¹ Bhasi Yesu hoghakamanyanga ku Mafarisayo ghahulika kubha Yesu akabhele ali kulonda no kubhabatiza zaidi ja Yohana, ² (Ninga bho Yesu nyene takabhele alikubatiza makubha bhahemba bhajeji), ³ ghafumanga Yudea ghaja Galilaya. ⁴ Jejo jikabhele muhimu kuhitila Samaria. ⁵ Na ghafika kusihugho shya Samaria, ghoghutilwe Sikari, hehi ne eneo lyo Yakobo ghakamuhanga mwanaje Yusufu. ⁶ Ne sisima shyeke Yakobo sikabhele hahoe. Yesu akabhele ghakima ku bhabhuja lwendo kundi ghajika hehi na sisima. Jikabhele muda ghwe shyubha. ⁷ Mukema mukondeke akesa kutaha mansi, ne Yesu ghamubhalila, "Mpe mansi inywe." ⁸ Bhukobha bhanafunzi bhaje akabhele bhajanga kumujini mukaghula fyakulya. ⁹ Ghulya mukema ghamubhahila, "Jilikubhabhuti ughwe Muyahudi, kunseghane mukema mukondeke, sintu syakunywa?" Bhukobha Bhayahudi tebhali kuseheghana ne bhakondeke. ¹⁰ Yesu ghajibu, "Kubha unamanye kalama jeke Kabhumba, ne ghulya gha alikukabhalila 'Mpe mansi,' ghabhupanga." ¹¹ Mukema ghajibhu, "Bhwana tebhwe ne ndobho jakutaliha, ne sisima nisilele. Ulakughapatehe mansi ghabhupanga? ¹² Jee ughwe nimukulu, kusumba sifwe Yakobo, ghogha katuhanga sisima sesi, nyenee no mwanaje hamwi ne fitungwafya je bhanywa mansi ghasisima sesi?" ¹³ Yesu ghajibu ghoghonse alikunywa mansi ghagha, alakupata nkangu kabhili, ¹⁴ lakini gho alonywa mansi ghondakumuha taalokapata nkangu kabhili. Badala jaje mansi gho ndakumuha ghalakubha chemichemi jojili kufuma nyaka jonse." ¹⁵ Ghulya mukema ghamubhalila, "Bhwana, ndikughasegha ghagho mansi ili ninsipatinkangu, mukubha nesisambi kwisahaha kutaha mansi." ¹⁶ Yesu ghamubhalila, "Kafe ukamwitebhalo, uhelele." ¹⁷ Mukema ghamubhalila, "SIline bhane." Yesu ghajibhu, "Ghwatenda, fisogha, sili nebhane;' ¹⁸ Bhukobha ulina bhaghosi bhatano, ne ghumwi gho ulinaje nonwe te bhalo kuleli ghwatende bhwene!" ¹⁹ Mukema ghamubhalila, "Bhwana mbene kubunghwe ni mughwelaghu. ²⁰ Bhasifwe bhakapelelelanga kughoghu. Musosi lakini umwe mulikutenda kubha ku Yerusalemu jojihensilwe bhatuntu kupelela." ²¹ Yesu ghamujibu, "Mukema, amini homulikwisa homsina pelela Tata kumsosi ghoghu au Yerusalemu. ²² Umwe bhantu mulikupelela musi jinsi, lakini ufwe tulikupelelashyo tujinsi, bhukobha kusabhulwa kulikufuma kubhayahudi." ²³ Ninga tetyo, bhwakati bhulikwisa nensa ulihaha bhwakati bhali kupela kubhwene bhalakupeela Tata kumwe ghone bhwene, bhukebha Tata alikubhahensa bhaatu bhanamna jejo kubhantu bhaje bhobhali kumupelela. ²⁴ Kabhumba ni mwegho, ne bhalya bhali kupelea bhahensilwe kumupelela kumwegho no bhene." ²⁵ Mukema ghamubhalila, njinsi kubha masihi ajisile, (gho ajitilwe Kristo). Ghogho ho alokesila alokatubhalila fyonse." ²⁶ Yesu ghatenda une gho ulikutenda ghone." ²⁷ Bhwakati bhobhoe bhemba bhahelela nagho bhakashangaanga kusi abhehe au kutenda no mukema, lakini hatuhu ghakasimanga kumubhashya, "Ulikuhensasi?" au "Kusi ulikusahula naje?" ²⁸ Tetyo mukema ghaleka muhange ghwajeghaja kumujini