¹ Nankalolanga tukubha mwana kondoo hagha kahabhulangha ghumwi mujilya mihuli mupunghati, nankahulikangha ghumwi mubhalya bhali na bhai bhane bhakutenda sauti jitanene na nkubha, ''Jisaa!'' ² Nandola hakabhele farasi jaswe! Akabhele na tasile akabhele ne bhakuli, na ghakahebhwa nghataji. Ghakafumagha kobhe mushinda iliasinde. ³ Bhwakati mwanakondoo noghakahambhulangha muhuli ghwa bhubhili, nankahulikagha alina bhuhai wa bhumbhili nakutenda, ''Jinsaa!'' ⁴ Tukubha farasi jindi jaloleka jabhe kobhe mulilo akakabhele natansile ghakahebhwa luhusaa jakufumya amani habhwelelo, ili kubha bhantu bhasense. Ghogho akabhele na tansile ghakahebhwa lupanga lukulu. ⁵ Tukubha mwanakondoo hoghakabhanga ghahambhula muhuli ghwa bhutatu, nahulika mwenye uhai akisema, ''Jisaa!'' Nandola farasi japili, no akabhelena tansile nalina mizani mubhoko ghaaje. ⁶ Nahulika sauti jakalolekagha kubha jaghumwi jabhalya bhali na bhuhai bhalikutenda, sibhabha sya ngano ku dinali jimwi na tibhabha fitatu fya shahilikudinali jimwi. Tukubha nosighabhini mafuta na divai!'' ⁷ Tukubha mwanakondoo hogha kahabhulanga muhuli ghwa bhune, nankahulikagha sauti jamwenye uhai wane na kutenda, ''Jisaa!'' ⁸ Tukubha nandola farasi jakijivu. Akabhele natansile ghaketwangha isina lyaaje no kusimu jikabhele jikukumulonda. Bhakahebhwangha bhukulu juu ya lobho jaansii, kwihagha kulupangha. Kunsalaa no kubhulwele, no kumanyele gha mwisala katika nsii. ⁹ Bhuwakati mwanakondo hogha kanambhulanga muhuli ghwa bhutano, nakalolan hansi ja madhabahu mwegho ja bhalya bhakabhele bhakehaghwa kusabhabhu ja ighambho lyeke kabhumba no kutokana kulola bhakabhunighangha kubhwene. ¹⁰ Bhwakati bhwa siloongo sikulu, mpaka nwalokesa mutawala ghwa fyonse, wamwegho mulatu no wabhwene, ulokabhakalila bhekele halughulu nansii, no kulihisha kafinda malaso ghetu?'' ¹¹ Tukubha kila ghumwi ghakahebhwanga nkanjo jaswe no bhabhalilwa kubho hensilwe kuhebhwelela fisee mphaka hajilokatimila isabhu ja bhwene jabhakola milimo bhenabho no bhamughana bhabho makema no bhaghosi hojilokatimila bhabhali bhalokehaghwa, kobhe tilya bhuli bhene bhobhakehagha. ¹² Bhwakati mwanakondo hoghakahabhulanga muhuli ghwa mukagha, na kalilolangha no hakebhele no linga musikimya ikulu. Ishwubha lyabha napii kobhe ighunila lya nsinga, no mwensi munsima ghwabha kobhe malaso. ¹³ Nsonda syaamwighulu syakaghwangha haansi, kobhwe mutini bhoghukoghwisha majambho ghaje jabhwakati bhwa mpeho bhoghukotenge sibhwa na nsimbhunga. ¹⁴ Ighulu lyakafumangha kobhe gombo lighondilwe. Kila musosi no filia fyakasamisibhwanga hofikobha. ¹⁵ Tukubha bhamu bhansii no bhantu malufu na bhasilikale bhabha, bhatunsi, bhali na manghaha, nakila ghumwi ali mutumwa no kulekululwa, bhakefisangha mu mukakelo no mumighambha ja misosii. ¹⁶ Bhajibhalila misosiii no mighambha, tughwelee tufise nkana habhusyu bhwaje ajikele kusitebhe sya bhwami nakufuma sisia sya mwanakondoo. ¹⁷ Kukubha sikuku ja ghasabhu bhene jakongela, nighanyi nighanyi anakobhola kujimilila?''