¹ Kisha musambwa gha ndolesya monga ghwa mansi gha bhupanga, mansi ghakabhele gha mung'ao kati ghwa bilauli. Ghabhele ghakutililika kufuma ku kiti sya enzi sya Kabhuumba no sya Mwana Kondoo ² Kuhitila hakati ja mutaa ghwa muji. Katika kila pembe ja nonga habhele no siti sya bhupanga, gho ghukufyala namba ikumi no imbhili sya majabho, no hufyala majabho kila mwensi. Manyi ghasiti ni kujili ja bhusi sya bhwa mataifa. ³ Bhwala tehalokabha no laana jojonse kabhili. Kiti sya enzi sya Kabhuumba no sya Mwana Kondoo silobha mo ndani ja muji, no bhatumisi bhaje bhalo kumutumikia. ⁴ Bhalo mulola bhusyu bhwaje, no isina lyaje lilakubha halughulu jafipaji sya bhusyu syabho. ⁵ Tehalo kabha no bhufuku kabhili; bhwala tehalokabha no kuhesa ilangasi lya tala au isyubha kusabhabhu Bhwana Kabhumba alo angasya halughulu jabho. Nabho bhalokutawala mileleno milele. ⁶ Musamba ghambalila, "Maghambo aghe nigha kuaminika no ghabhwene. Bhwana Kabhuumba ghwa miegho sya manabhii ghaka mulaghisya musambwa ghwaje kubhalangisya bhatumisi bhaje syo silo kafumili kuikuka itofu." ⁷ "Tasama! Njisile bhwangu! Ghabhalikiwa nyene gho ekughatii maghambo gha bhunabhii ghwa sitabhu isye." ⁸ Une, Johana, oh nankahulika no kulola maghambo aghe. Honankaghahulikanga no kughalola, nankaghwanga hansi une nyenee hambele ja maghulu gha musambwa ghoghaka ndolesya maghambo ghaje. ⁹ Ghakambalila, "Usiili tetyo! Une ni mutumishi mwinobhe, hamwi no bha mughana ghobhe manabhii, hamwi no bhalya bhekutii maghambo gha sitabhu iisye. Mwabhudu Kabhuumba!" ¹⁰ Ghakambalila, "Usighahe muhuli maghambo gha bhunabhii ghasitabhu iisye, maana bhwakati bhwa timila. ¹¹ Asibhi mukanya haki akenyele kutokubha no haki. Gho ni musama simaadili, no aendelee kubha musama sima adili. Mkanya haki no aendelee kubha mkanya haki. Gho ni mutakatifu, no aendelee kubha mutakatifu." ¹² "Tasama! Nanjisa bhwangu. Bhujila bhwana bhuli hamwi nanee, kumuliha kila ghumwi kulingana no syo ghajilanga. ¹³ Une ndi Alfa no Omega, ghwa Kwansa no bhwa Mwisyo, Mwanso no Mwisho. ¹⁴ Bhabalikkibhwa bhalya bhakosunga mienda syabho ili kubha bhapate kuly kufuma kusiti sya bhupanga no kwingila muji kuhitila ha musigho. ¹⁵ Hanse hali mbwaa, bhalosi, bhazinzi bha haghanyi, bha abudu mikiti no kila anyomwile no ashuhudi aje bhushaidi bhwa malami. ¹⁶ Une, Jeesu, namulaghisya musambwa ghwane kubha shuhudia kuhusu maghambo aghe kukanisa. Une ndi musisi ghwa bhufyalo ghwa Daudi, Nyota ja Mulabho ing'aayo." ¹⁷ Mwengho no Bibi halusi atensile, "Jisa!" No nyene ho eku hulika ekutenda, "Jisa!" Ghoghonse gho ali nankangu, no apate mansi gho bhupanga bhule. ¹⁸ Ndiku mushuhudia kila muntu gho ekuhulika maghambo gha bhunabhii bhwa sitabhu iisyei: Kati ghoghonse aloghungilisya ku ghagha, Kabhuumba alo alo mughungilisya mapigho ghogha nyenghwile ku sitabhu sesi. ¹⁹ Kobhe muntu ghoghonse aloghafumya maghambo gha sitabhu sesi sya bhunabhiii, Kabhuumba alofumya sehemu jaje ja ku siti sya bhupanga no ku muji mutakatifu, jo habali syaje sighandikwe ndani ja sitabhu sesi. ²⁰ Nyene gho ekushuhudia maghambo aghe atensile, "Ndiyo! Njisile bhwangu." Amina! Jisa, Bhwana Jeesu! ²¹ Nehema ja Bhwana Jeesu jibhe no kila muntu. Amina.