¹ Tukubha kila kuhani mkulu, ghulya ghakasaghulibhwa kufuma mumwabho mwa bhantu, ghasaghulibhwa kuhaghalala badala jabho katika mfintu mfihusiene no Kabhumbha, ili akobhole kufunya kuhamwi sawadi no zabibu kusabhabhu jya sambi. ² Akobhwele kwishughulisha kubhuhole no bhajinga nobhabishi bhukobha nyene kubha ashunghulwike no bhuzaifu. ³ Kusabhabhu jya leli, ali na bhwajibu bhwa kufumiya lufuho no kusabha jya sambi shajye katibhwakojila sambi sya bhantu. ⁴ Ni kutuhu muntu anatwala isima kusabhabhu jya nyene, tukubha badala jyaje ni lazima ajitanwe no Kabhumba, kati bhwa kabhele Haruni. ⁵ Nansi Kilisto teghakehanga isima nyene kukwinjila nyene kubha kuhani mkulu. Badala jajye, Kabhumbha ghakabhalanga kumwajye, " Ughwe ni mwanane, bhwalelo namba Baba jobhe." ⁶ Ni kati bhwakotenda sehemu sindi, " Ughwe ni kuhani milele baada jya mufumo ghwa Melkizedeki." ⁷ Bhwakati bhwasipindi syajye katika mubhili, ghakasegha no kubhaseghela, ghamusegha Kabhumba ku ndililo, kunyene akobhwele kumusabhula kufuma kulufu. Ku sabhabhu jya bhunyenyekebhu bhwajya kwa Kabhumba, ghahulikwa. ⁸ Japokuwa akabhele mwana, ghakefundishanga kwesimu maghambo ghalya ghakamusamfyanga. ⁹ Ghakamilishwa no ku nsila jyeji ghakelwa kukila muntu amwamini kubha sabhabhu jya bhwokobhu bhwa milele, ¹⁰ kukutengwa no Kabhumba kobhe kuhani mkulu baada jya zamu jya Melkizedeki. ¹¹ Tuli na mengi ghakubhala kuhusu Jesu, tukubha nifinywamu kubhalomba bhukobha umwe ni bhafila bha kuhulika. ¹² Bhukobha kusipindi kusipindi sesi muhensilwe kubha bhalimu, hasyaji kuli na bhumuhimu bhwa bhantu kubhafundisya mafundisyo gha awali gha kanuni gha ghambo lya Kabhumba. Muhensilwe mabhele wala tesyakulya sikake. ¹³ Bhukobha ghoghonse akunywa mabhele tyali na bhuzoefu katika bhujumbe bhwa haki, bhukobha asyali ni mwana. ¹⁴ Kulu hande lundi, syakula sikaka nisya bhantu bhapanga, bhalya ambao kusabhabhu jya bhuzoefu bhwabho katika kutofautisha bhene no bhubhi bhafundisibhwe kumanya isogha ne bhii.