Sula 6
1
Ghakabhuka hahokuja kumujini kumwabho ne bhanafunzi bhaje bhamwondo.
2
Sabato bhojyakafikanga ghakasapanga kufundisya ku Sinagogi. Bhantu bhengi bhakamuhulikanga bhanelolela abhabhala ghapatehe mafundisyo ghagha?" "Ni hekima si jeji jyoghahebhwa?" "Alikwila bhunti malebha kumabhoko ghaje?"
3
"Keti ghoghu nighulya selemala, mwana ghwake Mariamu na bhaghwaje bha Jakobo, Yose, Yuda no Simioni? Bhehwabhaje tetwikele nabho hahae hamwina fwe? Tebhakamunyomwanga Yesu.
4
Yesu ghakabhalilanga, "Nabhii tyakobhulwa hesima, tubhukobha halugho lwaje no mubhaghwaje ne munyumba jyaje."
5
Teghaka kobholanga kwila malebha haho, ila ghakabikilanga mabhoko bhalwele bhanse bhakasilanga.
6
Ghahashanga anga kana kwasababu te bhakaaminingi ghakafilatilanga fijiji fya hehi ne kufundisya.
7
Ghakabhetanga bhalya bhanafunzi ikumi na bhabhili ghasapa kubhatuma bhabhili bhabhili. Ghakabhahanga mamlaka kuhusu mamisagha mabhi,
8
ghana bhabhalila mwitwali kokonseho mujile twale munyefu. Musitwali mukate, ninga mukobha, ninga makuta kibindoni;
9
tukubha bhafwale filato te kanzu ibhili.
10
Bhabhabhalila nyumba jyojyonse jyo mulojingila jikale haho mpaka homwobhuka.
11
Ne lugho lolonse lusyamipokele ningakumihulikisya, bhuke hamwabho, kukumule lufunda kumaghulu ghenyu, bhubhe bhushuhuda kumwabho."
12
Na bhene bhafa bhekutangasya bhantu bhatubhu ne kuleka dhambi syabho.
13
Bhakabhabhenganga misagha mibhibhengi bhakabhasighanga mafuta bhulwele bhanasila.
14
Mufalme Herode bhoghakakuli kanga ghagho bhokuhela isina lyake Yesu likabhele lya kamanyika kana bhandi bhakatendanga, "Yohana mubatizaji ghahembuka nekusababu jeji managha gha malebha ghalikukola milimo mukati mumwaje."
15
Bhandi bhabho bhatenda, "Ghoghu ni Eliya," Bhasyali bhandi bhatenda, "Ghoghu ni nabii kobhe ghumwi ghwabhalya bhanabii bhakale."
16
Kundi Herode bhoghakahulikanga ghagha ghatenda, "Yohana, ghobhakaputanga mutwe ghahembuka."
17
Herode nyene ghakamulaghilanga Yohana anyighwe najighalilwe mwigelesa kusababu jyake Herodia (mukekolyo lyaje Filipo) bhoghabha nyene akabhele na mutosile.
18
Bhoghabha Yohana ghakamubhalilanga Herode, "Te fisogha kumutola muke kolyobhe."
19
Tukubha Herodia ghakasapanga kumughaja nakabhele nekuhensa kumwihagha tukubha teghakakobholanga,
20
kundi Kundi Herode ghamughubhaha Yohana; ghakamanyanga kubha ali na haki mutakatifu, ghakamulekanga bhupanga no bhwakabhele ne kumuhulikisya ghaka siketikanga kana tukubha ghakatehanga kumuhulikisya.
21
Ninga bholyahafikanga ikunka mwafaka lyakolela ifukulya kufuka Herode ghabhaandalia bhaofisa bhaje kalamu ne bhakamanda, ne fiongozi bhaku Galilaya.
22
Kundi muhala ghwake Herodia ghanjingila nekusapa kusaha hambele jyabho, bhakamutehyanga Herode ne bhagheni bhekele ikuka lyafyakulya fya mugholo, kundi mufalme ghamubhalila muhala, "Asegha syosyonse none ndokuha."
23
Ghamulahilila no kutenda, syosyonse syalosegha ndomuha, ninga lahande lwa bhufalme bhwane."
24
Ghafuma kunse ghamubhasya nyina, "Inseghe si?" Ghatenda, "Mutwe ghweke Yohana mubatizaji."
25
Kundi ghajingila kwa mufalume ghasapa kutenda, ndikuhensa upemukati ne sahani, mutwe ghweke Yohana Mbatizaji."
26
Mfalme ghakasikitikanga kana tukubha bhoghakalahilanga nobhohakabele bhagheni teghakakobholanga kutuna kusegha kwaje.