ne ghabhabhalila bhantu, ²⁹ "Jise mulole muntu ghoghambalila maghambo ghane ghonse ghona nkela, jeji nawezekana ghabha gho Kristo?" ³⁰ Bhafuma kumujini bhaisa hamwaje. ³¹ Bhwakati bhweshyubha bhahemba bhaje bhamsihi bhatenda, "Rabi lyaa shyakulya." ³² Lakini nyene ghakabhabhalinga, "Une silinashyo shyakulya shyomu jinsi umwe." ³³ Bhaheba bhalibhashya kutuhu ghamuletelanya sintu shyoshyonse kulya," Je bhaletanga?" ³⁴ Yesu ghabhabhalila shyakulya shyane ni kwila mapenzi ghaje nyene ghakantu manga no kughukwishya mulimo ghwaje. ³⁵ Je, temulikutenda, 'Jishyali myensi itanwesughula lilakubha tayali?' Ndikubhabhalila kunge mabhala ghali tayali kukusughula! ³⁶ Gho ahakusughula alakupokela mishahala no kukusanya majabho kwajili jabhupanga bhwa myaka jinse, mukubha gho alakubhyala na gho alakusughula bhali kufulalia shya hamwi. ³⁷ Bhukobha katendelo kaka ni kabhwene, "Ghumwi alakubhyaala no ghundi kusughala.' ³⁸ Nankabhatumanga kusughula shyotemwaka sambilanga bhandi bhakola mulimo nomwe mwajingila kufulaha jabho." ³⁹ Wasamaria bhakondeke bhengi bhaputuka kusihu gho silya sya limwani kusabhabhu ja lupola lwaghulya mukema gho akabhele alikwilolela, "Ghoghaka mbalilanga maghambo ghonse ghenankela." ⁴⁰ Kutetyo bhakondeke hoghafikanga bhaka musihighi ajikale nabho na ghafikala kumwabho kunfuku ibhili. ⁴¹ Ne bhengi zaidi bhaka mwaminingi kusabhabhu je ghambo lyaje. ⁴² Bhambhalila ghalya mukema, "Tulikuamini te kusabhabha je ghambo lyolobhe bhukobha ufwe bhene twahulika, ne nonwe tu jinsi kubha nyene gho musabhula ghwa bhwelelo." ⁴³ Baada ja nfuku seshyo ishili, ghabhuka no kuja ku Galilaya. ⁴⁴ Bhukobha nyene akabhele ghatenga shye kubha mughwe laghu alibhusila heshima kusigho shyaje nyene. ⁴⁵ Hoghakesiihanga kufuma ku Galilaya, Bhagalilaya bhakamukalibishya bhaka bhele bhalola maghambo ghaje ghonse gho ghakelanga ku Yerusalemu kusikukulu, bhukobho ne bhene bhakabhele bha hudhulia kusikukulu. ⁴⁶ Ghakesanga kabhili Kana ja Galilaya koko ko ghaka hindulanga mansi kubha divai. Hakabhele ne ofisa gho mwanaje akabhele ni mulwele ku Kapernaumu. ⁴⁷ Hoghahulikanga kubha Yesu ghafuma ku Yudea no kuja Galilaya, ghakajanga kwa Yesu no kumusihi asoke amusishye mwanaje gho akabhele kwihi kufwa. ⁴⁸ Ho Yesu ghaka mubhalilanga, "Umwe kubhamwaleka kulola inshala ne maajabu temula kuamini. ⁴⁹ Kalombo ghatenda, "Bhwana soka hansi kabula mwane ashyali kufwa." ⁵⁰ Yesu gha mubhalila, "Kaje mwano bheni." Julya muntu ghaamini ighambo lyo ghatenda Yesu kundi ghaja. ⁵¹ Ho akabhele alikusoka, bhatumisi bhaje bhampokela no kumubhalila mwanaje ni mpanga. ⁵² Kutetyo ghabhabhashya ni mudasi hoghapatanga bhwumbwa. Bhamujibhu, "Isoneka muda ghwa saa saba homa hojakamuleka." ⁵³ Hoshye ghamanya ni muda ghulyae gho Yesu ghakatendanga, "Bhana bhobhe nibhapanga." Kutetyo nyene ne famili jaje bhaamini. ⁵⁴ Jeji jikabhele ni inshala jabhubhili jogha kelanga Yesu hoghafumanga Yudea kuja ku Galilaya.