¹ Suku mukagha kabla jya pasaka, Yesu ghajya Bethania, huakabhele Lazaro nyene ghulya ghakamufufuanga kufuma katika wafu. ² Bhamujyojesya fyakulya fya mugholo koko, n Martha ghamulaghisisya, bhwakati bhobho Lazaro akabhele ghumwi ghwabho ghwa bhalya bhakekalanga hamwi na Yesu. ³ Okubha Mariamu ghatwale ralili jya manukato ghakalyohelesyangwa ku nardo safi, gha thamani nkulu, ghamusigha Yesu kumaghulu, nokufuta maghulu kunyele syajye; nyumba jonse jakabhumbikanga isu lya manukato. ⁴ Yuda Iskariote, ghumwi ghwabhalya bhanafunzi bhajye, ghulya alokamusaliti Yesu, ghatenda, ⁵ "Kusabhabhu sii manukato ghagha ghanakaghusibhwe kwa dinali makumi atatu no kuhebhwa bhapina?" ⁶ Nagho ghakaghatendanga ghagho, je kumuhulumia mpina, ila nikusabhabhu akabhele mwifi: nyene ghoghakanyinghanga mufuko ghwa mahela no akabhele nakutwala baazi jya fintu fikabhele momo kua sabhabhu jyaje nyene. ⁷ Yesu ghatenda, "Mleke abhike syalinasyo kusabhabhu jya lufuku lwa maziko ghane. ⁸ Bhapina mulobha nabho fuku syonse." ⁹ Tukubha bhumati bhukulu bhwa Bhayahudi bhakahesanga kumanya kubha Yesu alikoko, naghobhajisa, tekusabhabhu jya Yesu tu, ilabhakahensanga bhamulole Lazaro ghulya Yesu ghakamufufuanga kufuma katika wafu. ¹⁰ Nagho bhakuu no makuhani bhakelanga kalaghano ka kumwihagha Lazaro; ¹¹ tukubha kusabhabhu jyabho bhengi katika Bhayahudi bhakajanga lwabho no kumumkusya Yesu. ¹² Nalufuku lwa bhubhili lwajye bhumati bhukulu bhwakesanga kusikukulu. Hobhakahulikanga kubha Yesu ajisile Yerusalemu, ¹³ Bhakatwalanga matavi ghafiti ghamitende no kufuma hansi kujya kamlaki no kuhula silongo, "Hosana! Abarikiwe nyene ajisile kwisina lya Bwana, Mfalme wa Israeli." ¹⁴ Yesu ghakamupatanga mwana wa punda no kumutanda; bhuli tetelibhojyakaghandikwanga, ¹⁵ "Usighubhahi, mwana ghwa Sayuni; kunga, Mfalume ghobhe ajisile, atansile mwana- punda." ¹⁶ Bhanafunzi bhajye tebhakaghamanyanga maghambo ghagha hakusumbula; tukubha Yesu hoghaka kusibhwanga, haho bhakesukilanga kubha maghambo ghagha ghakanyeghe langwa nyene no kubha bhakela maghambo ghagha kumwajye. ¹⁷ Okubha lilya ikundi lya bhantu bhakabheho hamwi no Yesu bhwakati hoghakamwitanga Lazaro kufuma mukaburi, bhailolela kubhandi. ¹⁸ No jikabhele kusabhabhu jeji no kwi kundi lya bhantu bhakajanga kumupokela kusabhabhu bhakahulikanga jya kubha ghajila ishaya jyejo. ¹⁹ Mafarisayo bhakatesanyanga bhene kubhene, "Kunga, nonwe tamwakobhole kula lyolyonse; kunga, bhwelelo bhwajya kumwajye." ²⁰ Kundi baadhi jya Wayunani bhakabhele miongoni mwa bhalya bhakebhele kuabudu kusikukulu. ²¹ Bhabha bhakamujilanga Filipo, ghulya ghakafumanga Bethsaida jya Galilaya, bhamusegha no kutenda, "Bwana ufwe tuhensile tumulole Yesu." ²² Filipo ghabhuke kujya kumubhalila Andrea; Andrea no Filipo bhaajo no kumubhalila Yesu. ²³ Yesu ghabhahndula no kutenda, "Nonwe jafika kusabhabhu jya mwana gha Adamu kukusibhwa. ²⁴ Amini, amini, kubhabhalila, chembe jya ngano kubhajyaleka kughwa katika lugho nokufwa, jiko jikala hali jye jyoe jengwa, ila kubha jyafwe jilofyala majabho mengi. ²⁵ Nyene anyomilwe bhupanga bhwajye alobhutagha; ila nyene abhughajile bhupanga bhwaje katika bhwelelo bhobhu alobhusisya nansi panga bhwa milele. ²⁶ Muntu ghoghonse alotumikila une, no kundonda none hondi, hwali no mkolamilimo ghwane hoalokabhaho. Muntu ghoghonse alotumikia, Baba alomuheshimu. ²⁷ Nonwe mwegho ghwane imefadhaika: none tenda bhuti? 