27
Kundi mufalme ghalaghela bhasili kale kafuma mubhalinzi bhaje ghalaghila bhakalete mutwe ghwake Yohana. Mulinzi ghakajanga kaputa mutwe nali mukifungo.
28
Ghaghuleta mutwe ghwaje mwisahani ne kumuha muhala, ne muhala ghamuha nyina.
29
Ne bhanafunzi bhaje bhobhakahulikanga ghagho bhakajanga kaghutwala mutumba ghwaje bhaje kaghutagha mukaburi.
30
Ne mitume bhakakomekananga hamwi hambele jyake Yesu, bhamubhalilaghanse ghakoleka ghobhafundiswa.
31
No nyene ghabhabhalila, "Jise mwenye ne haha hambali tutamuke kwa kunka bhantu bhengi bhakabhele bhekwisane kubhuka, tebhakapatanga nafasi jya kulya.
32
Kundi bhatanda mashua bhaju mahali hafaragha habhongwa.
33
Lakini bhakabhalolanga bhekubhuka na bhengi bhakabhamanyanga, kukamwi bhakakilimanga lwamaghulu kufuma lugho lowse na bhene bhafika kabla jyabho.
34
Bhobhakafikanga kupwanyi, bhakalolanga bhumati bhukulu bhabhalolela sighongo kusababu bhakebhele kobhetama bhasili na bhakubharunga ghanasapa kubhafundisya maghambo mengi.
35
Ikunka bholya kulanga nkana bhanafunzi bhaje bhakamwisila ngabhamubhalila, "Haha ni hafaragha ne kanka lyakula.
36
Ubhatahye uje mulugho lwahehi hakubha bhakeghulile fyakulya."
37
Tukubha ghabhahindula ghatenda, "Bhahe umwe fyakulya." Bhamubhalila tunakobhola kughwa ehatu jya othamani jya dinari maghana abhili ne kubhaha bhalye?"
38
Ghabhabhalila, "Muli na mikate jinga? Kaje mukalole." hobhapatanga bhamu bhalila, "Mikate itanu ne masembe abhili."
39
Ghabhabhalila bhantu bhekale makundi halughulu na manyi mabhisi.
40
Bhabhekasya mumakundi; gha maghana ne makumi atanu.
41
Kundi ghatwala mikate itanu ne masembe abhili ghakunga mwighulu, ghajibariki kundi ghabhaha bhanafunzi bhabhike hambele jyabhumati kundi ghaghabhwa masembe abhili ku bhantu bhonse.
42
Bhakalyanga bhonse mpanka bhatosheka.
43
Bhakakomehanyanga vipande fya mikate jyakasibhanga fyabhumbika fikapu ikumi na fibhili ne mahanele gha masembe.
44
Bhakebhele bhaghosi elfu itanu bhakalyanga mikate.
45
Kundi ghabhabhalila bhatandemumasua bhaje kusahugho sindi mkapa ku Bethsaida, bhwakabhele nyene nekutahya masanganilo.
46
Bhobhakabhele bhahwa kubhuka ghaja kumusosi mukasegha.
47
Bho ghukabhele mugholo mashua ghabho mwikunka delyo masua ghobho ghakabhele mubahari, no nyene akabhele ghongwa mulutambo.
48
Ghakabhalolaga bhekusamba kuhula makasia kwasababu musagha ghwaka bhazuianga. Bhwaghwakafikanga mwabho bhaka mulolanga ne kulyata kulughulu na mansi ghakahesanga kubhahita.
49
Bhobhakamulolanga ne kulyata kuughulu na masi, bhabha na wasiwasi bhakabhele bhensi ni musimu bhajila mumatwi.
50
Bhobhakabhele bhamwola bhakabhanga na wasiwasi kundi ghabhabhalila, mubhe bhajasili! "Nine! Musighubhahi."
51
Ghajingila mukati na mashua nemusagha ghwaleka kuvuma na bhene bhamwilolela kana.
52
Tentyo tebhakamanyanga mana jya jilya mikate masala ghabho ghakabhele na kumanya kanse.
53
Na bhene bhobhakaghambukana mulwambuko bhobhakafikanga lugho lwa Genesareti mashua jyatia nanga.
54
Bhobhakafumanga hanse na mashua, kundi bhamumanya.
55
Bhakilima mukatangasya sihuho syonse bhana supa kubhaleta bhalwele kumachela kila hulika ajisile.
56
Hohonse hwakabhele ne kuja mufijiji ama mumujini, ama musi, hugho bhakabha bhikonga bhalwele hesoko, bhana mubhalila abhabhalile bhakumisye ipindo lya mwenda ghwaje na bhonse bhaka mukumisyanga bhakasilanga.