¹ Bhobhu ni bhughambule bhwe Jeesu Kilisitu bho Kabhumba ghakamuhanga ili kubhalangishya bhatumisi bhaje maghambo mabhi. Lazima afumile hehi ne loghajila ghamanyike kukumutuma musambwa ghwaje kwa mtumisi ghwaje Yohana. ² Yohana ghakafunyanga bhushuhuda kukila muntu shyoghakalolanga kuhusu ne ghambo lyeke Kabhumba ne kubhushuhuda bhwa kafumisibhwanga kuhusu Jeesu Kilisitu. ³ Ghafuhwa nyene akukusoma ikusauti ne bhalya bhonse bhobhali kumuka maghambo gha bhutabhili bhobhu no kutii shyakaghandikwa momo, kusabhabhu muda ghwa kolela. ⁴ Yohana, kuma pelelo ndwi ghoghali Asia: neema jibhe kumwenyu ne amani kufuma kumwaje ghoaliho, akabheleho, negho alokesa ne kufuma kumyegho ndwijijili ku mbele ja sitebhe shyaje shya bhwami, ⁵ ne kufuma kwa Jeesu Kilisitu ghoshahidi mwaminike, mufyalwe ghwo kwanza ghwa bhakafwa ne mutawala ghwa bhaami ghwa bhwelelo bhobhu kumwaje nyene atutelile ne ghatubhika lulu kutokana kuhitila sambi shyetu kuhitila malaso ghoje, ⁶ ghafwa kubha mwawi makuhani ghwake Kabhumba neshye kubha mutukufu ghwa managha myaka jonse. Amina. ⁷ Kungandikwisa ne makusi kilalinso lila kumulola hamwi ne bhonse bhakamumbanga. Ne kabhila shyonse shya kubhwelelo bhalokaomboleza kumwaje. Gho, Amina. ⁸ "Une gho Alfa ne Omega," alikutenda Bhwana Kabhumba, "Nyene aliho alakwendelea kubhaho, ne gho ajisile Ali ne managha." ⁹ Une, Yohana - ghwa mughana ghwenu ne ghumwi alikushila hamwi nenyu kukusamba no bhwami no bhukondeke saabiti bhobhuli kwa Jeesu; nkabhele kwisiwa jojitilwe Patimo kusabhabhu jeghambo lyeke kashumba no bhushuhuda kuhusu Jeesu. ¹⁰ Nkabhele ku Mwegho ifuku lyeke Bhwana. Nankahulikanga kunyuma jane sauti ja halughamba kobhe ja talumbeta, ¹¹ kubhajatenda, "ghandika kwitabhu gho bhwene na ughalaghishye kuma pelelo ndwi kuja Efeso kuja Smirna, kuja Pelgamo, kuja Theatila, kuja Sardi, kuja Philadeliphia, no kuja Laodikia." ¹² Nalinduka kulola ni sauti jekeghanyi ghoabhele ekusahula nane, ne kuhidwa kundi nandola kinala shya zahabu sikine filangasi ndwi. ¹³ Hakati ja kinala shya sihangasi akabhelelmo ghumwi kobhe Mwana ghweke Adam, afyite nkanjondehe ndehe jojifimbile maghulu ghaje, no mkanda ghwa zahabu kunyengheletundu lyaje. ¹⁴ Mutwe ghwaje ne nyele shyaje sikabhele shyape kobhe sufu shyape kobhe seluji ne menso ghaje kobhele kobhe mutumba ghwa mulilo. ¹⁵ Mpambala shyaje sikabhele kobheshaba jakakumbwa nkawa, kobheshaba jojoka hishibhwa kumulilo, ne sauti jaje jikabhele kobhe sauti ja mansi mengi ghoghali kusola nkulu. ¹⁶ Akabhele anighilile ntangwandwi mukubhoko kwaje mene ne kufuma mukanywa kaje mukabhele no lupanga hakali lwabwingi kubhili bhusubhwaje. Bhukabhele bhulikumelemeta kobhe silangasi sikali sye shubha. ¹⁷ Honamulola, nankaghwanga mumaghulu ghaje kobhe muntu ghafwa. Ghabhika kubhoko kwaje kwa kulia halughamba hamwane ne no kutenda, "Nosighubhahi! Une ghoghwakwanza ne ghwa Kubhuhela, ¹⁸ ne gho shyali mwegho. Nkabhele nankafwa, ne kunga ndikwikala myaka jonse! Ndinashyo nfungulo shya lufu no kuzimu. ¹⁹ Kwa hiyo, ghaghandike ghoghwalola ghoghaliho nonwe, ne ghalya gho ulakupokela kufuma ghagha. ²⁰ Maana bhojijisile kuhusu ntangwandwishyo ghwalola kukubhoko kwane kumabhoko meene silya sinala shya zahabhu shyosiliwe ntangwandwi ni misambwa jaghalya mapelelo ndwi ne sinala shya filya filangasindwi ni ghalya mapelelo ndwi."