¹ Lupola bho Habakuki nabii ghaka bhupokela, ² Yahwe ku muda si ndakulilila musaada, no teula kuhulika? Nankulilila unghiwe ku kitisyo, 'Bhulanga' lakini te ulo kunsabhula. ³ Kusabhabhu si ulikunjila indolebhubhili no kukunga matendo mabhii. Bhubhii hisi no bhulanga bhuli ha mbele jane; kuli no mapambano, no bhusi ndanyi bhuli kubhuka. ⁴ Tukubha syelilani dhaifu, no hakitejili kuliwa kubhwakati bhobhonse. Kusabhabhu bhubhi bhwa sunguluka haki; kukubha haki ja malami jilikufumika. ''Yahwe'' Alikumujibu Habakuki ⁵ ''Kunga mataifa no ubhajalibu; lekwahesaka no bhijisi bhwa! Sabhabhu ndilino bhuhakika kuhusu kwila sintu kunfuuku syabhe kubha teulo kuamini hojilokutaarifibhwa kumwenyu. ⁶ Sabhabhu kunga! ndilihehi; kubhabhusya Bhakalidayo - itaifa ikatili no likanya sisiwalo - bhali kufyata kulitila bhuhamu ghwa indi kuteka ngo syote sya kwabho. ⁷ Bhali kuhofu no kughubhala; hukumu jaabho no bhusogha kufuma kumwabho bhuli kwendelea. ⁸ Falasi ghwabho kumwi bhali no lubhilo nkana kuleka chui, bhahatunkana kleka mbwa mwitu bha mugholo. Falasi ghwabho bhaho bhakobha seta, no bhatanda falasi ghwabho he silekufuma halee - bhali kughuluka kobhe tai gho alikuwahi kulya. ⁹ Bhoonea bhesile kubhalanga; makundi ghabho ghekuja kobhe musagha ghwa kwijangwa, no bhali kwikanka mateka kati musenga. ¹⁰ Bhali kubhadhihaki bhafalme, no fiongozi ni sihaka kujili jaabho. Bhako jiseka kila ngme, maana bhuko lundika lufundu no kughafunya. ¹¹ Ho musagha ghula kuhita; jila kuendelea kulita - bhantu bhakanya hatia, bhobhuweso ghwabho ni kukabhumba.'' Habakuki alikumubhasya Yahwe iswali lindi ¹² ''Uughwe teghwatanga nyakati syakale, Yahwe Kabhumba ghwane, gho ulimutakatifu? uufwe tetulakufwa. Yahwe Kabhumba bhwene, ghouli Mutakatifu? Uufwetetulakufwa.Yahwe ghaka bha katika ngakwajili ja hukumu no kusahihisya. ¹³ Menso ghakwinyu ni masogha kukunga halugulu ja bhubhi, lakini temwakobhole kukunga maatendo mabhii kufadhila; kusii mulikukunga kubhupendeleo tetyo halugulu bho bhali kusaliti? Kunikwi kalakala bhwa kati bhubhii bhukobhwele nkana bhakanya haki suumba jakumwaabho? ¹⁴ Ulikubhela bhantu kobhe nsonfi kubhahali, kati fintu fyo fili kulanda bhusila kiongosi halughulu habho. ¹⁵ Bhene bhabhaletile bhonse ku ndoani; bhali kubhakokota bhantu kufuma ku nyabhusya nsonti no kubhakonka ku nyabhu syaabho. Jeeji oh sabhabhu bheku nyomwa no kuhulabhulanga kubhu sanga bhalenkana. ¹⁶ Lakini bhali kutumya sadaka kunyabhu syaabho sya kulobhela no kutubhumba bhubani kunya bhusyaabho, sabhabhu manywele mahamu ni sehemu ja kwaabho, bo nyama jinonile ni syakulya syaabho. ¹⁷ Kusabhabhu iijo bhalo kuhwa nyabhusyaa bhosya kulobhela no kuendelea ku chicha mataifa, bhusila kuhisi sighongo?''