¹ Kisha nandola ighulu nhya, kukubha ighulu lya kwanza no inchi ja kwanza sya kahwa, no bhalali te kajibheleho kabhili. ² Nanka bhululanga muji mutakatifu, Jelusalemu nhya kwa Kabhumba, bho bhwakaandaliwa kobhe bibi harusi gho abambilwe kujili ja mume ghwaje. ³ Nankahulikanga sauti nkulu kufuma ku kiti sya enzi koku atendile, "Tazama! Makao gha Kabhuumba ghali hamwi no bhanadamu, nagho alojikala hamwi nabho. Bhalobha bhantu bhaje, no Kabhumba nyene alokabha nabho no alokabha Kabhumba ghwabho. ⁴ Alo syambula kila chozi kufuma katika kumenso ghabho, no tehalo kabha no lufu kabhili, ama kuombolesya, ama kulila, ama maumifu. Maghambo gha kale ghakahwa kuhita. ⁵ Nyene gho abhele ajikele halughulu jakiti sya enzi akatensile, "Tasama! Ndikwila maghambo ghonse kubha mahya." Ghakatendile, "Ghandika jeji ku sabhabhu maghambo aghe ni gha hakika no bhwene." ⁶ Ghambalilanga, "Maghambo aghe ghakahwa kuhitu! Une ndi Alfa no Omega, mwanzo no mwisho. Ku ghoghonse gho ekulola nkangu ndo muha sinywaji sya bhusila ghalama kufuma katika nsoko sya mansi gha bhupanga. ⁷ Nyene gho apotile alolithi maghambo aghe na ndakubha Kabhuumba ghwaje, nagho alakubha mwanane. ⁸ Lakini kati bho jili kumu ghubhahi ku muoga, bhasila kuamini, bhakusasyabhe haghanyi, bhamalaja, bhalosi, bhaabudu mikiti, no bha malami bhonse, sehemu jabho jila kubha ku isibha lya mulilo ghwa sibhiliti gho ghukuhisya. Jejo oh jili lufu ja bhubhili." ⁹ Ghumwi ghwa misambwa mupungati akesile kumwane, ghumwi gho akebhele no mabhakuli mupungati ghogha mbumbuka mapigo mupungati gha mwisho no kubhala, "Jisa haanu. Ndo kulangisya bibi halusi, mukasi ghwa mwana kondoo." ¹⁰ Kisha ghantwalanga hale katika Mwegho ku musosi mukulu no mulehe no ghan'langisyanga muji mulafu, Jelusalemu, ghusokile hansi kufuma kwighulu kwa Kabhuumba. ¹¹ Jelusalemu ghukabhele no bhutu kufubhwa Kabhuumba, no bhusogha ghwa je ghukabhele kobhe kamonga ka samani, kati ibhwe la sioo sisogha sya yaspi. ¹² Ghukabhele no nkande nkulu, mulehe ghwa misigho ikumi limwi no ibhili, hamwi no misambwa ikumi limwi no bhabhili hamusigho. Halughulu ja misigho habhele haghandikwe masina gha makabhila ikumi limwi noibhili ja bhana bha Isilaeli. ¹³ Bhuhande bhwa mashaliki habhele no misigho itatu, bhuhanda bhwa kusini misigho itatu, bhuhande bhwa kasikazini misigho itatu, no bhuhande bhwa maghalibi misigho itatu. ¹⁴ Kuta sya muji sibhele no misingi kumi na mbili, no halughulu jaje habhele no masina kumi nombili gha mitume ikumi limwi no bhabhili bha Mwana Kondoo. ¹⁵ Ghumwi ghoghasahulanga nanee abhele no sipimo sya mfimbo jo jalyo helesyangwa ku sahabu kujili ja kupimila mansi, misigho syaje no nkande syaje. ¹⁶ Muji ghubhele mukati no mulaba; bhulehe ghwaje ghukabhele sawa no bhupana bhwaje. Akapimila mansi ku sipimo sya n'fimbo, stadia 12, 000 ku bhulehe (bhulehe bhwaje, bhupana, no kino fika susene). ¹⁷ Tilyatilya ghakapimanga nkande jaje, bhuhamu ghwaje ghubhele dhilaa 144 ku fipimo sya muntu (bho kabhili ni fipimo fya misambwa). ¹⁸ Bhukuta bhukabhele bhujengwile ku yaspi no mansi gha sahabhu songha, kobhe sioo sisogha. ¹⁹ Misingi sya bhukuta sibhele sipambilwe no aina ja mabhwe gha samani. Lya kwansa likabhele yaspi, lyabhubhili likabhele lyakuti samawi, lya bhutatu likabhele kalkedon, lya bhune lika bhele zamalidi, ²⁰ lya bhutano likabhele sardoniki, lya mukagha akiki, lya mupungati kritholitho, lya munane zabarajadi, lya kenda yakuti ja manjano, lya ikumi krisopraso, lya ikumi no moja hiakintho, lya kumi no mbili amethisto. ²¹ Misigho kumi no ibhili ji kabhele lulu ikumi no mbili, kila musigho ghwaka lyohelesyangwa kufuma ku jimwi mitata sya miji jikabhele sahabhu songha jikuloleka kobhe sioo sisogha. ²² Tena nka lolanga hekalu lyolyonse ndani ja muji, kukubha Bhwana Kabhuumba, gho ekutawala halughulu ja fyonse, no Mwana Kondoo ni hekalu lyaje. ²³ Muji teghwaka he nsanga isyubha bhwala mwensi ili kulangasya halughulu jaje ku sabhabhu bhutukufu bhwa Kabhuumba bhwakalangasya halughulu jaje no taa jaje ni Mwaana Kondoo. ²⁴ Mataifa ghalolyata kuilangasi lya mji ghogho. Bhafalume bha libhwelelo bhala kuleta fahali syabho ndani jaje. ²⁵ Misigho syaje tejilo hambwa bhwakati ghwa mwisyubha, no tehalokabhano bhufuku halya. ²⁶ Bhalokuleta fahali no heshima ndani jaje, ²⁷ no kutuhu sichafu syo silo kengila ndani jaje. Bhwala ghoghonse gho ekwila ighambo lyolyonse lya nsonyi ama bhumalami te alokengila, bhali ni bhalyatue bho masina ghabho gha nyenghwilwe ku sitabhu sya Bhupanga sya Mwana Kondoo.