¹ Ndakojughalala kunguso jaane jabhulinsi no kulibhikila uune nyenee halughulu munala ghwa muinsi, no ndakukunga kumakini kulola nyene alotenda sii kumwane no kunamuna ja bhuti ndo kulunduka kufuma ku lawama ja kumwane. ² Yahwe ghakanjibu no ghakabhalanga, ''Rekodi maono aghe no ughandike bhwenu hatunde jakibao ili gho alosoma alokobhola kukilima. ³ Kusabhabhu maono agha ni kubhwakati bhobhwisile no kumbele alo kusalula bhusila kughwa. Ninga bhojili kutinda, jihambela. Sabhabhu kuhakika jilakwisa no tajila kutinda. ⁴ Kunga! ghulya ghohamu jaaje tesawa sawa mukati mwaaje alikupumua kumanagha. Lakini mukanya haki kwikala kwa amani. ⁵ Kusabhabhu mubhinyo ni musaliti ghwa musumba mukanya kwitapa ili kubhaji fumilie, lakini akokusya tamaa jaaje kobhe kabhuli no, kati lufuu, teilo kukobholeka kutulisibhwa. Nyene ekwiko nkela kila itaifa no ekukonga kujili jaaje bhantu bhonse. ⁶ Aaghe ghoonse tebhalo kulyolesya bhusemi kumudhihaki no lwimbo lwa dhihaka bhobhuli kumuleka, 'Ole ghwaje ghulya gho ekughungilisya fisilifya kwaje! Kumuda sii ulokughungalisya bhunywamu ghwa samana jo gwa twalanga?' ⁷ Bhalya bho bhekuhembela kumwabhote bhalo kubhuuka ghafula? bhalya bhobheku kusunghumisya kuhalamuka?' Ulo kubhamu asilika kujili ja kwabho. ⁸ Kusabhabhu utekile nyala bhantu bhengi, mabaki bhonse ghabhantu ghalo kukuteka nyala uughwe. Sabhabhu waghono malaso mengi ghabhantu no ujilite kubhuasi sinyume sya inchi, muji, no bhonse bhobhajikele mukati mwanje. ⁹ Ole kughulya gho ekubhaasa mapato mabhii kujili ja yumba ja kwaje, tetyo akobhwele kulyohelesya siisa syanje hatunde kumu bhikila nyene salama hale no mabhoka gha bhuubhi. ¹⁰ Ubunile nsonyi kungo ja kwobhe kukubhaputa bhantu bheengi no ghwajila saambi dhidi ja kwoobhe ghwenyene. ¹¹ Sabhabhu ibhwe lilo kuhula bhulanga kufuma kunkande, no paolya mbao liloku wajibika, ¹² 'Ole ghwaje ghulya gho ekujenga uji kwa malaso, no nogho ekuimalisya muji kubhubhi. ¹³ Iije tejifumilile kwa Yahwe ghwa makeshi kubha bhantu bhajile mulimo kumulilo no mataifa ghonse ghandigha kubhiha ghenee bhusila sintu? ¹⁴ Hasyali indi jilo kubhumbika maalifa ghabhutu kufughwa Yahwe kati mansi bho gheku jibhuumba bhahali. ¹⁵ ''Ole ghwaje ghlya gho ekumwila jaleni jaaje akolwe, uugho gho ulikughungi lisya sumu ubhele bhakolwe ili ukobhwele kulola bhutuhu ghwabho. ¹⁶ Ulokufimbi bhwa no nsonyi sumbe bhutukufu. Nywajejo tilyee, no funula bhutuhu ghwa kwoobhe ghwenyene. Sikombe syakubhoko kwakuume ghwa Yahwe ghulo kwisa mukujindukila uughwe, no nsonyi jila kufudika hesimajoobhe. ¹⁷ Bhulanga ama masola gho ghajilwanga Lebanoni jila kuku funika no bhebhi hisi ghwa manywele ghula kukughubhalika. Kusabhabhu ghwa honyama laso ghabhantu no ghwajila kubhuasi suumba ja jilya indi, muji, no bhoonse bhobhekwikala uumo. ¹⁸ Mukiti ghoghubhasilwe ghuli kukusaindia sii? Sabhabhu ghulya gho ajibhasila iijo ama gho ghajisubu jijeju metali, ni mwalimu ghwa amalami; Sabhabhu alikujiamini mulimo ghwa mabhoko akweje mulyohelesya miungu iisye syabhusile kusahula. ¹⁹ ''Ole ku ghulya gho ekughubhalila bhubao, halamuka! Ama kuiibhwe lyabhusila kusahula, bhuka!' Fintu iifye fikufundisya? Kunga, isye halughulu sifundikwe kusahabhu no mpija, lakini mukati mwaaje tesili kuhula kabhisa. ²⁰ Lakini Yahwe alimo mwi hekalu lyaaje ilafu! Indi joonse jibho na kale hambele jaje.