¹ Tukubha nandola tukubha kubhoko kwa kulila kwa ghulya akabhele na jikele hakiti na sitebhe sya bhwana ighambo lighandikwe hambe no hanyuma no likabhele lijitilwe muhuli mupungati. ² Nakalolanga misabwa jili na managha jikulangulula kusilongo sikulu, ''Nighanyi ahenselwe kulihambulula ighambo no kusibhelagha mihuli jaaje?'' ³ Kutuhu muntu mwighulu no habhwelelo au haansi ja mbwelelo ghakakobholanga kulifungula ighambo no kulisoma. ⁴ Nankalilanga na bhusungu bhwakubha teghakapatikananga ngongonse akabhwele na henselwe kulihambulila ighambo au kulisoma. ⁵ Tukubha mughumwi mubhakekulu ghakambalilanga kunga simba wa mubhukwa bhweke Yuda, isindo lyeke Daudi, ghakasinda, na akobhwele kulifungula ighambo no mihuli jaaje mupungati.'' ⁶ Kati ja sitebhe sya bhwami na syene bhupanga bhane no mubhabho mubhakekulu na nkalolanga mwana kundoo na sughalele, na kulotekana kobhe nali bhupanga. Akabhele na mahembe mupungati no menso mupungati sesi ni myegho mupungati syeke kabhumba sya kalaghilwanga habhwelelo honse. ⁷ Ghakajanga ghakalitwala ighambo kutuma kukubhoko kwa kughosi kwaghuhulya ajikele kusitebhe sya bhusila bhuhela. ⁸ Haghakalitwalanga ighambo, bhabhupanga bhwane no bhakekulu makuni abhili na bhane bhali nama mpaka hansi hambele jeke mwana kondoo. Kila ghumwi akabhele na kinubi nywe bhakuli lya sahabhu libhumbhike bhunyunkilile kubha ni maombi gha bhaumini. ⁹ Bhakajimbanga lwimbo luhya: ''Lusitahilikujitwa ighambo no kutungula muhuli jaje. Kukubha bhowakasiswanga na kumalaso ghoghewamughulila kabhumba bhantu bha kila kabhila, katendelo kama taifa. ¹⁰ Wabhela bhutalume no makuhani kwa sabhabhu jakutumikia kabhumba ghwetu, naghwa bhalotabhala na lughulu jaa nsii.'' ¹¹ Tukubha nankalolonga no kuhulika silogho sya misambhwa bhengi bhakunyengela, sitebhe sya bhusila habhuhela idadi jabho jikabhele 200, 000, 000 no bhali na bhupanga no bhakekulu. ¹² Bhakatendanga kusauti nkulu. Tumulumbe mwanakondoo ghaketumya ghakasiswa kusanganile bhuwezo. Butunsi, bhantu managha, isima, bhutukufu na sifa.'' ¹³ Nahulika kila shakabhubhwanga silimwighulu no habhwelelo no mukai nansi no halughulu ja bhahali, kila sintu mukati mumwaje sitende, bhutukufu kumwaje nyene ajikele halughulu jasitebhe sya bhusilabhuhela no kumwana kondoo, kubhe sifa isima, butukufu na managha gha kutawala milele na milele.'' ¹⁴ Bhalinabhupanga bhane bhakatenda, ''Amina!'' Na bhakekulu bhajinama hansi no kusima