¹ Ku misambwa je pelelo lya Sardi ghandika ghalya: 'Maghambo ghaghula anighilile giilya mwegho ndwi jeke Kabhuumba ne ntangwa ndwi. "Njinsi shyoghwejila. Uline sifa jakubha hai, lakini ulimufu. ² Halamuka nokughemalishya ghakasibhila lakini ghalihedu kufwa, bhukobha shakaghalolanga matendo ghabho ukamilike ku menso gheke Kabhumba ghwanse. ³ Ku tetyo, jisukila ghalya gho wakapokelanga no kuhulika waghatii. Lakini kubha ghwaleka kuhandika, nonkesa kobhe mwifi na teulo kamanya nsajihejo, ndokafikila halughamba hamobhe. ⁴ Lakini masina mase ghabhantu ku Sardi ghoghati ghotebha chafuanga myenda jabho. Bhalokalyata kumwi none bhafwite myenda jape, bhukobho bhustahili. ⁵ ghoghonse gho alokusinda alakafwala myenda jape, nasilokali yateli isina lyaje kufuma ku sitabhu sya bhupanga, na ndokalibhumbe sina lyaje kwa Tata ne kumbele ja misambwa. ⁶ Kubha wabha netwi, hudikisya Mwegho bhoalikughalomba mapelelo." ⁷ "Ku misambwa je pelelo lya Philadedia ghandika: Maghambo gha mukondeka ne bhwene - aline nfungulo shyeke Daudi, kwighula na katuhu ghwakwighala kwighala ne hatuhu akobhwele kwighula. ⁸ Njinsi shyo mwajila kunga nankubhikila kumbele jobhe musigho bhobhwighwile bho hatuhu akobhwe kwighala. Njinsi ulinagho managha mase, lakini ghwalitii inghambo lyane natolitunile isina lyane. ⁹ Kunga bhonse bhaline sinagogi lya shetani, bhalya bhobhalikutenda ni Bhayahudi ne kansi tebhene, bhadala jaje bhalikulemba. Ndakubhela bhese no kusujudu ku maghulu ghobhe, na bhalakumanya kubha nkutehile. ¹⁰ Bhukobha ghwotunshya amuli jane kubhuvumilivu bhwabhuthabiti, ndakukulinda kumwi kunsa jobhe jakughemwa jojisiole ku bhwelelo bhonse, kubhaghema bhonse bhekelo kusihughe. ¹¹ Njisile bhwangu sinighiilile nkana silyo shyo ulinashyo ili nasimo muntu ghwa kulifwale taji lyobhe. ¹² Ndakumwile gho alokasinda kubhehanda kwihekalu lyeke Kabhuumba ghwane, na tealokafuma gansehi ndokalighandika kumwaje isina lyeke Kabhumba ghwane, isina lyeke sihughasheke Kabhumba ghwane (Yelusalemu mpya, shisokile silaugho kufuma mwighulu kwa Kabhumba ghwane), ne sina lyane hya. ¹³ Nyene ali ne twi ahulike shyo Mwegho ghwatenda kumapelelo.' ¹⁴ "Ku musambwa ghwepelelo lya Leodikia ghandika: 'Maghambo ghaje ghwali ana ghwakutegemea ne shahidi mwaminifu mutawala halughamba ja bhuumbaji bhweke Kabhumba. ¹⁵ Njinsi lyo mwajila, kubha ughwe tohosile wala tofyuhile, ndikutamani kubha unabhe ufyuhile au uhosile! ¹⁶ Bhoghwabho sabhalele tofyuhile wala tohosile ndakukuluka ufume mukanywekane. ¹⁷ Bho ulikutendane, "Ndimutunsi, nambana nsabho nyingi na sihensile shyoshyonse." Lakini tojinsi ku ughwe uli duni nkana, ghwakuhuzunika mupina muhofu bhutuhu. ¹⁸ Hulikishya bhusimu bhwane: Zahabu joja sonfisibhwa mumulilo ili upate kubha mutunsi ne myenda shyape shyakumelemeta mukubha ulifwike ghwenyene nosiloli nsonyi ja bhutuhu bhobhe ne mafuta ghakwisigha mumenso ghobhe upate kulola. ¹⁹ Kila ghonanteha ndikumulangisha no kufundishya bhulibho bhafaile kwikala; ku tetyo kubha ghwa bhweno kutubu. ²⁰ Kunga ndikajughalala kumusigho kupigha kodi mkubha ghoghonse ahulike sauti jane no kwighula musigho, ndakumuha haki hamwaje no kulya shakulya hamwi no nyene kumwi none. ²¹ Nyene alokasinda ndokamuha haki jakwikala hansi hamwi none halughanaba jasitebhe shane shya bhwani kobhe une bho nanksindanga no kwikala hansi kumwi no Tata ghwane halughamba ja sitebhe shyane sha bhwami. ²² Nyene ali na matwi ahulike shyo Mwegho ghulikughabhaliha mapelelo."