¹ "Ku misambwa je pelelo lya Efeso ghandika: 'Ghagha ni maghambo gha ghulya gho anighilile silya tangwa ndwi kumabhoko ghaje wene. Nyene akolyata hakati ja finala fya zahabu fya taa saba alikutenda teti, " ² "'Njinsi shyo mwajila ne bidi jombe ja milimo no bhuvumilivu bhobhe sabiti, no kubha tewahusiana nabho bhali na mabhi, ghwabhaghema bhonse bhakwijita bhalaghisibhwa nekansi tetetyo na bhaloleka kubha bhamalami. ³ Njinsi uline subula no bhuvumilivu, na ghwahitila mengi kusabhabhu ja sina lyane, ushyali kukima. ⁴ Lakini lelilyo ndinalyo kwajili jobhe wabhuleka bhupendo bhobhe bhwa kwanza. ⁵ Ku tetyo jisukila howaghwila, ukatubu no kwile fyokabhele ulikwi kufuma ku mwanzo. Kubha ghwaleka kutubu, ndakumanya kumobhe no kusifumya sinala shyabhe kufuma sehemu jaje. ⁶ Lakini ughwe uline leli, ulikughaja ghalyagho Bhanikolai bhalikughela, gho ningone ngaghajile. ⁷ Kobhe uline matwi lulika gho Mwegho ghulikughalomba mapelelo. Ne kugho alokasinda ndamuha kibali jakulya kufuma kusiti sya bhupanga bhobhuli kupaladiso jeke Kabhumba.' ⁸ "Ku misambwa je pelelo lya Smilna ghandika: 'Ghagha ni maghambo gha ghulya ambae ghomwanzo ne mwisho ghoghakafwanga no kushyuka kabhili: ⁹ "'Ngajinsi mateso ghobhe bhupina bhobhe (lakini ughwe ni mutunsi), ne malami gha bhalya bhalikwijita bhayahudi (lakini tebhene ni sinagogi jeke shetani). ¹⁰ Nosighubhail mateso ghoghalokakusanga. Kunga! Ibilisi alikuhensa kubhatagha baadhi jenyu mwigelesa mukubha mughemwe ne mulokasamba kunfuku ikumi. Mubha bhaaminifu ladi kufwa na ndolabhaha itaji lya bhupanga. ¹¹ Kubha uli ne twi, hulikishya Mwegho bhoghuli kughabhalila mapelelo nyene alokasinda alokapata madhala gha lufuma bhubhili.' ¹² "Ku misambwa jepelelo lya Pergamo ghandika: 'Ghagha gho alikutenda nyene gho ali nabho koko lupanga lutyale kutyale kubhili. ¹³ '''Njiinsi ho ajikele -hosili sitebhe shya bhawami shyeke shetani. Winga tetyo ughwe walinigha nkana isina lyane, ne teghwakajitunanga imani jobhe jojili kumwawe ninga nfuku silya shya Atipansi shahidi ghwane, mwaminifu ghwane, ghakehaghwa miongoni mwenyu haho ho shetani ajikule. ¹⁴ Lakini ndine maghambo mase kwajili jobhe: ulinabho kokobhantu bhanighile mafundisho gha Balam, nyene ghakamfundishanga Balaki kubhika fikwazo kubhujilo bhwa bhana bha Izilaeli mukubha bhabhe fyakulya fyofyakafumisibhwa sadaka kutubhumbano kuzini. ¹⁵ Ku hali jejo jejo ningoghwe uli nabho baadhi jabho bhalikunigha mafundisho gha Bhanikolayi. ¹⁶ Basi tutu ne kobhe ghwaleka kwilutetyo njisile bhwangu, na ndokela vita zidi jabho kulupanga bhobhulo kafuma kukanywa kane. ¹⁷ Kubha uli na matwi, kuliko Mwegho bhoghulikughabhalila mapelelo nyene alokasinda ndokamuha baadhi ja mana joji jisilwe na ndokamuhebhwe lyashwe lyolighwandikwe isine nhya halughamba jabhwe isisina lyo hatuhu alijinsi tunyene alokalipokele.' ¹⁸ "Ku misambwa jepelelo lya Thiasila ghandika: "Ghagha gho maghambo gheke Mwana ghweka Kabhumba, nyene ghoali ne menso ghaje kobhe mwali ghwamulilo, no lupambala kobhe shaba joja kuubwankana: ¹⁹ "'Njinsi shyo ghwajila - kunyomwa kobhe ne imani ne huduma no bhuvumilivu bhobhe sabiti, na kubha silya showakela sesi nfuku sya nonywe ni zaidi ja silya syo wakelanga kumwanzo. ²⁰ Lakini ndinalyo leli kumobhe uli kumuvumilia mwa mukema Yezebeli gho alikwijita nyene mufumo mkema kumafundisho ghaje, alikubhapotosya bhatumisi bhane no kuzini no kulya jyakulya shojisi fumisibhwe sadaka kulimukiti. ²¹ Nankamuhanga muda ghwa kutubu, lakini tali tayali kutubu bhuovu bhwaje. ²² Akunga! Ndokamuha kubhulili bhwa malwele ne bhalya bhalikwila bhumalaja naje kumateso makali, kusili tetyo bhaghalaghale kila shyo ghakela. ²³ Ndokabhahula mabhwe bhafye ne mapelelo ghonse bhalakumanya une gho muchunguzi mawazo ne tama. Ndakumuhakila ghumwi kati jenyu kadili ja matendo ghaje. ²⁴ Lakini ku baadi jenyu mwa sibhila ku Thiatila, kubhalya bhonse bho musinighile mafundisho ghagha ne bhonte mwinsi silya shyo baadhi bhakojita mafumbo gha shyetani ndikutenda kumwenyu silakubhika kulughamba kumwenyu muligho ghoghonse.' ²⁵ Kwi ghambo lyolyonse, lazima mubhe imala mpaka hondokesila. ²⁶ Ghoghonse alokasinda no kwila silya shyonanjila mpaka habhuhela, kumwaje, nyene ndokamuha mamlaka kufihugho. ²⁷ 'Alokabhatawa kulufimbo lyejela kobhe mabakuli ghabhulongo bhalokabhafumagha fihande fihande.' ²⁸ Kobhebho nampokela kufuma kwa Tata ndakumuha kune ntangwa jamulabho. ²⁹ Kubhawabha netwi, hulikishya silyasho Mwegho ghuliku ghalomba mapelelo.'