¹ Bhoghakahwanga maghabo ghagha Yesu ghakasafiringi teti ku Galilaya, tyakabhele netehile kuja kubhuyahudi kusababhu Bhayahudi bhakele bhekukwila mipango jya kwihagha. ² Nonwe sikukulu jya Bhayahudi, sikukulu jya fibanda, jikabhele hehi. ³ Haho bhwaghwaje bhakamubhalilanga, "Bhuka haha uje kubhuahudi, hakubha bhanafunzi bhobhe na bhene bhaghalole maghambo gholikwila. ⁴ Hatuhu akokola lyolyose kusiri tukubha nyene alikuhensa kumanika haswe. ⁵ Ninga bhaghwaje nagho tebhakamwaminingi. ⁶ Haho Yesu ghakabhabhalilanga, "Ikunka lyane lisyali kufiki lisyali tu bhwakati bhwenyu bhusyali bhukwilye. ⁷ Ubhwelelo telinamighaja umwe, tukubha bhulikungaja une bhonamba ne kubhushudia kumaghambo ghaje mabhi. ⁸ Tanda kuja kusikukulu; une syaje kusikukulu jeji sababu ikuka lyane lisyali kufika." ⁹ Bhoghahwa kutenda maghambo ghagho kumwabho ghakasibhanga ku Galilaya. ¹⁰ Ninga tetyo bhaghwaje bhobhakabhele bhaje kusikukusi ne nenyene gakajanga, tehalafu ni kusiri. ¹¹ Bhayahudi bhakabhele bhekumuhensa ha sikukulu bhanatenda, "Alihe?" ¹² Hakabhele ne kujadili kwingi mubhantu bhakasangananga kulughulu kumwaje bhandi bhakatendanga, "Ni muntu musogha." Nabhandi bhakatendanga, "Ajehi mwabhihya masanganilo." ¹³ Ninga tetyo hatuhu ghakatendanga, fisogha kuhusu nyene na kubhaghubhaha Bhayahudi. ¹⁴ Bhojakabhanga sikukulu jya fikahakati, Yesu ghakatandanga kuja ku hekalu ghanasapa ne kufundisya. ¹⁵ Bhayahudi bhakabhele bhekwilolela bhana tendu, "Ninasi ghoghu muntu ajisi maghambo mengi? Tyasomile." ¹⁶ Yesu ghabhahindula, ghabhabhalila, "Mafundisyo ghane te gha kwane, tukubhoni ghaghulya ghatumanga. ¹⁷ Ghoghonse aloteha kwila mapenzi ghaje nyene, kuhitila mafundisyo ghagha kobhe ghekufuma kwa Kabhumba, amakobhe ne kutenda kufuma kumwanene nyene. ¹⁸ Kila alikusahula ghalikufuma kumwaje nyene akohensa bhutukufu bhwaje, tukubha alikuhensa bhtukufu bhwaje nyene ghakamutumanga, muntu ghogho ni ghwa fyene, ne mukati hatuho kubhula kujila haki. ¹⁹ Musa teghakamihanga umwe syelia? Tukubha hatuhu ninga ghumwi kati jyenyu ghajila syelia ninasi bhomulihuhesa kujihagha? ²⁰ Makutano bhahindula, "Uli nalimusagha. Ghanyi alikuhensa kukwigha? ²¹ Yesu ghabhahindula, "Nakola mulimo ghwumwi, nonwe mwense mwalilolele kusabhabhu jaje. ²² Musa ghakabhahanga tohala (tekubhala jikufuma kwa Musa tukubha jilya jifumile kubha tata), ne musalaba to mukumuputa kopa muntu. ²³ Kubha muntu nalopokela tohara ifuku lya Sabato hakubha syelia jyake Musa bhasijibhihi, ninasi bhomulikukalila une kusababu bhonajila muntu kubha mupanga bhuliko kus Sabato? ²⁴ Musihukumu kulingana na kulolekana tu kubha muhukumu kuhaki. ²⁵ Bhandi bhabho kufuma ku Yerusalemu bhakatendanga, ''Te ghoghu ghobhali kuhensa kwihagha? ²⁶ Ne kunge, alikusahula halafu tebhekutenda syosyonse kumwaje, tefinabha fyabha kubha bhakiso bhajinsi fyene kubha ghoghu ni Kristo, jina kubholeka kubha? ²⁷ Tujinsi ghoghu muntu afumililehe. Kristo hwalokesa, ninga tentyo hatuhu alokamanya nche kwe kufuma." ²⁸ Yesu akabhele ne kuloloma silongo ha hekalu, ne kufundisya ghanatenda, "Umwe mwense munjinsi une mjisi kofumile. Sisile ku nafisi jyane, tukubha nyene ghatumanga ni ghwa fyene temumwisi nyene. ²⁹ Mufinsi nyene kusababu nafuma kumwaje ghakatumanga." ³⁰ Bhakabele bhekughema kumunyigha, tukubha hatuhu ninga ghumwi ghabhusyanga kubhoko kwaje juu jyaje kusababu saa jyaje jikabhele jisyali kufika. ³¹ Ninga tenyo bhengi hamakutano bhamwaminingi. Bhatendanga, "Kristo hwalokesa, alokela isyala singi kusumba syoghakela ghoghu muntu?" ³² Mafarisayo bhakahulikanga makutano bhalikuhwehweta maghambo ghagha kuli Yesu, ne bhakulu bhakuma kuhani ne Bhafarisayo bhalaghila maofisa hakubha bhamnyighe. ³³ Haho Yesu ghakatendanga, "Hasyali hali nkuka itali neni hamwi na mwehasebha ndofa kumwaje nyene ghakandaghilanga. ³⁴ Mwohensa wala tyemwandole; kulya kojile, temwakobhole kwisa." ³⁵ Kansi Bhayahudi bhalibhalila bhene ku bhene, "Ghoghu muntu aloja ihe kubhala tusikobheli kumulola? Aloja kubhalya bhasambalanga hamwi kubhoyunani no kubhafundisya bhaku Yunani? ³⁶ Ni ghambo si leli lyoghatenda, 'Mwohense tukubha temwandalei kulya konjile temwakobhole kwisa'?" ³⁷ Nonwe kwifuku lya bhuhela, ifuku ikulu lya sikukulu, Yesu ghakahaghalalanga ghatenda kusilongo, ghatenda, "Kubha ghoghonse ali na kangu, ajise kumwane anywe. ³⁸ Nyene akoamini une, kobhe bhunyeshe bhobhubhalike, kufuma mukati mumwaje jilokajela myonga jya bhupanga." ³⁹ Tukubha ghakatendanga ghagha kuhusu mwegho, bhene bhabho bhakomwamini bhalokamupokela; Mwegho akabhele na syali kufuma, bhoghabha Yesu akabhele na syali kutukuzwa. ⁴⁰ Bhandi bhakumakutano, bhobhakahulikanga ghagha maghambo, bhakatendanga fyene ghoghu ni nabii." ⁴¹ Bhandi bhakatendanga, "Ghoghu ni Kristo." Tukubha bhandi bhakatendanga, "Nisi, Kristo anakobhola kufuma ku Galilaya? ⁴² Bhunyeghe tebhubhalite kubha Kristo afumile mubhukwa bhwake Daudi ne kufuma Bethlehemu, sehugho sesyo Daudi kwakabhele? ⁴³ Tentyo haho ghabhuka mukughabhula hati na makutano kujili jyaje. ⁴⁴ Bhandi mwikundi lyabho bhanakamunyighe, tukubha hatuhu ghakaghololanga mabhoko ghaje kulughuu lwaje. ⁴⁵ Kundi bhalya bhahofisa bhahelela kubhakulu bhakumakuhani ne kubhafarisayo, nabho bhakanjibu, " Kwa nisi mtamletile?" ⁴⁶ Maofisa bhamuhindula, "Hatuhu muntu ghalighema kutenda kobhe ghoghu kabla." ⁴⁷ Haho Bhafarisayo bhahindula, "Nomwe nagho bhamilutya? ⁴⁸ Kuli ghoghonse kubhatawala bhamwamini, ama ghoghonse ghwa kubhafarisayo? ⁴⁹ Tukubha ghagha makutano bhasijinsi syeria - bhalaniwe." ⁵⁰ Nikodemo ghabhabhalila (nyene ghaku mujilanga Yesu kale, akabhele ghumwi ghwa Bhafarisayo), ⁵¹ "Tugho syelia jentu jikumuhukumu muntu bhukohela bhamuhulikisya hakusumbula ne kumanya syalikwila?" ⁵² Bhakahindulanga no kubhabhalila, "No ghwe ufumile ku Ghalilaya? Hensa ulole kubha kutuhu nabii ghakafumanga ku Galilaya." ⁵³ (Ghangalila: ghandi maghambo ghake Yohana 7: 53 -8: 11 teghalimo munakala sogha sya kale). Kundi kila muntu ghakajanga kulugho lwaje.