'Tata usabhule katika muda ghoghu? Tukubha ni kusabhabhu jeji najifikila muda ghoghu. ²⁸ Tata, ulikusye isina lyobhe." Okubha silongo syaja kufuma kubhwelelo na kulenda, "Nanditunsya none ndolitukusya kabhili." ²⁹ Basi mukutano ghwalahaghalalanga hehi najye bhahulika, bhakutenda kubha kwabha ngulumo. Bhandi bhalenda, "Misambwa bhatenda najye.'' ³⁰ Yesu ghahindula no kutenda, "Silongo sesi tesikabhele kwasabhabhu jyane, ila kuajili jyenyu. ³¹ Nonwe hukumu jya bhwelelo bhobhu nomwe jiliho: Nonwe mkuu wahabhwelelo bhohu alotaghwa hanse. ³² None kubhana natasibhwa kubhwelelo ndo bhatamba bhonse kumwane." ³³ Ghakatendanga ghagho nokulansya ni mauti ghahe ghalokafwa. ³⁴ Mukutano ghamuhindula, "Ufwe twahulika katika shelia jya kubha Kristo alokakomela haha milele. ³⁵ Noghwe ghwatenda bhuti, 'Mwana ghwa Adamu nilazima akusibhwe kulughulu'? Ghoghu mwana ghwa muntu ni ghanyi?" Kundi Yesu ghabhabhaila, "Nulu ingalipo hamwi nomwe muda mutofu. Ene deni madamu mulinajye nulu, ili kubha giza lipotwe kubhakobhola. Yesu ajile gizaza tyamanyile kwajile. ³⁶ Bhukobha msyali najyo nuru, mujiamini nuru jyejyo ilimpate kubha bhana bha nuru." Yesu ghakaghatendanga ghagha nokuja lwendo lwaje ghalifisa bhasimuloli. ³⁷ Nansikubha Yesu ghakelanga isyala nyingi kunamna jejyo habele jyabho, bhakabhanga bhasyali kumwamini ³⁸ ili likwile ighambo lya nabhii Isaya, lyogha katendanga: "Bwana, nighanyi ghakasinighanga habali syetu? nokubhoko kwa Bhwana ghakafunuliwanga ghanyi?" ³⁹ Ghosabhabhu bhene tebhakaaminingi maana Isaya ghakatendanga kabhili, ⁴⁰ "Ghabhahofusya menso, no kujila miungu myegho jyabho; bhasisi kulola kumenso ghabho no kumanya kumyegho jyabho no kuongoka none kubhasisya." ⁴¹ Isaya ghakatendanga maghambo ghagho kusabhabhu ghakabhulolanga bhutukufu bhwa Yesu no kutenda habali syajye. ⁴² Tukubha nansi bhakuu bhengi bhakamumingi Yesu lakini kusabhabhu jya Mafarisayo, tebhakaghalaghala ili bhasisi kutengwa na sinagogi. ⁴³ Bhakanyomwanga sifa sya bhantu kuliko sifa sifumile kwa Kabhumba. ⁴⁴ Yesu ghafumya silongo no kutenda, "Nyene akusisye une tyakusisye lune bali na nyene atumile une, ⁴⁵ no ghulya abhwene une amubhwene no ghulya atumile. ⁴⁶ Une jisile kobhe nulu jya ulimwengu ili kila muntu aamini une asikali gizani. ⁴⁷ Kubha muntu ghoghonse aloghahulika maghambo ghane lakini ghaghaleka, une syamuhukumu, maana syakensanga ili hukumu bhwelelo bali bhaokowe bhwelelo. ⁴⁸ Ghulya atuniel une no asighaswele maghambo ghane, alinajye alokamuhukumu: Ighambo lelyo lyonatenda olelyo lilokamuhukumu lufuku lwa mwisyo. ⁴⁹ Maana une syakatendanga kunafsi jyane tu. Bali ni Baba ghakafelanga, nyene nokudaghisya ghondokatenda na kubhabhalila. ⁵⁰ None jinsi jya kubha bhujumbe bhwajye ni bhupanga bhwa milele; basi ghagho ghotensile une - nikobhe Tata bhoghakambalilanga, bhonakatendanga kumwabho."