¹ Bhobhakahawanga haho kukabhele ne sikukulu jya Bhayahudi, ne Yesu gha katandanga kuja ku Yerusalemu. ² Ne kulya ku Yerusalemu kukabhele ne muhala asinasape bhaghosi hamu sigho ghwa ndama, likabhele likutwa kwisina lya Kiebrania Bethzatha, ne lyene lilina matoo atanu. ³ Bhungi bhukulu bhwa bhalwelo bhuka bhelemo, bhahofu, fisyeta, na bhakahola bhakabhele bhalele mutao ghagho. {Ghangalila: maghambo gha musutali ghwa 3 teghakololeka kunakala sogha sya kale. "Bhanahembela mansi kutibuliwa."} Kubhwele inkunkalindi malaika bhakasokanga mukati na Bwana ne kughatibua mansi. ⁴ Kansi ghulya ghakasumbulanga kwengela mukati mansi ne ghatibuliwa ghakelwanga mupanga kufuma nasyosyonse sikabhele syakamunyigha kwe kumbo lyelyo. ⁵ Ne muntu ghumwi akabhele ghakalwala kwi kunka lya myaka makumi atatu na munane akabhele mukati na matao. ⁶ Yesu bhoghakamulolanga nalele mukati na matao no bhoghakamanyanga kubha tyalele halya kwikunka itali Yesu ghakamubhalilanga, Je uhesile kubha mupanga?" ⁷ Ghulya mulwele ghahindula, "Bwana ndi bhusua muntu, ghwakumbika mwi birika ikunka mansi hoghekutibuliwa hokabhele ne kughema kwingila muntu ghundi akondombola." ⁸ Yesu ghamubhalila, "Bhuka utwale itandiko lyobhe uje." ⁹ Bhwangu ghulya muntu ghasila, ghatwala bhulili bhwaje ghaja, ne fukulelyo likabhele ifuku lya Sabato. ¹⁰ Tentyo Bhayahudi bhamubhalila ghulya muntu ghamusisyanga, "Bhwalelo ni fukulya Sabato, tyonatwala itandiko lyobhe." ¹¹ Ghahindula nyene ghamusisyanga ogha mbalilanga, "Twala itantiko lyobhe uje." ¹² Bhabhasya, "Nighanyi ghakubhali langa twala itandiko lyobhe uje?" ¹³ Tughulya, Ghakamusisyanga teghakamumanya 'Tukabha Yesu akabhe ghabhuka kusiri, bhukohela kukabhelebha. ¹⁴ Kufuma haho Yesu ghakumusunga nga ghulya muntu hahekalu, ghumu bhalila, "Kunga bhoghwasila usikoli dhambi kabhili hakubhe no siputwi ni ghambo ibhi kana" ¹⁵ Ghulya muntu ghaja kabhatarifu Bhayahudi Yesu gho ghakamusisyanga. ¹⁶ Tentyo, ku sababu jya maghambo ghagha Bhayahudi bhakamusafyanga Yesu, kusababu ghakelanga maghambo ghagha ifuku lya Sabato. ¹⁷ Yesu ghabhabhalila, "Tata alikukola milimo ni ngone nonwe ndikukolo milimo." ¹⁸ Kuleli Bhayahudi bhakasumbanga kumuhensa bhwamwihaghete kusababu jya Sabato, tukubha mukumwita Kabhumba Tata ghwaje, kwijila kubha kobhe Kabhumba. ¹⁹ Yesu ghabhahindula, "Amini, amini, mwana tyanakobhola kwila syosyonse bhukohela silya sya bhwene isye nekwila bhukohela syosyonse Tata syalikwila no mwana syalojila. ²⁰ Bhoghabha Tata ekumupanda mwana, ne kumulanga kila situ syali kwila maghambo makulu kusumbu ghagha hakubha musumbe kwilolela.'' ²¹ Bho fyabha kobhetilya Tata bhwali kumi hembula bhafu ne kubhaha bhupanga, kufyofyonse mwana nagho akomuha ghwakopanda. ²² Bho ghabha Tata tya komuhukumu ghoghonse, tukubha ghamuha mwana hukumu jyonse ²³ hakubhai bhonse bhamuhesimu mwana kobhe tilya mwana bhwakomuhesimu isye. No nyene asyamuhesimu mwana akomuhesimu Tata ghakamwaghilanga. ²⁴ Amini, amini, nyene akohulika ighumbo lyane ne kumwamini nyene ghakandaghilanga alinabho bhupanga bhwa milele tegha kahukumiwe. Badala jyaje ghahita kufuma mautini kwingila mubhupanga. ²⁵ Amini, amini, ndikumibhalila ikunka lisile ne nonwe bhuliho bhafu bhalohulika silongo sya mwana ghwake Kabhumba, ila bhonse bhalohuka balojikala. ²⁶ Bhofyabha kobhe tilya Tata bhwalina bhupanga mukati mwaje nyene, ²⁷ tukubha ghamuha mwana kubhu na bhupanga mukati mumwaje ne Tata ghamuha mwana mamulaka hakobha ahukumu bhoghabha ni mwana ghwa Adamu. ²⁸ Musisyangaswi na leli bhobhwa bhwakati bhwisile ni bhwa bhafu bhose bhali mumakaburi bhalosihulika silongo syaje ²⁹ na bhene bhalofuma kunse: kubhaka kolanga masogha kubhufufuo bhwa bhupanga, na bhakelanga mabhi kubhufufuo bhwa hukumu. ³⁰ Sinakobhola kwilu siku syosyonse kufuma kumwane nenyene. Kobhebho ko hulika bhondo hukumu ne hukumu jyane ni jya haki bhonamba sikuhensa mapenzi ghaghulya ghakandaghilanga. ³¹ Kobhe nandishudia nenyene bhushuhuda bhwane usinabhe bhwa fyene. ³² Kulighundi ekushudia kulyune jisi kufyene bhushuhuda bhondi kushudia ni bhwa fyene. ³³ Mwalaghila kwa Yohana nagho ghashudia bhwene. ³⁴ Ninga tetyo, bhushuhuda bhondikupokela tebhunafuma kumwanadamu. Ndikughatenda ghagha hakubha mukobhole kusisibhwa. ³⁵ Yohana akabhele ni tari jikabhele jikughaka ne kung'ara, mukabheleteyari kujinyomwa kwikunkuu ilangasi lyaje. ³⁶ Bhushuhuda bhondinabho ni bhukulu kusumba bhwake Yohana, Kumilimo syake Tata syoghakapa kusikwisya sesyo milimo syondikwila syashudia kubha Tata ghakandaghila. ³⁷ Tata ghakandaghilanga nyene ghakashudianga kulyune temunahulike silongo syaje ninga kulola ibhumbo lyaje ikunka lyonse. ³⁸ Hatuhu ighambo lyaje kobhe lyajila mukati mumwenyu bhomwabho musiku mwamini nyene ghakandaghila. ³⁹ Mulikughakunganya manyeghi mujisi mukati mulibhupanga, bhwa milele, ne ghagho manyeghi ghekushudiha habari syane ne te ⁴⁰ muhensile kwisa kumwane hakubha mupate bhupanga bhwa milele. ⁴¹ Sikupokela sifa kufuma kubhantu, ⁴² Tukubha njinsi kubha kutuhu bhupendo bhwake Kabhumba mukati mwenyu umwe bhene. ⁴³ Najisa kwisina lyake Tata temwaka kobholanga kupokela. Kobhe ghundi ana kese kwisia lyaje munakamupokele. ⁴⁴ Mulikukobhola bhuti kuamini umwe muli mulikupokela sifa kufuma kilaghumwi ghwenu tukubhatemkuhe sifa jifumile kwa Kabhumba ghwa pekee? ⁴⁵ Musibho mwinsi une no misitaka hambele jyake Tata. Alikumisitaka umwe ni Musa, hakubha umwe mwakabhika matumaini ghenyu kumwaje. ⁴⁶ Kobhe munabhe mumwani Musa, munaamini une kusababu ghaka nyeghanga kulingana na habhali syane. ⁴⁷ Kobhe musikuamini bhunyeghe bhwaje, mwokobhola kuamini maghambo ghane?