghuseleghene na malaso fyaataghwa hansi katika nsii ili kwabha bhekethi jaje jisighe theluthi ja fitisakasighanga no manyi ghonse gha kijani ghakasigha gha. ⁸ Misambhwa bhabhubhili ghahula talumbeta jaje no nsitu kobhe mussi mukulu ghukabhele ghukusigha kumulilo ghwataghwa mubhahali. Theluthi ja bhahali jabha malaso, ⁹ theluthi ja fiumbhe fipanga katika bhahali fwafwa. Na theluthi ja meli sya bhihisibhwa. ¹⁰ Musambhwa wa bhutatu bhajihula talumbeta jaje, no nsonda kulu jabhwa kufuma mwighulu, jikumulika kubhe kulunsi, halughulu ja theluthi ja myongha na chemuchemu sya amaansi. ¹¹ Isina lya lusonda ni pakanga. Theluthi ja mansi jabha no bhantu bheghi bhakatwangha kutokana na mansi ghakabhele malulu. ¹² Musambhwa ghwa bhune ghwa hula talumbheta jaje, na theluthi je syubha jahulwa, pamoja na thelusi ja mwensi na thelusi ja lusonda, kujejo thelunsi ja tyonse ja hinduka kubha sikoloo, thelunsi ja isyubha no thelunsi ja bhufukumtejakabhana na bhulabhe. ¹³ Nankakunga, na nahulika nyanda jikabhele jikughuluka hakati je ighulu jikwita kusuati nkulu, ''Ole, ole, ole, kubhalya bhekele katika nsii, kusabhabhu ja mutulila ghwa talumbheta jasibhikila jeji jasoghela kuhulwa no misambhwa bhatatu.''